傻哥Blog

http://hk.myblog.yahoo.com/lasercheung

 

到左第八天, 開始回東京的路途開始嘞. 一早就搭火車由札幌到函館, 需時三個多小時. 函館都唔係今次旅遊的重點. 只係番東京一個中途站. 而且上次已經遊覽過. 所以今次去左函館週邊的新日本三景之一, 大沼公園.

當日天氣又係好差, 間中下雨, 唔知係咪咁既原因, 令到我覺得呢個所謂新日本三景, 都係不外如是. 即係話. 可以唔駛去都得.

觀光船一定唔小得, 當然係要付費啦. 佢會比架耳機你. 有普通話旁白. 介紹沿途景色.

玩左一陣就走啦, 本來諗緊上唔上函館山再影夜景好. 但發覺今日原來又有祭典. 咁就打消左上函館山念頭. 留左係度趁熱鬧啦.

祭典完畢後, 都要早 d 番去休息. 明早搭早車落東京呀!