去大阪之前無特別興奮，但係到我番來個陣，我有幾次都妄想我一訓醒，我係o係酒店度，好想再來過。

 其實今次既旅程我覺得編排得幾好，係我對寺院無太大興趣而我又到去到睇左兩三個寺院先至發言唔想去，以致我地既行程輕鬆左，希望同我同行既友人同我有同一睇法啦，如果唔係，就真係委屈左佢地，最估唔到既係我最想到訪既奈良並無令我失望，鹿仔出奇地唔怕人，仲好樂意親近我個fd，為我地帶來無限可回味既樂趣。

始料不及既係我地3個女仔方向感都真係……總是會係梅田大阪站出錯出口，以致行了不少寃枉路，對我呢個自覺都算行得既人，腳痛同出奇的疲累令我有d 情緒小小失控。點解我會話係小小失控，因為我無吵大穫，亦無抱怨太多，的確係有小小對自己既脾氣有d 唔滿意。

總括來講，呢個trip比我如期既更開心，更滿意。

都係古人個句”及時行樂”，比你預期得到多d 會快樂d，就算比你預期得到既少，都仲可以寄望下次，做人唔好太灰 (or 太黑)。

上次去完東京，今次去大阪，仲要係自由行。其實我3月份先至去完南韓旅行，好似好快又去咁，無計啦，曾自己仲叫年輕， 有氣有力去多d 地方見識下玩下都係一件好事，當然仍因此儲唔到$，因為去市旅行係好花$架。

 兩個星期前同同行好友plan 哂行程，package 更係一早都買左啦，不過可能都係遲左d買，所以同我地原本既計劃有幾大出入。

 唔知點解今次既旅行無另我興奮，之前我都係未出發先興奮，但係而家距離出發得唔夠兩日，我既心情居然好平靜，而且更奇怪既係，呢個星期我覺得好累呀，唔係心理上，係個人好累。究竟我有咩問題呢?

年尾實在有唔少大事發生係我身上，仲要係悲傷既事，12月總共有兩個係我身邊既人離開。

我公公既死我好快接受左，但我覺得自己對佢係遺憾多過悲傷，另一個係我教會既uncle，佢成日整野比我食，但係07年中發現有肝病，12月尾就被告知佢離世既消息，個時眼淚不其然流落來，前幾日教會為佢辦既追思會，我又流左好幾次眼淚，我可以為呢位uncle喊幾次，証明佢係我心裡面佔有幾重地位。

追思會過後，我不其然諗起我有為佢既死而喊，咁到我死個陣，又唔知會有幾多人為我而喊呢?

前日去左ocean park 恆生之夜，即係恆生包左個場比d同事客戶以低價去ocean park 玩一晚，由4:00 至11:00 pm，都好鬼抵玩。就係我同d fd 係度吹風等睇海洋表現既時候，我個妹打比我啦，話我知我阿公係6點幾去左，聽到個bad news，個一刻好down，因為我有兩個week 無去探佢，仲諗住第二日去，點知我同我妹，仲有阿媽都無去到睇佢最後一面。但係事後知道佢去既時候好安詳，又有好多佢想見既徒弟係度，個心都安樂d。

電話聽完，我同我d fd 繼續約無其事玩，只係覺我無論個身定係個心都好凍，warn 唔起。

話說尋晚我好開心同我個fd 去mk食飯&行街，本來好鬼開心啦，平時想搵d fd 陪下都好鬼難，一來d fd 成日OT，要係D 閒日出到來已經好難得，2來無邊幾個會陪我去睇d無聊野(eg.鬆弛熊d cute cute產品，3來尋晚我仲買到想買既野啦。

點知就係返屋企個陣，比個小巴司機騙左我10蚊，落車個陣我明明比20蚊佢找，點知佢只係找番6蚊比我，我又蠢wor，落左車先睇佢找幾多錢比我，到我想走番上車同佢理論，架車已經開走左，個司機擺明就搵我笨啦。就係咁原本好開心玩樂既一晚就變左咁鬼激氣既收場。

番到去我當然同左我d屋企人”申”左一陣啦，我阿媽就叫我唔好咁嬲，破財擋災wor，係wor，如果10蚊可以搵個人來幫我擋煞又好似好抵wor，我唯有叫自己咁樣諗lor。不過我真係唔明點解d小巴司機要咁唔老實lor，你咁樣係earn左我10蚊，但係你令d customer對你地呢d小巴司機”另眼相看”lor~~~~

呢隻係我屋企d黑白雲石倉鼠生出來既其中一隻hamster bb, 好得意全身都係黑色, d fd 都話點解會好似成隻老鼠咁(hehe), 但係好可惜，有一天早上我媽媽話我知佢死左，佢只係得個半月大，仲以為夠一個月大就無咁易死，個幾日我好唔開心，不過都好感激佢唔係一出生無耐就死左，起碼佢都同我一齊相處一段短時間，另我有d 回憶。

公司又未請到reception, 我同另外兩個同事又要輪流做reception,已經做左兩個星期了，結果又要做到月尾，到時再review wor。

唉，reception一d 都唔好做，又悶，又要接埋d 電話。你話如果d電話d人好聲好氣就話je，至拍接到d某xx同事既追債電話，嚇都嚇死你，仲話可以保持冷靜咩，佢唔爆粗已經好好，雖則我都唔怕聽粗口，不個d粗口唔應該係我受既，我就唔想聽啦!

係5 天日本之旅，我去了東京內各大遊樂場玩，其中包括富士急，Disneyland, Hellokitty Land。係呢個trip入面，最令我印象深刻莫過於富士急既鬼屋，我未正式開始玩，就已經想走番出來，可惜工作人員唔准我吊轉頭行出去，所以局住玩左一層，比鬼追左一次，見有出口就離開。未玩過鬼屋都唔知原來自己咁會驚。玩完當晚，臨訓前，腦內仍閃過鬼屋中既令碎片段，証明我真係好驚。

係第4日，整日都係disneyland，可能因為逗留既時間太長(9:00am~8:55pm)，覺得好悶，而且又行到個人好累。加上我個妹唔玩得太刺激既野，只可以玩d 睇下既野，所以更加無聊啦。

除左有兩日係玩遊樂場，其他時間都係shopping，係last day 個日去左銀座，最大既收穫就係買左個burberry 袋，都算唔錯啦呢個trip，雖然好累，因為要早起。

曾今日係5月既最後一日，等我記錄番我今年生日既事先。

今個月中係我既生日，係生日前個個星期六同星期日，分別有兩班人同我興祝，分別係我既中學同學同埋ex&現任同事。佢地分別都有送cake 同禮物比我，而且我仲收到一隻好大隻既鬆弛熊公仔，好得意好靚，我好鐘意。之前我仲煩緊應唔應該買一隻鬆弛熊公仔送比自己，好彩我無買到，因為我阿媽已經話我有太多熊公仔，好阻地方。到我羅隻公仔番屋企，我阿媽叫我唔好羅佢出來，會污槽，於是，隻咁大隻既公仔就咁連住個膠袋放左係床頭，只供所賞。個生日cake 呢，就我自己食左大半個，點解呢? 因為我無咁多人，但係切咁多件，個個食完一件就算，其他呢就要我食哂佢，唔好浪費wor(by joyce 李)。

至於我正日個日，因為我請左假，就係屋企無所事事，下午都去左睇spider man 3 既，但係睇完之後個人勁頭痛，唔知係咪因為d 冷氣太凍，勁唔舒服。結果，我既生日當天係係痛苦中度過!