吉蒂日遊部落 » 2009

環遊日本(1)﹗

2 月 27th, 2009 由 welcome2japan:hellokitty.com

Kitty的話：大家好﹗彥霖BB的東京之旅要告一段落了，由今天起，傻哥將會帶各位環遊日本，希望大家喜歡﹗

blogger

傻哥Blog

http://hk.myblog.yahoo.com/lasercheung

經過2005年去過北海道之後, 念念不忘要夏天再去. 因為想去富良野. 上一次, 駛左好多錢, 彈盡糧絕. 經過兩年休養生息. 又儲夠飛行里數. 所以又計劃再去日本14日, 同上次一樣, 由係要經東京, 所以又買左全日JR Pass, 所以個行程又係怪怪地. 又係想搭多 d, 咁先抵番條數.

我當時係儲緊 UA 的飛行里數, 因為佢有自己機飛, 由美國經香港到東京, 所以只須用優惠的20,000里, 不過今次係最後一次 lu, 因為 UA 已經改左由美國直飛東京, 不經香港. 所以以後要去就由 partner 航空公司飛, 要用番 original 40,000里啦. 咁去日本就變左唔抵啦, 所以而家儲緊去歐洲.

後來發現 ANA 都係只要20,000里就可以飛日本, 新入會就送5,000里, 好著數, 所以即刻申請, 我而家已經儲夠啦. 等緊我老婆佢都儲夠就可以再去架啦. 大家不妨申請一張, 因為好似去日本邊度都係20,000里, 當然唔係直飛, 要轉 domestic flight. 不過呢點我都要再確認下先.

今次唔搭通宵火車啦, 因為係旺季, 驚即日 book 唔到火車位, 所以選擇搭一程內陸機, 咁樣起碼都見識過札幌的新千歲機場.

同行的唔係部 Sony V1 高級傻瓜相機啦, 當時身痕學人玩緊單反, 就係部入門機 Nikon D70s Kit set + 支 Sigma 70-300, 但技術未到家, 所以未能發輝佢的水準.

出發時間係7月尾, 主要都係在北海道南玩, 北面要留番下次啦.

舟車勞頓之後, 已經係行程的第二天, 第一站當然又係札幌啦!

(1) 札幌 JR 車站

(2) 大通公園

(3) 當時遇到啤酒節, 真係好彩.

Add to del.icio.us • Digg this!

Posted in:日本旅遊, 玩在日本, 網誌分享, 買在日本, 喜慶節日, 吃在日本, 富良野, 小樽, 札幌, 北海道
 No Comments »

網誌分享：彥霖BB@東京(5)﹗

2 月 25th, 2009 由 welcome2japan:hellokitty.com

Baby Adrian

彥霖BB

http://hk.myblog.yahoo.com/yinlambb

日本紙水近期對到8點幾;豬媽早已打消勁shopping的念頭,不過一月是日本減價的月份,豬媽仍期望買到平野!

老實說,以前都有襯日本減價月份去掃貨,還記得上年同好朋友來,Karen經典一句,唔好諗啦"掃曬落shopping bag最後再篩啦!!"到最後因豬媽真的買了太多,唯有要"割愛"把較"不喜歡"的取回出來,原因是日本貨品又靚而減價了真係好抵,日本減價是全場50%-70%OFF個種,真令人瘋狂!

不過,今次到日本真是很不同了;不知是否經濟差了的因素,靚貨唔係好多,豬媽就算到每次必掃的"COMME CA ISM"貨品都沒以前一樣要有"割愛"的情況出現;豬媽都要行了一會兒,才買到點衫仔比Adrian;真失望!

但是講到shopping,豬媽不得不推介"LALAPORT"比大家,可能去過日本的人都知道"LALAPORT"出名多野行;最大的好像在橫濱那間(原來東京有好幾間),旅遊書寫橫濱那家起碼三個"又一城"咁大!不過,橫濱車程始終較遠,Haru爸爸提議我們來"南船橋"這家;由新宿出發坐JR火車,在"南船橋"站下車,大約40-45分鐘車程左右落車行5分鐘就到!

豬媽今次行這"lalaport"的感想是,真是很多商店,其實淨window shopping你都要花半日時間,所以根本一日都行唔曬,想行多D的話,真係要一早去開始行!賣的都是時裝為主,好多母子(女)裝,好靚好型好KAWAII,不過因為對8的關係,就算有折,都唔平,所以豬媽自己沒在這裡大出血;不過在童裝部那邊減的幅度就真係比較大,所以Adrian都買到d褸仔褲仔鞋仔過年;總算有個交待!這裡你基本要買的品牌大多都有,如果嫌橫濱太遠的話,真可考慮"南船橋"這家!!

正正經經影相,望住鏡頭笑….Adrian每次影相都不肯合作;所以一直以來,Adrian影親相,不是另側面,就是唔笑,一係就直情將隻手遮住自己的面,一係就嚷著"比bb影啦比bb影呀!"

點知今次日本的旅程,Adrian終於偶然肯合作一下,肯影下相之餘亦會望住鏡頭,原來他要好開心好開心的時候先肯影,心情唔靚就笑容都欠奉!

雖然因為天氣的關係,今次旅程取消了到"DISNEY SEA"不過,走入DISNEY STORE,原來ADRIAN都一樣興奮,從未見過他如此主動不停叫爸爸同佢影相,仲笑到見牙唔見眼!!超級攪笑!

注意姿勢同笑容都係佢主動擺,無人叫!!(可能對於其他小朋友來說拍照時望鏡頭同笑是很普通的事,但對於愛酷的Adrian來說,有以下動作…豬媽真感驚訝)

Add to del.icio.us • Digg this!

Posted in:玩在日本, 網誌分享, 買在日本, 東京, 本州, 吃在日本, 日本旅遊, 優惠資訊
 No Comments »

網誌分享：彥霖BB@東京(4)﹗

2 月 23rd, 2009 由 welcome2japan:hellokitty.com

Baby Adrian

彥霖BB

http://hk.myblog.yahoo.com/yinlambb

行程的其中一日,爸爸細心地安排到台場,那裡有豐田汽車館(Toyota city showcase),可讓愛車的公公試揸新車(如要親身試車,一定要有國際車牌,最好上網book定先,如果當日不是太full即場book亦可,但等的時間就較長,那天我們都要排到2個小時,不過你可以一邊睇其他車,夠鐘先過去),而同樣愛車的彥霖更大飽眼福,幾十架車任玩任坐;另外,有"Venus Fort" shopping mall可讓婆婆同豬媽行個夠!不過,一次一定行不完的,因為台場仍有很多值得去的地方,加上帶著Adrian,而"VENUS FORT"都很大的!

雖然台場仍有很多地方可去,如彩虹橋,台場小香港等勝地,不過我們未夠時間去齊!有機會下次再去吧!

記得以前跟友人去台場,車程蠻耐又轉接,不過,而家由新宿去台場,可以有火車直達,而車程都只是30分鐘左右,方便很多了!

不是誇張,這裡比較空曠,很大風的呀!

忘了加埋爸爸..總共三個"車痴"耶!

Add to del.icio.us • Digg this!

Posted in:買在日本, 網誌分享, 玩在日本, 本州, 日本旅遊
 No Comments »

網誌分享：彥霖BB@東京(3)﹗

2 月 19th, 2009 由 welcome2japan:hellokitty.com

Baby Adrian

彥霖BB

http://hk.myblog.yahoo.com/yinlambb

日本近期紙水高,加上每次到日本,除了SHOPPING外,如果自由行,食方面都佔支出的蠻大部分,閒閒地吃一碗拉麵或豬排飯都要港幣$80-100多元;但上次爸爸跟豬媽到上野遊發現一家上野食之放題;上次我們選了SABU SABU,不但有不同的肉類任吃,另有任吃長腳蟹同甜品呢,都是$200多元港幣一位!故今次再來上野,當然要帶彥霖同公公婆婆來光顧啦!

不過,公公說想試燒肉(即像韓式燒烤般),不過,今次來如要吃長腳蟹就要另付款,沒上次一樣抵了!不過,肉類依然任燒,甜品,汽水任飲!$200多元港幣在日本東京的放題來說,真可算是化算同抵吃了!

老實說,味道一般啦,不過日本的食物差極都有個譜的!比起日日吃拉麵豬排飯好過吖!仲有軟雪糕任吃!講緊的還是放題呢!所以豬媽今次都有"番卓"(即再去)!

Add to del.icio.us • Digg this!

Posted in:網誌分享, 優惠資訊, 東京, 本州, 日本旅遊, 吃在日本
 No Comments »

網誌分享：彥霖BB@東京(2)﹗

2 月 16th, 2009 由 welcome2japan:hellokitty.com

baby-adrian

彥霖BB

http://hk.myblog.yahoo.com/yinlambb

之前聽了Adrian的朋友仔TO TO媽咪的介紹,說上野動物園是個很值得去的地方,而旅遊書亦有介紹此處,故行程的第二天目的地就是"上野動物園"

今天天氣很好,而動物園真是有很多Adrian從未見過的動物,這裡比海洋公園裡的動物還要多之外,而有很多時期都有管理員走出來介紹動物,雖然我們聽不懂日語,不過,管理員又會即場餵動物,比起我們只走馬看花式的觀賞又另有好處!

這裡的動物真是很多,如果你不是一早去的話,其實真是看不完的,單是熊類都有4-6種(北極熊,大灰熊etc.),企鵝都有2種,公園還分兩面,看完獅子老虎大象等,可以坐單軌火車到另一邊,嘩,這裡還是必到之處,因為小朋友可以在這裡親身接觸羊同白兔仔等小動物,雖然不可以餵,但可以用手觸摸下,對小朋友都是個很好的體驗喔!買了入場票了,GOGOGO….