傻哥Blog
http://hk.myblog.yahoo.com/lasercheung
講完食, 又到手信時間. 睇番 d 相, 都覺得有 d 跨. 
2005 年果次, 係咁上下啦. 番黎打開個喼, 都有 d 嚇親.
我就好鍾意食右下角黃色盒的香蕉糕啦 (東京). 經常大排長龍架. 而右邊中間果盒係朱古力黎. 都好好味, 係札幌買的.
傻哥Blog
http://hk.myblog.yahoo.com/lasercheung
唔經唔覺已經到左旅程的尾聲, 最後兩日 (第13,14日) 呢個時侯緊係東京 shopping 啦. 係東京, 最常出沒的地方就係原宿. 呢度真係好多野睇. 有全日本得一間的 Head Porter 專門店. 記住, 係 Head Porter. 唔係 Porter. 我都掃左好多貨. 仲有就係 Burberry 的 Blue Label & Black Label. 加埋 Agnes b. 係必掃的啦. 當時 YEN 係 6.5 咁上下. 同而家爭好遠 lu.
山手線你一定要識, 因為你經常會搭! 下面係車站, 我冇影到架車, 山手線架車係綠色架.
Sanrio 專間店都有去, 咁啱當時見到 d 新出o既野, 都買左 d, 不過後來香港好快有啦.
今次黎日本, 係在東京轉內陸機, 我係由成田機場去羽田機場. 路程都頗遠, 我係搭機場巴士, 需時要70多分鍾. 要成港紙二百幾呅架. 內陸機我係坐 Skymark Airlines, 要 YEN 17,000 單程. 係香港在佢個網站訂的. 下面就係羽田機場.
傻哥Blog
http://hk.myblog.yahoo.com/lasercheung
好快咁又到左第12天, 好特別咁安排左遠征京都. (有全國 JR Pass 真方便, 去邊都得). 因為海關大人話好想去京都清水寺, 所以山長水遠都要去一去.
今次係乘坐東海道新幹線, 車程約3小時. 到達時都成11點. 京都站都好宏偉, 點都要行一行.
(1) - (3) 京都駅 & 門口
傻哥Blog
http://hk.myblog.yahoo.com/lasercheung
到左第九日, 一早搭火車 (07:00 - 09:54) 由函館到八戶, 再轉乘東北新幹線 (10:05 - 13:08), 由八戶到東京. 到達時都下午, 放低行李之後就出去行街. (住池袋) 今次再遊東京, 山手線已經好熟, 來去如飛. 想去邊就去邊. 不過 order 實在太多, 真係有 d 唔夠時間. 所以決定抽起一日唔去仙台. 變左第十日就係在東京 shopping.
你地唔好期待有東京 d 相. 原來掛住買野, 係冇影過相架! 番到黎先覺得自己好失敗.
話咁快就第11日嘞, 今日個目的地係輕井沢. 早上坐長野新幹線 (08:16 - 09:27) 到達輕井沢. 手頭上呢度既資料實在太小. 所以有小小漫無目的咁. 正在一個巴士站外揾緊巴士之際, 有個女仔由旅遊巴上落黎. 用廣東話同我地講佢 join 左個 local tour. (佢係香港人黎) 叫我地考慮下. 就係咁樣我地就 join 左個 local tour 啦.
呢張就係 local tour 的單張.
就係咁樣, 又跟左鴨仔團啦.
(1) 輕井沢駅
傻哥Blog
http://hk.myblog.yahoo.com/lasercheung
到左第八天, 開始回東京的路途開始嘞. 一早就搭火車由札幌到函館, 需時三個多小時. 函館都唔係今次旅遊的重點. 只係番東京一個中途站. 而且上次已經遊覽過. 所以今次去左函館週邊的新日本三景之一, 大沼公園.
當日天氣又係好差, 間中下雨, 唔知係咪咁既原因, 令到我覺得呢個所謂新日本三景, 都係不外如是. 即係話. 可以唔駛去都得.
傻哥Blog
http://hk.myblog.yahoo.com/lasercheung
前兩日去過富良野之後, 只係去過葡萄酒工廠同富田農場, 意猶未盡, 所以今日去多次, 不過目的地都係富田農場, 同埋係富田農場附近逛逛, 睇下有冇新景點.
所以當晚就即刻再 book Lavender Express, 呢架列車只會在夏天往來札幌同富良野, 相當方便架. 如果你由札幌出發, 一定要坐呀!
雖然自己有車牌, 但係極少機會駕車, 所以唔敢係日本租車自駕遊, 黎到美瑛同富良野, 就感覺到如果自駕遊的好處, 因為呢兩的觀光景點都相當分散. 所以今次去到的地方相當有限.
好啦, 到左第七天, 又到富良野啦. 今日又係陰天, 有時仲落雨, 當然又係影唔到藍天白雲配親色彩濱汾的花田. 好可惜!
今日除左又係在富田農場之外, 都徒步行左去附近, 果度景色都唔錯, 仲有架單人吊車上去高處觀光. 都唔錯.
傻哥Blog
http://hk.myblog.yahoo.com/lasercheung
呢三次去日本, 都有帶 Notebook 隨行, 因為方便即日發佈相片比屋企人睇. 同埋做 backup. 雖然已經有個 portable 既旅行儲相裝置. 但係都係安全 d 好.
仲有, 夜晚可以同人 MSN, 有 d 酒店 internet 仲可以比 video 過, 可以玩埋 video & audio conference. 有 d 就剩係比 voice 過. 都慳左長途電話費架.
就係因為咁方便, 所以我海關大人晚晚同人 MSN, 有個朋友話鍾意上兩日在小樽買的 Hello Kitty 杯. 所以今日, 第六天, 就晨早又搭 JR 落去小樽幫佢買杯, 趕火車時我爭 d 氣絕身忙, 上到火車要企, 我面青口唇白, 流哂淡汗. 好彩一陣之後有人落車. 有位坐, 休息左一陣之後冇事咋.
頻撲左一朝之係. 又趕番去預定行程, 旭川啦. 呢度o既目的地就係旭山動物園, 結果我地要兩點幾鐘先到, 係旭山動物園玩左一陣咋.
(1), (2) 一入旭山動物園就見到呢兩隻野, 可以騎上去, 入錢就會行, 但唔知比唔比大人玩呢.
傻哥Blog
http://hk.myblog.yahoo.com/lasercheung
到左第五天, 就去左美瑛. 本來計劃左踏單車, 可惜落雨, 所以改變左計劃. 最衰呢度景點好散. 同埋巴士班次好疏. 所以最後在 JR 站前 join 左個 local tour. 因為嘆慣自由行, 所以覺得好似趕鴨仔咁, 未玩夠就要走, 咁就簡簡單單咁遊覽左美瑛嘞.
如果同富良野比較, 美瑛更具鄉土味, 小左 d 人工修飾咁啦.
(1) 美瑛駅
(2) 到達第一個景點, 睇下, 所有薰衣草都濕哂.
(3) - (5) 四季彩之丘-呢度真係好靚, 色彩奪目.
|
|||||||||
|
|||||||||
|
|||||||||
|
Add to del.icio.us
Digg this!
