終於放低
前日去左ocean park 恆生之夜，即係恆生包左個場比d同事客戶以低價去ocean park 玩一晚，由4:00 至11:00 pm，都好鬼抵玩。就係我同d fd 係度吹風等睇海洋表現既時候，我個妹打比我啦，話我知我阿公係6點幾去左，聽到個bad news，個一刻好down，因為我有兩個week 無去探佢，仲諗住第二日去，點知我同我妹，仲有阿媽都無去到睇佢最後一面。但係事後知道佢去既時候好安詳，又有好多佢想見既徒弟係度，個心都安樂d。
電話聽完，我同我d fd 繼續約無其事玩，只係覺我無論個身定係個心都好凍，warn 唔起。
December 13th, 2007 at 5:53 am
今日晏晝我又係買外賣返公司食, 見無聊, 又唔想睇住網上報紙住. 咁一click 去my favourite 果度, 見到我之前加咗你個blog, 我見咁耐冇關心你近況, 把心一橫, 諗住睇下你近排有咩搞, 點知…… 就有咁嘅意外發生~~~~
我睇完都好唔開心呀, 1. 你係我朋友, 你有個親人離去, 個心一定唔舒服, 我都會因為咁而唔開心 (真的). 2. 可能我都有個已年老嘅長輩, 佢近依兩年, 身體又唔太好, 我哋大家都好擔心 (包括我在內) 所以都有感而發!
不過點都好啦, 盡量唔好唔開心呀~~~ 佢都唔想你因佢而活得不快架嘛~~~~
有咩,隨時搵我呀! 食飯, 行街, 行海旁(靜靜地行, 好舒服架) 都得架…..
冰冰 (13.12.2007)