十個月啦, 見你開始好想學行, 爸爸就買架學行車比你.  其實早係去korea之前, 我地已經係BeBe Dream睇中左, 見今個sunday得閒, 所以就買比你做10個月大既禮物啦 

你一路玩一路擘大個口, 又一路流口水, 個樣好好笑你就玩得好開心ar, 難為我同爸爸要陪你玩就真係好累

貞貞e婆去完英國出trip, 佢叫舅父仔幫手買左d bb衫返黎.  d衫好靘呀, 真係要多謝貞貞e婆  媽媽最like舅父仔係Leeds University件衫, 係hard sell左d, 不過好有意思ar

Wyan, 見你咁辛苦, 媽媽都好心痛 未see doctor之前唯有用貼退熱貼頂住先. 
今日同你去睇左醫生, 食左藥都仲未退燒, 於是爸爸就用左媽媽個eye mask扮退熱貼, 攪到你變左個飛機師, 我都覺得好攪笑  祝早日康復!

你越大越多小動作, 特別係我地去完旅行返黎, 你成日都古靈精怪. 呢排你無聊唔玩手指, 而改左整個”豬咀”. 你最攪笑係仲要有聲, 又噴到我成面都係口水, 你睇你幾醜樣

Wyan, 仲有2days你就10個月啦, 時間過得好快.  趁呢期得閒, 媽媽已經開始籌備緊你既B-day party 話晒係你人生1st生日 我地一定會隆重其視 部份material我地係Korea已經買左,  至於場地呀, guess list, invitation card etc 都已經諗左la

而家我諗起都覺得好開心, 不過我知你當日除左食同影相 你係一定唔知發生咩事ga la

昨日去拜”阿太”之前, 我地去左旺角新世紀食lunch.  因為Halloween, 商場攪左個叫”萬聖節的後花園”, 玩之前我問左個staff驚唔驚 佢話除左黑, 6.00pm前未有鬼 所以同埋你去行個圈. 你咁細個岩ga la, 行下就算,  費事嚇親你la

加上媽媽又病左所以今日無同你出街, 只係同你落club house玩左半粒鐘.  爸爸話club house地方大, 可以任你四圍爬都唔怕跌親. 平時係屋企真係唔知 “原來你可以爬得好鬼快ga!”

今日返工1st時間飛返屋企, 昨晚10.00先arrive HK, 所以無去婆婆度.  我一入門口, 阿公抱住你, 你見到我就好興奮咁叫, 又同媽媽笑初初都驚你幾日無見我, 你唔知會唔會唔記得我 因為我知道幾日你食得好 (原來婆婆煲燕窩粥你食ar), 又玩得開心, 你去拉姨婆屋企, 同Jasmine表e玩左成日都唔洗訓, 好彩係都仲記得我 

我地食飯, 你好乖咁坐係張high chair度, 阿公話你好識扮野, 呢幾日都係鬼殺咁嘈, 我地返黎你就咁乖.  Anyway, 你係媽媽心目中永遠都係乖仔黎ga

抱住你真係唔捨得放手, 不過我地都係要返工, 無計啦.  Thursday night我地唔返婆婆屋企啦, 因為到今日我都仲未拾野, 我要洗衫, 吸塵, 拖地, 好多野做ar.   Friday la, 媽媽half day off, 到時早d返黎

終於都返黎lu  今次去玩真係好開心, 雖然係掛住你, 但另一方面爸爸媽媽有成年半無去旅行, 所以覺得特別好玩

以前去旅行覺得5日好快過, 不過今次就無呢種feel, 因為好想快d返黎見你.  雖然闊別幾日, 不過你成日都好似係我地身邊, 因為每朝我都用你把聲做alarm, 有時無野做, 就係camera睇下你d相, play下video.  d團友都睇唔出我生左bb

Korea同9年前分別唔大, 爸爸好叻呀, 係casino嬴左30000 (w) 本來好想買野比你, 不過korea大部份都係賣baby girl既野, 而且仲好鬼靚, 加上而家紙水低, 都幾抵買. 反而baby boy真係好少, 爸爸話好彩生仔, 如果唔係實bankrupt

Korea天氣好舒服, 係比較dry, 媽媽出發當日都有少少喉嚨痛, 加上日日唔係韓燒就係火鍋, 我牙肉腫左到而家都未好返呀

同爸爸商量好, 明年呢個時候我地都會去旅行, 到時帶埋你搭飛機啦

我抽左部份相做slide show, see see la

http://www.slide.com/r/orONFWjc7T8rQxbV7IsmUimqIYGwGGRo?previous_view=mscd_embedded_url&view=original

SanrioTown環遊世界網誌大賽 - Round 2 參賽作品
http://blog.mymelody.com/traveltheworld

Wyan, 爸爸媽媽聽晚就出發去Korea, 我都無試過去玩去到咁心掛掛.  今次係你出世以黎我地1st 5days唔見面, 不過我知你一定唔會掛住我地你份人, 只要有得食, 有得玩, 唔洗要我都得ga la

我地去玩果幾日, 你既行程都幾豐富ga

10/3 - 細表哥and his girlfriend訪港, 你做代表同佢地食晚飯

10/5 - 去tai po探姨婆

10/7 - 去”拉尾”姨婆屋企, 同Jasmine表e玩

爸爸為左慰藉我既”單思之苦”, 已經係個camera keep左你幾張相同一個video, 仲係手機度save左你把聲, 等我係果邊發癲時可以頂頂癮wor

Wyan, 超級掛住你呀, 你乖乖地聽婆婆同阿公話, 媽媽返黎買份禮物比你啦, I Miss and Love you very much