係美容院俾人sell左, 去左oasis medical度做黑臉娃娃
點知去到, 落妝之後, d sales見到我塊面咁多新出既暗瘡, 就話果個做完都冇用, 叫我做呢個:
FOTONA LP Laser Facial Treatment

果個人仲要話佢下個月就唔係度做, 所以即使sell到我, 佢都唔會有任何得著, 只係見到我想我做個好d=.=”

之後就$800試做一次+醫生consultation了

醫生係中大醫學院畢業, 超過5年執業經驗(呢個我上網搵番黎的), 我見佢個樣都好後生, 亦帶有一點點皮膚科醫生的串樣(我都見過幾個, 皮膚科醫生通常都好串唔憂做咁xp). 我問左佢關於食燒炎藥同食hormone藥既問題, 之前問過另一個同熟既醫生, 佢話治理暗瘡大約有以下幾種:

1. 非medical方法: 做清潔, facial, 早訓, 食少d煎炸/熱氣/咖啡/甜野, 做運動, 0壓力…
2. 食消炎藥 (殺菌)
3. 食hormone藥 (控制油脂分泌)
4. 做彩光, 激光…之類

2同3我都試過(當然1亦有), 2係有用, 但係治標唔治本, 因為你唔食, 佢又出番黎, 同埋即使食緊果陣都唔會完全唔出

3係初時食有用, 之後其實都係睇個人壓力大唔大, 壓力大, 油係會超出, 同埋頭髮”行”左, 最大個問題係你一唔食d暗瘡仲恐怖過未食之前!!

個醫生話我既問題跟本唔係hormone既問題, 所以我食左都冇分別, 佢話見到我塊面d皮膚薄, d血管太貼面, 所以容易皮膚敏感&出油喎…之後就叫我做果個laser, 話可以令到d血管冇咁sensitive, 就可以prevent acne. 而黑臉娃娃只係可以做下清潔, 收毛孔同去印, 對我既幫助唔大. 我上網查fotona, 見到呢部機:

Long Pulse VSP-Shaped Nd:YAG
for Acne Inflammation Treatment
The homogeneous absorption and deep penetrative capabilities of Fotona Nd:YAG laser light in skin results in eradication of bacteria in pores and induces collagen regeneration. The Fotona long pulse Nd:YAG laser is your ideal tool to not only treat but also prevent acne inflammation.

oasis個網係咁寫:

療程利用無創傷性的激光(1064nm+/-532nm)，或配合微炭粒進行，可以

改善色素、粗大毛孔、油脂分泌過盛等問題。療程特點是能量可以直達

肌膚較深的皮層，不但可以去除深層的色素，同時可以刺激細胞膠原增

生，肌膚變得更緊緻。完成這個激光療程後不會有結焦的情況，故仍可

繼續進行日常之工作或社交生活。

好啦, 咁我試做一次啦, 因為今時做一次要2千5, 咁我依家800蚊, 試做都抵丫~佢會同你戴眼罩, 跟住有部機”de-de-de”咁(我諗佢係顯示個wavelength), 另外有部冷風機, 作用係等我舒服d姐~我係有d部位(我諗係暗瘡位) 覺得熱熱地, 但係一d都唔痛, 之後佢較高左個wavelength, d “de-de-de”聲頻密左, 我又feel到有少少”俾火燒”既感覺
不過做左好短時間(大約10分鐘左右)~做完~敷冷袋~敷完之後擦消炎藥膏, 同埋擦保濕&防曬
見到自己個樣, 好似冇乜分別, 又冇乜紅, 又冇特別
不過果度d人千叮萬囑叫我要擦spf 20以上既防曬+ 勁做保濕+ 用冷水洗面

今日起身睇下自己個樣, 都係冇分別, 冇紅到, 太好了
隔左幾個鐘, 塊面依家冇乜油(平時係成個鼻都油晒), 但唔知係佢部機, 定係昨天敷左保濕mask, 定係今日擦左保濕呢? 出緊既暗瘡似乎平左d, 冇谷得咁勁
做左一次, 已經有咁既效果, 已經好magic了
又冇甩皮
但係呢個treatment要做6-10次, 有次800蚊, 之後就1750一次了=.=”
還要考慮

但係依家要對自己好d~以下呢幾樣要follow:
1. 用好熱既熱水沖涼
2. 用冷水洗面
3. 日日敷mask
4. 擦透明質酸保濕
5. 唔食辣野

但係夜訓, 飲咖啡, 食甜野呢幾樣真係戒唔到住喇…慢慢來吧~~最緊要心情開朗d=)
順帶一提係aquamoist既產品幾好用~ 佢不含香料/色素, 而且佢用既係透明質酸, 呢隻出名可以保濕, 而且自己試過, 又真係幾保濕^^