係19/5~20/5 我同我d 舊同學去左macau旅行，原本期望會好開心，話哂都係同朋友出門，點知因為天雨關係，令到我地好唔開心，覺得好掃興。而且我仲因為又餓又行到累既情況底下，發脾氣，我真係覺得好對唔住我d fd。係呢度我向macau 之行既同伴講聲sorry!

但是呢個都係一個難得既經驗同回憶，希望將來有機會再同佢地出行既時候，我會表現得好d 啦!

尋日成個下午都好鬼充實，因為去左打羽毛球，仲要去到都幾遠，大埔富亨。個場都ok 架，我地有7個人打， book 左2個鐘，其實我都打得好少時間，因為太耐無做運動，打左陣，隻手已經見痛，所以都係係咁而。

之後就食tea, 跟住就上左一個同事既屋企玩，原來咁多人一齊玩wii真係幾好玩架，就係咁已經玩左幾個鐘，跟住就出左去食潮州打冷，食完就回家啦。

尋日我d 同事約左我去踏單車，其實我踏單車既技術只有半桶水，一來唔係太識踏，二來個人又膽小，好驚抄車，好驚跌倒損手爛腳。所以去到d有欄位or多d 迎面踏過來既人，就會驚，自不然就會停左係度。

其實係2年前or3年前，我都有去過踏單車，個時由大埔墟踏入大尾x，已經抄左3次車，跌倒損手爛腳，but個時覺得自己好勁，對於我呢個10年無踏單車既人，表現都算唔錯啦。今次仲勁，由太和踏入大尾x來回，無抄車，無跌倒，仲試過落斜tim(之前覺得落斜好得人驚)，but 好鬼累，之後仲食左好多野。返到屋企周身都痛，唔知要痛幾多日呢?

見有時間分享多d先，有搭地鐵既人應該知啦，tst站好多madonna既廣告箱，原來central站仲多仲厲害，H&M係HK開分店，頭炮就係madonna既design，有好多人話”唔會係佢自己design既”，but無所謂，話係madonna design已經係吸引住我既原因，同埋d衫都唔係太貴，相信我都應該負擔得起既。

今日呢間店開張@central，睇報紙話尋晚已經有人排隊，是關頭20+50名客人既禮物非常豐富，我都好想去呀~~~~

話說我既dept個阿頭走左，於是就由我dept最老資歷個個頂上，跟住新官上任不久，其他dept既人or明明個post都幾高既人都走過去同佢打下交道，為咩?為第時做野個陣行過方便。

 在我眼中，呢D 人就似一群互相討好既狗，搖頭擺尾，互嗅一番。但願我來緊幾年，都唔會成為呢群狗既一份子，但世事難料，出來做野幾年，我敢講我呢個人都已左少少質，係好係壞，見人見智。

尋晚d藥食哂，即刻又咳到甩肺，結果今朝都係去左睇番睇開個個醫生。睇開個個醫生知道我另外睇第2個醫生就叫我攞番d藥比佢睇，佢話廢事浪費時間，可以知道我食d咩藥而又對我唔work，於是乎我又走番上樓攞個藥袋去診所啦，結果一睇不得了，原來之前個個醫生開左d類固醇比我，so一無食就有d咁既反應lor，加上無開藥比我消炎，所以d咳先至會唔斷尾wor。

於是，我又要食藥lor，唔知幾時先可以好番唔咳呢。原來有時當你有病即刻去睇doc都未必有用，最緊要個醫生d藥同診斷都要適合你先有用架。就係咁我今日請左病假好好抖下，but都有d 失望，因為我今日無番工，無利是豆啦~~~~~

我愛上鬆弛熊有一年啦~~~好多人會覺得我都咁大個人點解介會沉迷於公仔精品，其實我都唔知點解，或者係因為咁耐以來都無咩特別d 既character 比我鐘意，惟獨係佢啦。又或者呢隻熊既懶散正是我最想追求既，又或者呢隻熊既product多元化到令我愛不釋手……

3月份呢隻熊又出左好多新野~~~銀包呀, 散子包呀, 公仔呀等等…..but 我最想買佢隻新款公仔, 當然唔會全部買哂啦, 只會買一隻, 雖然我屋企已經擁有超過7隻鬆弛熊公仔(有大有細)，but仍然好想添置新成員。唔怕話埋比你知，上年既2月14日我自己自費買左兩隻鬆弛熊比自己，諗起都覺得自己百痴but都係想滿足一下自己je，自此之後我屋企既鬆弛熊就持續增加啦~~~~

估下我最買邊隻?

今日係公司真係無咩好搞，一來人少，二來無人自然無人叫你做野，於是今日係公司既最大既目的—–就係”豆”利是，雖然一定唔會多，但係都好開心。

正因為無野做，所以先至會打下blog，其實我當初都唔明d人點解咁熱心於打blog，尤其是係我個妹，我見佢三不五時就係度打blog，我都唔明—-麥真係咁多野要同人分享既咩?

今年都唔知算唔算係好開始，是關我一新年就病，應哂生肖運程啦”多傷風感冒小毛病”，要多注意身體先得，我由年29行花事就開始喉嚨痛，跟住就開始咳，但係又無醫生睇，終於係尋日年初4去左油x地睇醫生，好彩”牛”左咁多日都只不過係氣管敏感je。

雖然我病左，但無減我愛玩&shopping既天性，年29行完花事，年30執下屋企d 野，下午去左我大姨屋企食團年飯，夜晚就去左行街想買波鞋，可惜睇唔岩，結果咩都無買啦。跟住初一, 二去拜年，初三去左fd屋企玩仲過埋夜tim，因為我諗陪下fd，cos佢屋企得返佢自己，初三個日真係玩得幾興，連d少過份，希望無人會嬲啦。

係度祝大家同埋自己身體健康，事事順意，心想事成，”豆”多d 利是!