煩呀….煩死喇….

好想可以自己handle得到, 完全唔洗老公幫手, 奈何自己無呢個能力

一問老公就等如俾壓力佢, 就算我點解釋都冇用

好煩呀….都怪自己多口…..

老實說

我一直很介懷, 我們的週年紀念, 我的生日以及你的生日是沒有回憶的過去了

我是很重視這些日子的人, 我還是改不了這個性格

過去的追不回來, 真的很遺憾!

都已經一年多了, 還是要日復日的想著…..我搶走了她的男朋友

而我又是配不起這個男朋友的女朋友

我很想讀書, 很想進修, 想要彌補一個能幹的女朋友給你

我很想知道她的消息, 因為我深信你一如以往, 一直有尋找她的消息

我想知道你知道的東西, 我不希望你暪著我做任何事, 寧可你在我面前做

以下係我一個晚上所諗到既野, 我只係想記低佢, 可能會好雜亂無章

——————————————————————

1. 久久未試過一個人過一個晚上, 一個晚上既時間好短, 但我都唔知可以做咩好, 無左老公, 原來我真係會得番一個人

2. 本來想行下, 攞下靈感,睇下買咩禮物俾老公好, 但得自己一個人, 真係唔想行, 一個人行街, 原來感覺會好”寡”!

3. 感覺生活圈子真係細到不得了, 本來已經唔係大.自從唔搵d朋友後, 除左老公, 我已經唔識點樣同人相處. 有時真係想搵番d朋友, 但一諗起老公唔係好中意我d朋友, 兼且啖氣仲未下, 到呢一刻仲係兩個人既世界

4. 我好想好似toby咁, 二人世界之餘, 仲有好多好多社交活動. 因為我foresee到, 就算兩個人再甜蜜,再幸福, 到我地開花結果既時候, 都冇人黎分享我地既喜悅

5. 差唔多兩個月冇出過旺角, 見到好多人, 年輕人好開心, 個個都打扮得花枝招展, 覺得自己好backward

6. 我好想讀書, 因為我諗起佢, 一個人既時候, 我就會諗起佢, 因為有時間, 有空間俾我幻想下佢以前同老公一齊既模樣, 佢地一齊係大學入面好開心, 好無憂無慮既日子, 我永遠都同唔到老公分享呢段人生中最開心既階段. 我好想好似佢咁,讀好多書, 拉近我同老公既level, 我唔要做一個白痴既老婆,我唔想配唔起老公, 我想做一個會不斷進步,又可以令老公進步既老婆

7. 我好想有個小kevin, 十分明白亦贊同呢件唔係今日既事, 唔係聽日既事, 要係數年後,甚至十年後既事.但我真係好驚再過幾年,我就冇咁既能力, 但我更加唔可以迫老公, 過多幾年,如果真係咁,我都要認命

8. 就好似咁大件事, 我想搵個人傾下, 想問下意見, 都唔知同邊個講

9. 呢排好想番惠州, 因為,只有放假,唔洗工作, 先可以番惠州, 咩都唔洗諗, 咩壓力都冇

10. 我而家好怕係街度見到朋友, 我試過撞到幾個, 都唔敢上前打招呼, 我唔習慣同老公以外既人相處

幾歷風雨, 一言難盡

這樣是吧……

“同樂觀o既性格有關”