Kitty的話：大家好﹗傻哥blog的轉載經已結束，由今天開始，魔鬼家族會與各位SanrioTown讀者遊東京﹗

晨咁早5點幾就起身,攪掂自己再叫哥哥起身,6點3出門口,7點未夠就去到機場,個領隊係約我地7點20分,所以3隻野呆呆地坐左成半粒鐘先到集合時間,聽佢講完一大輛,爸爸走去寄行李,媽媽同哥哥去萬寧買口罩,因為尋晚個領隊話依家日本d花粉症好利害,如果有鼻敏感既人士要小心d,屋企又無小童用口罩,所以等萬寧開門買左幾個,有避無患呀ma.(點知全程都無用過)

跟住食左個早餐,又再次集合,因為有人遲到,所以等左好耐,又要聽佢講一大餐先攞得番本護照同boarding pass,距離登機只剩３5分鐘,急急腳行去過關,重要行好遠先到61號登機閘,想周圍行下都唔夠時間lu.

哥哥全程都非常合作,

玩個窗又開又關玩左一陣,

玩個電視同搖控又玩左一陣,

起飛之後又有小朋友禮物包,係一個disney背包,入面有顏色筆,圖畫冊,貼紙等等,佢又玩左一陣,

跟住就有兒童餐食,

食完打左一陣nds,

再睇左半套超級零零狗,

見到媽媽打機佢話要打,開左個維尼熊遊戲玩左一陣,話咁快就到左成田機場.

由於我地要等攞番架bb車,所以排隊過海關時係排到最後,排排下有工作人員見我地有小朋友就叫我地去左手邊排,排我地前面有3個家庭,到我地嗰陣其實都唔係快左好多,不過媽媽極之欣賞佢地既工作態度,總之有心就得啦!

到步後第一個景點~~台場．

首先去PALETTE TOWN，我地只有９０分鐘時間，同哥哥食飽個肚先，食完ｍ記再整多碗拉麵，食飽個肚先慢慢行街．

行左VENUS FORT一圈就行番出來，好似無咩啱睇咁．

集合後再坐幾分鐘車程去到DECKS TOKYO BEACH．呢道有２個半鐘頭時間行．