傻哥Blog

http://hk.myblog.yahoo.com/lasercheung

 

唔經唔覺已經到左旅程的尾聲, 最後兩日 (第13,14日) 呢個時侯緊係東京 shopping 啦. 係東京, 最常出沒的地方就係原宿. 呢度真係好多野睇.  有全日本得一間的 Head Porter 專門店. 記住, 係 Head Porter. 唔係 Porter. 我都掃左好多貨. 仲有就係 Burberry 的 Blue Label & Black Label. 加埋 Agnes b. 係必掃的啦. 當時 YEN 係 6.5 咁上下. 同而家爭好遠 lu.

山手線你一定要識, 因為你經常會搭! 下面係車站, 我冇影到架車, 山手線架車係綠色架.

Sanrio 專間店都有去, 咁啱當時見到 d 新出o既野, 都買左 d, 不過後來香港好快有啦.

今次黎日本, 係在東京轉內陸機, 我係由成田機場去羽田機場. 路程都頗遠, 我係搭機場巴士, 需時要70多分鍾. 要成港紙二百幾呅架. 內陸機我係坐 Skymark Airlines, 要 YEN 17,000 單程. 係香港在佢個網站訂的. 下面就係羽田機場.

到最後食方面, 我就真係好隨便, 冇乜要求, 所以唔係好豐, 通常都係食拉麵, 壽司, 炸野之外, 都冇乜選擇架啦. 得閒就買 d 限定野食同蛋糕咁啦.

呢件就係羽田機場限定啦.

有日在札幌啤酒節的下午茶, 我唔欴啤酒都試左杯.

食炸物, 一定要試和幸, 全國, 連沖繩都有分店.

富良野葡萄汁, 好好飲架.

見到d蛋糕咁靚, 買左d做宵夜.

我地對食冇乜要求, 呢餐算係大出血啦, 係小樽食既.

日本 d 咖哩飯真係好好食, 同埋佢地用飯的份量黎計錢. 咁樣我覺得幾好.

其實每次食野之前都要影幅相, 有時都會唔記得. 有時食左幾啖先影都試過. 仲有好多食物相. 哈哈!