人大了,覺得好多野同以前想法、睇法同做法都唔同咗。頭先係facebook睇啲舊同學既相, 大家一齊畢業,點解人地可以咁幸福?男朋友可以咁鍚佢, 帶佢去呢度去嗰度, 而自己呢? 唉…… 講多都晒氣, 越黎越唔想同佢講野, 我唔知佢有咩感覺, 我自己就覺得分歧越黎越大, 見同唔見都無咩分別, 講黎講去都係嗰啲, 好悶…… 我有時都係度諗, 其實自己係咪已經唔愛呢個人呢?答案係唔知。對我黎講,人大左,對愛情呢樣野好似可有可無咁,有無男朋友都無咩分別, 可能自己太男仔頭, 大女人, 好多好多原因,令我覺得呢五年以來一啲都唔似拍拖。行街、睇戲&食飯, 相信係一般情侶會做既野, 但始乎我地都非常少, 飯係食得最多, 行街…… 係條街行既機會就多, 真係行下街、睇下野&買下野, 就真係超少, 老實說,我寧願選擇同阿媽行街都唔多想同佢去街, 太悶了!! 睇戲…… 之前都有啲既, 想睇既戲, 一係有時間睇佢就落畫,一係就話等dvd or 返去download, 咁會cheap 啲…… 生活就係咁…… 真係No Comment!! 呢五年聽得最多係儲下錢啦!!!!!洗少啲啦!!! 老實說, 自己已經一年比一年慳架啦!! 想我點呢?? 要我過佢嗰種生活??? Sorry!!! 我現時還做不到。

昨日終於開學啦, 諗住可以開開心心上堂, 點知個Miss一開口就英文, 成堂都係英文, 但呢堂無鬼鬼架嘛, 點解會用英文架? 仲要昨日精神及身體都不在狀態, 食左藥, 好眼訓, 一黎就英文, 仲更加眼訓, 但又唔訓得喎, 攞咗我條貓命啦!!!

不過個Miss好好笑, 每當佢寫完Board行返埋去攞Mic, 佢都笑笑口, 非常有儀態, 而且睇得出佢係好俾心機教我地, 佢好努力令我地上堂唔駛咁悶, 唔駛訓晒覺, 呢個係抵讚既, 不過, 當大家走晒, 我去完Toilet出黎, 見到佢同個Staff Complaint支Mic好唔方便時, 就超惡, 同上堂時嗰個咁有儀態既相比, 簡直係天同地呀!!

我第一次見Miss, 一上堂就俾自己Mobile俾人, 仲叫大家有咩問題打俾佢問, 唔駛收錢,HAHAHA…… 佢仲好強調佢係唔會俾Email大家, 亦都唔會Check, 叫大家唔駛Send,因為佢話中左毒唔識攪, HAHAHA…… 佢都幾Funny 呀!!

P.S. 其實佢啲英文都好易聽, 只要留心既, 一定聽到佢講咩既, 明唔明係另一件事呀!!

又九月拉, 各位學生們都開學啦!! 自己下個星期都開學啦, 呢個semester又有一科要用英文上啦!! 悲!!!!! 頭先上網睇啲同學資料, 發現又有外籍人士呀!! 救命呀!!!! 點解每個semester 都總有一位外籍人士同我一齊上架, 我啲英文已經水皮架啦, 到時又係一舊雲咁上堂, 英文上堂既眼訓又聽唔明, 雲遊太空lu!!

不經不覺已經失業左四個月了, 到而家都仲未揾到工, 唉…… 日日係屋企的日子覺得好難過, 再睇下個market, 就真係更難過; 自己做開既product, 係香港市場好少有請人, 想入龍頭, 又無機會, 唔通真係要咁早退休?? 老實說, 我都只求一份工啫, 自問自己不太適合做生意, 識野又唔多, 都係想過啲平凡既生活, 但而家咁既環境, 真係好難揾工, 政府仲話有改善喎!!我就真係唔覺得啦, 日日上網見到啲 post, 少咗好多, 自從美國供報數字後, 啲 post 一日比一日少, 咁代表啲咩呢? 一係啲老細唔想亂黎, 驚經濟未好(因為美國都未好過), or 啲公司請夠人咯!! 如果係咁, 失業率咪會跌咯, 經濟咪好左咯, 但我又唔覺喎!! 身邊都有啲朋友仲未揾到工, 見啲人話揾到, 都要坐咗半年先揾到, 做既野同以前唔同, 仲要少三分一人工喎!! 莫非咁叫好咗??如果係咁既, 我就實在見識少啦!!

내 머리는 너무 나빠서
只因為我太傻
너 하나밖에 난 모르고
心裡除了你之外什麼都裝不下
다른 사람을 보고 있는 넌
望著心有所屬的你
이런 내 마음도 모르겠지
猜想大概也不會懂我的心情吧

너의 하루에 나란 없겠지
你的生活裡沒有我的容身之處
또 추억조차 없겠지만
就算回憶也好都不會有
너만 바라만 보고 있는 난
只能偷偷看著你的我
자꾸 눈물이 흐르고 있어
總是不自覺地流下淚來

너의 뒷모습을 보는 것도 난 행복이야
就算看著你的背影 對我來說也是一種幸福
아직 나의 마음을 몰라도
你還是不懂我的心
끝내 스치듯이 가도
終究和我擦身而過

니가 너무 보고 싶은 날엔
對你朝思暮想的日子裡
너무 견디기 힘든 날에는
非常痛苦煎熬的日子裡
너를 사랑한다 입가에 맴돌아
我愛你這句話一直徘徊在嘴邊
혼자 다시 또 cry for you
依然獨自一人crying for you
혼자 다시 또 missing for you
依然獨自一人missing for you
Baby I love you I’m waiting for you

너의 하루에 난 없겠지
你的生活裡沒有我的容身之處
또 기억조차 없겠지만
就算回憶也好都不會有
너만 바라만 보고 있는 나
總是偷偷看著你的我
혼자 추억을 만들고 있어
只能獨自編織甜美回憶

내겐 사랑이란 아름다운 상처같아
對我這樣的人來說 愛情就像是美麗的傷口
너의 예쁜 미소를 보아도
看著你動人的微笑
함께 난 웃지도 못해
我卻無法感到開懷

니가 너무 생각나는 날엔
對你朝思暮想的日子裡
가슴 시리고 슬픈 날에는
心中淒涼難過的日子裡
니가 보고 싶다 입가에 맴돌아
想念你這句話一直徘徊在嘴邊
혼자 다시 또 cry for you
依然獨自一人crying for you
혼자 다시 또 missing for you
依然獨自一人missing for you
Baby I love you I’m waiting for you

Bye bye never say goodbye
이렇게 잡지 못하지만
即使無法讓你留下來
I need you 아무 말도 못해
I need you 這句話總說不出
I want you 바래도 다시 바래도
I want you 心中渴望再渴望

니가 너무 보고 싶은 날엔
對你朝思暮想的日子裡
너무 견디기 힘든 날에는
非常痛苦煎熬的日子裡
너를 사랑한다 입가에 맴돌아
我愛你這句話一直徘徊在嘴邊
혼자 다시 또 crying for you
依然獨自一人crying for you

니가 너무 생각나는 날엔
對你朝思暮想的日子裡
가슴 시리고 슬픈 날에는
心中淒涼難過的日子裡
니가 보고 싶다 입가에 맴돌아
想念你這句話一直徘徊在嘴邊
혼자 다시 또 crying for you
依然獨自一人crying for you
혼자 다시 또 missing for you
依然獨自一人missing for you
Baby I love you I’m waiting for you

上星期五, 為左攪公司啲文件, 所以落咗中環, 係中環會合咗某人後, 簽完名, 跟住行咗去上環, 完成任務一後, 某人話要去稅局交表同郵局交錢, 於是去咗灣仔, 不過係用腳行落去, haha…… 我想某人嗰一刻應該以為我講笑; 去到灣仔後, 第一大發現出現了, haha…… 某人話先去稅局交表, 點知就去咗入境事務處交, 我都未叫住佢啫, 佢就衝左入電梯, 上咗去了, 我唯有跟住上去, 然後同佢講, 乜你唔係話交報稅表咩?? 點解去入境事務處交既?? 某人話記錯地方, 以為係呢一棟喎!! 於是即刻閃咯!!交完稅表, 去埋郵局就行落CWB既Pokka食lunch, 全程應該行咗差唔多兩粒鐘多啦!!

去完lunch後, 文件攪掂, 又要去返中環簽名, 今次唔行啦, 搭電車, haha…… 簽完名後, 實在太熱太渴, 於是乎諗起飲思樂冰啦!!當然同某人去揾七仔啦, 第二大發現出現,七仔話梗有一間係左近, 但係中環要揾七仔唔係一件容易既事, 行左好耐先揾到一間, 原來七仔句野係騙人既!! 滿心以為有思樂冰飲, 點知入到去先發現原來唔係間間七仔都有思樂冰架!!我到今日先知原來揾一間有思樂冰買既七仔係咁難……呢個仲唔係星期五既第三大發現!! 之後無計啦, 同某人由中環行到去上環, 都係無思樂冰, 跟住同某人講, 揾埋第三間, 如果都係無既話, 就唔飲啦!! 結果係去到第三間近上環先有思樂冰, 真係辛苦!!

五月二十九日去左簽合約, 諗住等六月中返工, 旅行當然取消了啦!!但上到去時, 份合約先寫一年內唔做要賠錢…… 咁既合約之下, 點做呀?? 返黎諗左一個多星期, 決定唔做, 推左佢, 因為實在做唔到, 我唔做要賠錢, 但佢terminate 我呢? 又要我賠, 有無攪錯呀?? 份工人工又唔係高, 無理由呀嘛?? 越諗越唔對路, 所以決定唔去做, 唔係到時真係走既時候就煩啦!!

仔仔雖然出左院, 但就仲未行得, 預計六月去既旅行要取消了, , 無辦法啦, 要留係屋企照顧佢,  睇住佢, 留返下年先去啦!!

六月中開始返工了, 心情有點忐忑不安, 一來唔知仔仔到時既情況會點, 唔知駛唔駛再帶佢去覆診; 二來又唔知自己做唔做得黎, 話晒都有成兩年無做呢類型既 Job, 驚自己做唔黎, 希望唔好過唔到 Probation 啦!!而家咁既經濟環境, 都要做住先架啦, 頂硬上啦!! 我的悠長假期倒數中……

仔仔終於係上星期六出院了, 真係好開心同興奮; 嗰日見完醫生後, 立刻去通菜街買手提箱帶佢返黎…… 不過好貴, 啲手提箱一係就好大, 一係就好細, 結果買左個大既飛機箱俾佢, 嗰飛機箱可以摺得埋, 易啲收藏, 但就好貴, 成七百多呀!! 好彩佢都肯入去, 如果唔係就大鑊!! 帶佢返黎嗰程車, 佢想拆左個箱咁, 入面張尿片俾佢整到一堆野, 自己就坐埋一邊係度嘈, 架車一停就坐唔定, 攪到我覺得個箱好似買大左咁, 唉!! 唔買咁大, 又驚佢訓得唔舒服, 都唔知可以點。

仔仔返到黎好開心, 成日係度訓覺, 唔肯食野, 藥就更加唔肯食啦, 驚佢肚餓, 氹佢食野, 仲咬到我右手食指腫左, 痛左兩日, 而家都有少少痛; 昨日終於肯食少少野, 但都唔係食得多, 藥就唔肯食, 醫生話一定要食藥, 唔食藥就要日日帶佢出去打針, 咁就仲煩; 用芝士腸夾埋藥俾佢食, 佢只肯食抗生素, 兩種止痛藥都唔肯食, 都唔知可以點; 而家日日仲要同佢做物理治療, 好彩佢都肯俾人做下, 醫生話佢至少一個月先可以康復, 呢個月就真係辛苦咯!! 明天又要帶佢出去覆診, 希望佢聽日乖啲啦!!

見醫生時的小插曲 

仔仔既主診醫生係一名外籍人士, 面對住我呢個英文超水皮既人, 我對住佢都唔知可以點; 嗰日帶仔仔走, 佢同我 and 我男友講, 要點同佢做 exercise, 佢助手就上左去帶仔仔落黎, 雖然我同男友都聽得明佢講咩, 跟住佢問我地有咩問題, 我地兩個你眼望我眼, 原本入去前都諗左啲問題, 我都同男友講, 一陣你問, 點知佢又唔出聲, 結果個醫生話, 你地可以講廣東話不過要等佢助手落黎做 translation, 我真係呆左, 最終我都係自己開口問, 好彩我嗰啲咁水皮既英文佢都聽得明, 如果唔係就企起到等時間過啦!!

仔仔終於係琴日下午做左手術, 醫生話要開兩個洞做, 因為佢有兩節椎間盤有事, 結果係手術成功, 但需要留院觀察, 應該多一至兩日可以出院, 真係好彩; 琴晚去探仔仔, 佢訓係度哀鳴, 佢一定係非常痛先會咁既樣。

今朝收到護士電話, 仔仔情況樂觀, 今早開始俾佢食野, 佢都肯食, 但現時仲要吊鹽水同食止痛藥, 估計多一至兩天, 佢就會無咁痛, 咁即係話仔仔可以出院, 返黎屋企休養啦!!

仔仔, 你要努力呀!! 屋企個個都等緊你返黎架!!