彥霖BB
http://hk.myblog.yahoo.com/yinlambb
日本紙水近期對到8點幾;豬媽早已打消勁shopping的念頭,不過一月是日本減價的月份,豬媽仍期望買到平野!
老實說,以前都有襯日本減價月份去掃貨,還記得上年同好朋友來,Karen經典一句,唔好諗啦"掃曬落shopping bag最後再篩啦!!"到最後因豬媽真的買了太多,唯有要"割愛"把較"不喜歡"的取回出來,原因是日本貨品又靚而減價了真係好抵,日本減價是全場50%-70%OFF個種,真令人瘋狂!
不過,今次到日本真是很不同了;不知是否經濟差了的因素,靚貨唔係好多,豬媽就算到每次必掃的"COMME CA ISM"貨品都沒以前一樣要有"割愛"的情況出現;豬媽都要行了一會兒,才買到點衫仔比Adrian;真失望!
但是講到shopping,豬媽不得不推介"LALAPORT"比大家,可能去過日本的人都知道"LALAPORT"出名多野行;最大的好像在橫濱那間(原來東京有好幾間),旅遊書寫橫濱那家起碼三個"又一城"咁大!不過,橫濱車程始終較遠,Haru爸爸提議我們來"南船橋"這家;由新宿出發坐JR火車,在"南船橋"站下車,大約40-45分鐘車程左右落車行5分鐘就到!
豬媽今次行這"lalaport"的感想是,真是很多商店,其實淨window shopping你都要花半日時間,所以根本一日都行唔曬,想行多D的話,真係要一早去開始行!賣的都是時裝為主,好多母子(女)裝,好靚好型好KAWAII,不過因為對8的關係,就算有折,都唔平,所以豬媽自己沒在這裡大出血;不過在童裝部那邊減的幅度就真係比較大,所以Adrian都買到d褸仔褲仔鞋仔過年;總算有個交待!這裡你基本要買的品牌大多都有,如果嫌橫濱太遠的話,真可考慮"南船橋"這家!!
正正經經影相,望住鏡頭笑….Adrian每次影相都不肯合作;所以一直以來,Adrian影親相,不是另側面,就是唔笑,一係就直情將隻手遮住自己的面,一係就嚷著"比bb影啦比bb影呀!"
點知今次日本的旅程,Adrian終於偶然肯合作一下,肯影下相之餘亦會望住鏡頭,原來他要好開心好開心的時候先肯影,心情唔靚就笑容都欠奉!
雖然因為天氣的關係,今次旅程取消了到"DISNEY SEA"不過,走入DISNEY STORE,原來ADRIAN都一樣興奮,從未見過他如此主動不停叫爸爸同佢影相,仲笑到見牙唔見眼!!超級攪笑!
注意姿勢同笑容都係佢主動擺,無人叫!!(可能對於其他小朋友來說拍照時望鏡頭同笑是很普通的事,但對於愛酷的Adrian來說,有以下動作…豬媽真感驚訝)
一影完,立刻….
POOH POOH….
MICKEY MOUSE….嘩!!真係自出娘胎都沒見過Adrian如此合作地影相!!
同最喜歡的MINNIE MOUSE呢…
雖然有點老積,不過比起平時不愛笑的Adrian,豬媽真係覺得佢好攪笑!
DONALD…
都唔知邊個教佢咁笑的???!!!
今次豬媽到日本有點輸經驗,因之前同爸爸去北海道很易買到bb日用品(奶粉,尿片,濕紙巾)等;故今次為了預留行李喼空位放手信,豬媽只帶了很少Adrian的日用品過去,打算唔夠就係日本買啦!
點知,就算連住新宿這個大市區,原來買尿片,奶粉都好難找的,藥房周圍都無得賣;或者豬媽唔識找啦!去到藥房話無得賣,問果度的人,叫我去大百貨公司先有,大百貨公司(0101,三越)都無!最後要去到ISTEAN的嬰兒部先有,仲要無得你揀,問SALES說要奶粉同加大碼尿片,她還要到倉拿給你!!價錢就梗係比市面更貴啦!
難怪爸爸問,"唔通新宿無BB??"
買了之後,才在LALAPORT的嬰兒部見到有大量比你揀;又問Grace先知,日本"toysRous"先有;原來新宿只有大百貨公司,但賣嬰兒用品的不多,下次記得要帶齊咁多日的用量先好去日本呀!不過,日本板又真係靚d的!!!
要走了!!真是很不捨得今次的旅程,8天話咁快就完了!問Adrian"喜歡Japan定Hong Kong!"
Adrian在日本說:"喜歡HONG KONG多D!"回到香港又說"喜歡JAPAN多D!"
今次東京親子之旅雖然帶著Adrian沒太多時間shopping買野;但能夠如期帶Adrian到"上野動物園"同"motherfarm"豬媽真是很開心!
今次回港之後,亦發現Adrian講多咗好多野,好似大個仔咗!!好多問題好多自己意見,不像以前般叫佢做咩就照做!!
最起碼而家影相都識望下鏡頭笑先啦!!哈哈….
