傻哥Blog

http://hk.myblog.yahoo.com/lasercheung

講完呢兩次日本旅遊之後, 我都想講下我既住宿比大家聽下, 我住的多數唔過 10000 YEN (兩個人計). 所以級數唔係咁高, 唔係享受形, 冇咩景觀, 設備, 但住得都算舒服, 如果追求享受, 就未必啱你啦.

2005年果次, 做左好多準備工夫, 最終揾到間麻雀雖小, 五臟俱全的賓館, 呢間應該好多人識, 佢就係東橫 Inn 嘞. 所以之係去親日本都係首選. 佢地勝在遍佈全國, 外形, 間隔, 設備全部一樣. 你如果住過覺得 ok, 就邊度都一樣. 其實呢間係好似係商務賓館, 好多香港人都喜歡住呢度, 佢唯一唔好處就係早 check out, 遲 check in, 同埋呢段時間係唔可以留係賓館. 仲有我貪佢有 non-smoking 房. 至小聞到煙味的機會減到最低. 同埋可以免費上網, 不過就玩唔到視像, 話音就 ok. 同埋佢個網站有中文同英文, 做網上預約都好方便, 又唔駛比錢先. 當然, 如果你要住得舒適, 講究的話, 呢度就未必啱你啦.

我住過的東橫 Inn 有:

- 北海道札幌站北口, 佢係最近札幌JR站.

- 函館站前朝市, 呢間比較舊小小.

- 東京池袋北口第一, 上年開左間新的在附近, 係叫池袋北口第二, 兩間一樣方便.

- 沖繩那霸旭橋站前.

好啦, 睇下相先, 下面就係東京池袋北口第一外貌, 佢間間顏色都係咁, 好易認.

每個大堂都有免費上網電腦, 當然係日文啦, 仲有, 每朝佢都有免費輕便早餐供應, 都唔錯架.

以下就係房間間隔, 可惜我冇影到個浴室. 佢地又係間間都一樣.

據我所知, 而家佢地重新招收國際會員, 做左會員網上訂房可以早過唔係會員, 我唔記得係咪可以訂六個月內, 非會員就係兩個月內. 申請辦法係要親自到東橫inn申請,因為會替你拍攝照片, 咭會有你的照片, 新會員入會費半價1500日圓. 而到今年 2009年3月31日就截止. 我都申請左一張. (http://www.toyoko-inn.com/china/index.html)

函館另一個選擇係 函館 Harbour View Hotel, 價錢都唔貴, 同東橫 Inn 差唔多, 仲係正 JR 站隔離. 仲近過東橫 Inn 添. 不過而家好似叫 Loisir Hakodate. (http://www.loisir-hakodate.com/)

而和歌山我就住 Hotel Granvia 和歌山, d 房大 d. 我唔知佢係咪冇非吸煙房, 我訂果陣指明要非吸煙房, 但係入住果陣佢話冇, 你睇, 間房有煙灰缸架. 所以呢間我唔會再考慮, 但除左呢個原因. 呢間都算住得過. (http://www.granvia-wakayama.co.jp/)

東京我都住過間民宿, 不過住過之後, 都唔會再去, 個浴室唔得, 同埋 d 野好舊, 感覺唔係咁好. 佢就係東京小套房. 係山手線巢鴨站, 行去都要10-15mins. (http://www.tokyoinn.net/)

最後就係介紹札幌 Roynet Hotel. 呢間新過東橫 Inn, 亦都好近札幌 JR 站. 上次去做特價, 同東橫 Inn 差唔多, 我係上次係網上揾的. 一心試下, 點知掂呀呢間, 佢又係有得免費上網, 仲可以用埋視像. 個浴室正好多. 唯一唔夠好就係冇免費早餐. 呢間就係 Roynet Hotel 啦. 不過我去完之係又改左名. 而家叫 Richmond Hotel. 下次再去札幌的話, 如果價錢差不多, 我會首選呢間. (http://www.richmondhotel.jp/sapporo-ekimae/)