Kitty的話：大家好﹗彥霖BB的東京之旅要告一段落了，由今天起，傻哥將會帶各位環遊日本，希望大家喜歡﹗

 

傻哥Blog

http://hk.myblog.yahoo.com/lasercheung

 

經過2005年去過北海道之後, 念念不忘要夏天再去. 因為想去富良野. 上一次, 駛左好多錢, 彈盡糧絕. 經過兩年休養生息. 又儲夠飛行里數. 所以又計劃再去日本14日, 同上次一樣, 由係要經東京, 所以又買左全日JR Pass, 所以個行程又係怪怪地. 又係想搭多 d, 咁先抵番條數.

我當時係儲緊 UA 的飛行里數, 因為佢有自己機飛, 由美國經香港到東京, 所以只須用優惠的20,000里, 不過今次係最後一次 lu, 因為 UA 已經改左由美國直飛東京, 不經香港. 所以以後要去就由 partner 航空公司飛, 要用番 original 40,000里啦. 咁去日本就變左唔抵啦, 所以而家儲緊去歐洲.

後來發現 ANA 都係只要20,000里就可以飛日本, 新入會就送5,000里, 好著數, 所以即刻申請, 我而家已經儲夠啦. 等緊我老婆佢都儲夠就可以再去架啦. 大家不妨申請一張, 因為好似去日本邊度都係20,000里, 當然唔係直飛, 要轉 domestic flight. 不過呢點我都要再確認下先.

今次唔搭通宵火車啦, 因為係旺季, 驚即日 book 唔到火車位, 所以選擇搭一程內陸機, 咁樣起碼都見識過札幌的新千歲機場.

同行的唔係部 Sony V1 高級傻瓜相機啦, 當時身痕學人玩緊單反, 就係部入門機 Nikon D70s Kit set + 支 Sigma 70-300, 但技術未到家, 所以未能發輝佢的水準.

出發時間係7月尾, 主要都係在北海道南玩, 北面要留番下次啦.

舟車勞頓之後, 已經係行程的第二天, 第一站當然又係札幌啦!

(1) 札幌 JR 車站

(2) 大通公園

(3) 當時遇到啤酒節, 真係好彩.

(4) 呢個係其中一個比較特別的啤酒桶.

(5) 個啤酒桶原來係咁裝的.

到左第三天, 就係去左好想去的富良野嘞!

(6) & (7) 葡萄酒工廠

(8) - (12) 富田農場, 當日開頭天氣幾好, 但到下午就多雲啦.

下面呢幅 d 薰衣草謝左, 係重新準備再生的.

富良野的確冇令我失望, 好靚. 夏天去北海道一定要去. 我到係度玩左一日,

到左第四天, 就係重遊我都好喜歡的小樽. 天氣還是不好, 陰天, 所以 d 相都灰灰地. 小樽係一個好有魅力的地方, 所以上次去過都要再去.

去到小樽一定要飲咖啡, 因為係包埋個杯, 可以拎走. 有時間仲可以自己創作個音樂盒, 都好寫意架.

(13) - (22)

小樽咁又去左一日, 跟住又番札幌 lu.