傻哥Blog
http://hk.myblog.yahoo.com/lasercheung
去旅行最唔想見到的就係落雨, 有一日半左右係下雨, 所以有半日可以午睡, 另外一日就去左御菓子御殿同琉球村.
御菓子御殿其實係一間好出名製作菓子的地方, 呢度有使用沖繩特產紅薯作成的知名甜點「紅薯TARYTO」, 還有沖繩傳統甜點「CHINSUKO」等, 琳琅滿目的菓子真係多不勝數, 入面有個小型工場, 可以睇到製作菓子的流程. 所以呢度我覺得唔算係一個景點. 只係賣菓子的地方. 後來發現那霸國際通都有分店. 當然, 種類就冇呢度咁多.
在館內, 樓上有間咖啡廳, 可以一邊觀賞海景, 一邊品嚐美味糕點. 可惜我去果陣太早, 佢仲未開門.
傻哥Blog
http://hk.myblog.yahoo.com/lasercheung
最近萬座酒店的景點都有好幾個, 第一個要介紹的就係萬座毛. 打的去都係 YEN 570, 好抵呀!
位於沖繩本島西海岸恩納村的國家自然公園.「萬座毛」的由來為「可供萬人齊坐的草原」,「毛」在沖繩指的是原野. 地如其名, 天然的草原在眼前展開, 周圍群生的植物, 已被指定為縣立的天然紀念物. 此外, 還有隆起如象頭般的珊瑚斷岩絕壁, 波浪襲來, 令人不禁贊嘆大自然的雄偉.
行入去之後, 就會見到一大片草原.
望左望右, 都係一片大草原.
傻哥Blog
http://hk.myblog.yahoo.com/lasercheung
其實唔離開間酒店範圍都可以玩足幾日, 食都可以. 酒店入面有三間提供自助早餐, 啱啱好我住三晚, 我可以試哂三間. 三間入面, 有一間係日式, 兩間係西式.
日式 - 雲海日本料理, 半自助式, 已經有 set 主菜. 不過日式早餐真係唔啱我口味!
傻哥Blog
http://hk.myblog.yahoo.com/lasercheung
近排好多香港人都興在外地結婚, 影結婚相. 沖繩都係其中一個熱門地方. 淨係萬座呢間酒店, 附近都有兩間教堂.
面對萬座酒店, 呢間好似上過電視.
Aqualuce Chapel
傻哥Blog
http://hk.myblog.yahoo.com/lasercheung
我第2,3,4日都係間酒店附近玩下, 休閒到有日可以午睡. 呢 d 先係享受呀麻. 
呢間酒店個沙灘都幾靚. 聽聞戀戰沖繩都係在呢度拍.
傻哥Blog
http://hk.myblog.yahoo.com/lasercheung
今次去沖繩都有 d 準備不足, 旅遊書都買唔到, 只係靠網上資料. 而且資料都唔係好完整, 所以今次的行程安排, 都唔係好滿意, 仲有就係冇去到應該要去的殘波岬添. 好可惜呀… 但又似乎唔值得為左一處地方再去.
唯一滿意的就係呢間酒店, 我地住左三晚. 佢就係 ANA Hotel - Manza Beach Hotel & Resort, 萬座海濱酒店啦. (http://www.anamanza.co.jp/)
傻哥Blog
http://hk.myblog.yahoo.com/lasercheung
在2008年初，已打算今年去一個可以享受陽光與海灘的地方，考慮的地方包括蘇梅島， 沙巴及浮羅交怡。 因為工作和健康關係, 遲遲都未能成行。 到了2008年10月，終於也實現了今年的旅遊大計。
這段期間在網上搜尋了很多資料，以上三處地方都不錯, 但在找 resort 酒店時發覺有 d 唔知選邊間好. 十五十六, 揾左好耐都決定唔到, 最後, 我發覺沖繩也是一個很好的渡假地方。 況且我在2005和2007年也曾到日本旅遊, 對日本情有獨鍾。 況且又咁啱比我找到間理想渡假式酒店, 所以最後也決定到沖繩。但呢呢間酒店我都係住左三晚咁多, 因為太貴啦, 同我以前定落的 10000 YEN 樓下(2位) 的目標爭太遠啦.
今次目標是 relax，所以到的景點也相對小。所以可能冇咩野睇! 
以前去沖繩, 係要經台灣, 而家就方便啦, 有香港快運直航, 不過呢間航空公司麻麻地, 有得選擇都唔好坐呢間.
2008年10月4日終於出發, 班機時間係 (HKG) 16:35 - (OKA) 20:00, 所以第一日咁就會無左. 香港快運唔係大公司, 所以無直接停機坪, 要坐 shuttle 出去. 其間見好多人都拎架相機出黎, 呢度又影下, 果度又影下, 上機又影, 當時我真係有 d 不屑… (我懶冇拎相機出黎) 但係諗番轉頭, 自己點解唔影呢 … 影先係正常架.
到達沖繩後, 估唔到佢個國際機場係咁細. 同 domestic 果個真係天同地的分別.
當晚, 先在東橫Inn落腳, 東橫Inn在沖繩都有四間, 我選了那霸旭橋站前, 因為貪佢近那霸巴士總站. 到第二日先會到間 resort 酒店.
好啦, 先睇小小那霸的景色先.
東橫Inn那霸旭橋站前外貌.
那霸市主要交通工具,單軌電車, 如果經常出入, 記住買 1 day pass, 佢仲有 2 days 同 3 days.
傻哥Blog
http://hk.myblog.yahoo.com/lasercheung
講完呢兩次日本旅遊之後, 我都想講下我既住宿比大家聽下, 我住的多數唔過 10000 YEN (兩個人計). 所以級數唔係咁高, 唔係享受形, 冇咩景觀, 設備, 但住得都算舒服, 如果追求享受, 就未必啱你啦.
2005年果次, 做左好多準備工夫, 最終揾到間麻雀雖小, 五臟俱全的賓館, 呢間應該好多人識, 佢就係東橫 Inn 嘞. 所以之係去親日本都係首選. 佢地勝在遍佈全國, 外形, 間隔, 設備全部一樣. 你如果住過覺得 ok, 就邊度都一樣. 其實呢間係好似係商務賓館, 好多香港人都喜歡住呢度, 佢唯一唔好處就係早 check out, 遲 check in, 同埋呢段時間係唔可以留係賓館. 仲有我貪佢有 non-smoking 房. 至小聞到煙味的機會減到最低. 同埋可以免費上網, 不過就玩唔到視像, 話音就 ok. 同埋佢個網站有中文同英文, 做網上預約都好方便, 又唔駛比錢先. 當然, 如果你要住得舒適, 講究的話, 呢度就未必啱你啦.
我住過的東橫 Inn 有:
- 北海道札幌站北口, 佢係最近札幌JR站.
- 函館站前朝市, 呢間比較舊小小.
- 東京池袋北口第一, 上年開左間新的在附近, 係叫池袋北口第二, 兩間一樣方便.
- 沖繩那霸旭橋站前.
好啦, 睇下相先, 下面就係東京池袋北口第一外貌, 佢間間顏色都係咁, 好易認.
每個大堂都有免費上網電腦, 當然係日文啦, 仲有, 每朝佢都有免費輕便早餐供應, 都唔錯架.
以下就係房間間隔, 可惜我冇影到個浴室. 佢地又係間間都一樣.
|
|||||||||
|
|||||||||
|
|||||||||
|
Add to del.icio.us
Digg this!
