傻哥Blog

http://hk.myblog.yahoo.com/lasercheung

去到沖繩, 原來交通真係唔係咁方便, 雖然自己有車牌, 但係唔夠胆駕車呢. 呢度自駕遊會好玩好多. 會慳番唔小時間.

話說沖繩的士係會用優惠價錢引你搭的士. 今次都唔例外. 上次打的去萬座毛, 個的士司機已經遊說我地包佢架車一日. 佢 offer 的價錢的確好吸引. 開頭係由恩納區去名護來回, 後來我地講埋番去那霸, 佢開價 YEN 14,000.00 兩個人. 呢個價錢已經同搭公車有得 fight. 況且我地又有兩個大喼. 所以我地都實幫親佢架啦. 不過係唔係都還佢價. YEN 10,000.00 啦. 結果係… 得左!

所以, 今日第一個目的地, 就係水族館. 其實個水族館係位於海洋博公園 (Ocean Expo Park) 入面. 落車望住個入口, 嘩, 真係好宏偉, 好靚呀!

個入口景觀係由上而下, 好有氣勢!

落到去轉右行, 就到左正式入口.

呢度就係表演場地.

呢條殺人鯨申左條脷出黎, 我咁都影到, 勁!

下面兩幅都係用左連拍, 我都係抽左兩幅出黎. 部機效果真係令人滿意!

表演場地右手邊, 有個好靚既海灘. 時間關係, 我冇行到過去.

下面呢度就係水族館入口啦. 入水族館先要收入館費, 其他地方都唔駛收錢架.

大家睇番 d 人同個水族館的比例, 就知道佢個有幾大啦.

館外, 有個大型地圖, 有心行的話, 一日真係有 d 唔夠玩. 況且我只是玩左半日.

回程途中, 又係去番公園入口, 今次係由下面望番上去.

下面係海洋博公園小小中文簡介, 想放大睇, 請 按此.

仲有小小提示, 入左水族館, 每經一處都有張 A4 size 咭可以取閱, 一共 16 張, 雖然係日文, 但係有興趣都可以拎黎睇下或者留為記念. (按此放大).