琴日係7月25日, 係我第一日返工, 亦係肥仔五歲生日

今次間公司係”精密五金廠”, 對於完全未接觸過理科既我, 簡直係極大既挑戰

雖然係day one, 一d都唔悶, 因為聽左好多關於公司同工廠既野, 幸未有反感既感覺, 只係有少少驚, 好彩我有個engin老公, 放工時, 同佢講公司既情況同product, 佢完全明哂, 因為佢讀呢d嘛~

講真, 呢份工好challenging, 一來對呢行一d product knowledge都冇, 二來我知道只要我上手後,必定要好刻苦,三來雖然個title係project coordinator, 但根本係做project manager既野, 一個人lead幾個project, 都真係幾大壓力~所以無論知識上同個人上都有好大既挑戰, 再唔係以前hea下hea下就袋人$

So far, 呢個公司俾我印象都幾smart, 老闆係女人, 預左會難照顧, 但相信佢地係fair, 係睇performance既人, 我相信坐得入條team, 唔會低人工得過我. 我中意呢間公司, 其中一個原因係even係expand, develop得好快, 但一d都唔會冇system, 各方面都可以一齊grow up至係成功既關鍵. 過往我做過既兩間廠, 係就係好多生意.但內部行政, 系統往往跟唔上, 更加配合唔到, 俾人感覺好冇效率, 咁樣做法, 員工會好辛苦而且再多生意佢都做唔黎.

琴日day one, 有機會同老頂(暫時)傾左陣, 佢非常看重我係大陸註過廠, 深信我係捱得既人, 佢個奸樣已經話我知佢有大計, 諗住assign我去做大野.

希望人地俾機會我係呢度搵到我既事業啦~

暫時3個月(probation)既target係….學多d野, 同埋…..17k~

哈哈