傻哥Blog

http://hk.myblog.yahoo.com/lasercheung

 

到左第九日, 一早搭火車 (07:00 - 09:54) 由函館到八戶, 再轉乘東北新幹線 (10:05 - 13:08), 由八戶到東京. 到達時都下午, 放低行李之後就出去行街. (住池袋) 今次再遊東京, 山手線已經好熟, 來去如飛. 想去邊就去邊. 不過 order 實在太多, 真係有 d 唔夠時間. 所以決定抽起一日唔去仙台. 變左第十日就係在東京 shopping.

你地唔好期待有東京 d 相. 原來掛住買野, 係冇影過相架! 番到黎先覺得自己好失敗.

話咁快就第11日嘞, 今日個目的地係輕井沢. 早上坐長野新幹線 (08:16 - 09:27) 到達輕井沢. 手頭上呢度既資料實在太小. 所以有小小漫無目的咁. 正在一個巴士站外揾緊巴士之際, 有個女仔由旅遊巴上落黎. 用廣東話同我地講佢 join 左個 local tour. (佢係香港人黎) 叫我地考慮下. 就係咁樣我地就 join 左個 local tour 啦.

呢張就係 local tour 的單張.

就係咁樣, 又跟左鴨仔團啦.

(1) 輕井沢駅

(2) - (4) 鎌原觀音堂

(5) - (7) 淺間火山博物館

(8) 輕井沢好出名的白系之瀧, 但係有d失望, 呢個所謂瀑布好細架咋. 況且我係鴨仔團, 好快又要上車, 影到好小相咋!

(9) - (10) 旧三笠ホテル, 話說我見到兩 pair 人, 佢地係自駕遊的香港人, 見佢地都拎靚相機. 又地跟住我地入左黎. 門口的日本人(管理員), 應該係同佢地講要收入場費. 佢地即刻走左. 唉, 我心諗, 出得黎玩, 佢地又咁光鮮, 比小小錢都唔制.真係……

個團好快咁就完成, 落車站係舊輕井沢, 呢都好多野睇喎, 真係唔夠時間, 因為又要趕車關係. 所以好快又返輕井沢駅.

(11) 而輕井沢個 outlet 就係呢度, 佢好大架, 不過有好多 shop 唔係 outlet, d 價錢仲貴過東京. 買野要睇清楚.

(12) 隨隨便便咁影左幅日落

今日輕井沢之旅真係唔夠喉, 所以都 book 左車票後日再去, 點知… 東京的魔力實在太大, 結果都係留係東京 shopping. 冇再去輕井沢啦.