傻哥Blog

http://hk.myblog.yahoo.com/lasercheung

 

呢三次去日本, 都有帶 Notebook 隨行, 因為方便即日發佈相片比屋企人睇. 同埋做 backup. 雖然已經有個 portable 既旅行儲相裝置. 但係都係安全 d 好.

仲有, 夜晚可以同人 MSN, 有 d 酒店 internet 仲可以比 video 過, 可以玩埋 video & audio conference. 有 d 就剩係比 voice 過. 都慳左長途電話費架.

就係因為咁方便, 所以我海關大人晚晚同人 MSN, 有個朋友話鍾意上兩日在小樽買的 Hello Kitty 杯. 所以今日, 第六天, 就晨早又搭 JR 落去小樽幫佢買杯, 趕火車時我爭 d 氣絕身忙, 上到火車要企, 我面青口唇白, 流哂淡汗. 好彩一陣之後有人落車. 有位坐, 休息左一陣之後冇事咋.

頻撲左一朝之係. 又趕番去預定行程, 旭川啦. 呢度o既目的地就係旭山動物園, 結果我地要兩點幾鐘先到, 係旭山動物園玩左一陣咋.

(1), (2) 一入旭山動物園就見到呢兩隻野, 可以騎上去, 入錢就會行, 但唔知比唔比大人玩呢.

(3) 叫得動物園, 一定唔小得飛禽走獸啦.

(4) 企鵝都算係旭山動物園的生招牌, 冬天會出黎巡遊架. 但夏天就只會在場內表演.

(5) 旭山動物園其中一角的景色

(6) 咿… 佢地係個窿度做咩呢?

(7) 原來睇緊兇猛的北極熊

(8) 好 cute 的猩猩頭

(9) 東門出口

(10) 又係好得意的指示牌

(11) 海洋生物介紹-呢種方法都幾特別

(12) 祭典開始啦… 今次係人生第一次睇日本祭典, 感覺好新鮮, 好興奮.

(13) - (16) 突然間聽到嘭嘭聲, 嘩, 放煙火呀, 即刻跟住 d 人走到一個沙灘上, 坐低看煙火, 好震撼呀, 煙火好近, 真係好近, 煙火爆開時好似迎面飛埋黎. 真係好正. 雖然規模無香港咁大, 但真係正過香港好多.

(17) 放完煙火, 跟住人群散去, 途中見到哈爾移動城堡就影低左.

(18) 行到旭川駅啦… 影低埋佢先!

今日真係好興奮, 人生第一次感受日本祭典的氣氛, 第一次在外地看煙火, 仲係好好睇tim…. 好回味! 雖然遊園時間好短, 影唔到好多靚. 但遇上祭典同放煙火, 令到旭川之行畢生難忘.

仲有就係, 有架包裝過的火車由札幌來回旭川架. 可惜 full 哂, 我要搭番普通火車, 其實行車時間差不多, 普通火車仲多選擇同 flexible, 如果唔係. 都睇唔到今日放的煙火.

比張宣傳單張你地睇下啦.