很久沒有來

一來便看到1年前我寫的一篇日記

發現原來一年前都係一樣!! (我都差點忘記了….)

其實我真係好唔開心, 好失望, 好想嬲你, 想鬧你, 想發脾氣

我諗十個女仔, 九個都唔會接受到週年紀念, 冇慶祝, 冇禮物, 冇花

一句講哂—冇準備!

我真係好嬲, 一邊叫自己要包容你, 但我真係嬲到唔識講野

如果…..

我係一個咩都有既女仔….我就會覺得好難準備…因為我咩都唔缺既時候…自然好難買到禮物

但唔係呀……

我係1年半之前,已經提出過, 想整一本blook, 想將我blog入面既野整本書, 因為我驚有一日會唔見哂, 你當我懶都好, 我俾哂guide你…希望你有一個幫我呢個忙….我已經好開心….但我等左一年半……都係白費

2個月前, 我都好唔要面同你講….我從來冇收過你既首飾做禮物, 我覺得首飾係要男朋友送先有意義, 所以我呢兩年都極少買首飾…係因為想你送俾我….但我咁唔知醜都係白費既!!

我同你講過我鍾意既野真係數之不盡, 根本唔洗去諗, 求求其其都可以買到樣…

平既有, 貴既有.

我又唔係要哂

我就係怕你咩都唔做

點知你真係咩都唔做

我唔敢話俾我d朋友聽. 我地兩週年係點過

我真係好介意