傻哥Blog

http://hk.myblog.yahoo.com/lasercheung

今次去沖繩都有 d 準備不足, 旅遊書都買唔到, 只係靠網上資料. 而且資料都唔係好完整, 所以今次的行程安排, 都唔係好滿意, 仲有就係冇去到應該要去的殘波岬添. 好可惜呀… 但又似乎唔值得為左一處地方再去.

唯一滿意的就係呢間酒店, 我地住左三晚. 佢就係 ANA Hotel - Manza Beach Hotel & Resort, 萬座海濱酒店啦. (http://www.anamanza.co.jp/)

係機場有架機場巴士直達. 你先要在國內線地下詢問處斜對面買飛. 佢會比張地圖你, 教你去邊度等車.

仲有就係班次, 呢架車途經所有中部恩納村地區出名的 resort 酒店, 如果你地要去的話, 可以考慮呢幾間, 間間都好正下, 各有各的沙灘在旁. 如果睇唔清楚就 click 呢條 link 啦. (Limousine Bus Time Schedule)

呢間酒店係我咁大個人最貴的一間. 佢有 beach view 同 sea view, beach view 貴 d, 7-9樓 (high floor) 又貴 d. 結果我就係住 beach view + high floor 連早餐. 盛惠 YEN 36,000 一晚.

如果係 sea view, 就會見到停車場. 不過對出都係間 chapel 同埋海邊.

酒店入面就係咁樣, 佢早上 7:00-9:00 係有個朝市架.

呢個就係朝市.

佢有架免費 shuttle bus, 來回大門口, Tennis court, 沙灘同埋酒店.

入面當然有個泳池啦.

上到去房間, 嘩, 掂呀 (其實係我平時住慣 cheap cheap 酒店, 未見過大場面). 可惜我又冇影個浴室. (點解次次都唔記得影架…)

好啦, 行出個露台, 睇下望到 d 咩先. 當然就係好靚既 beach view 啦.

再望遠 d, 就係呢座東東, 其實過左佢, 就係好出名的萬座毛.

仲有望到就係潛水摩托車的碼頭, 海上活動仲有香蕉船, 滑水, 海中觀覽船等, 種類豐富.

向下望的泳池景. 留意右上角有個隱蔽的沙灘仔, 有朝見到有兩個女仔自拍水著. 日本唔知係咪好興既呢?

呢兩個就係沙灘上互影水著的女子.

呢三個透明玻璃屋就係 Jacuzzi 啦.

足不出戶, 係露台都影到日落.

跟住就係夜晚的景色.

下面四頁就係酒店的設備同收費. 如果想睇清楚就 click 以下條 link 啦.

(Page 1) (Page 2) (Page 3) (Page 4)

下一個 post 我就會介紹附近沙灘的景色.