你睇你丫, 本來諗住同你除衫沖涼, 點知轉頭已經爬起張bb chair上面. 因為好危險ga, 所以媽媽即時打你隻手仔呀   你睇你喊到幾醜怪  其實媽媽見你喊到咁慘, 都又d唔忍心, 不過無法啦, 唔教你, 你等時整親我仲肉赤

不過你個人好善忘, 昨日打完, 今日又好似咩事都無發生, 你係咪玩緊風帆呀

自上次你look落床, 媽媽變左驚弓之鳥我唔敢比你一個人係張床度午睡, 所以特別為你安排一個新地方 雖然老人家話”打地氣”唔好, 不過你每次都唔會訓好耐, 而我又鋪好多層再加張yoga mat, 一個星期先訓一至兩次, 唔怕既 

你訓醒又可以變做crawling track, 你睇幾開心

自上次同你swimming之後都無再玩過, 今日早左起身, 又同你落去玩水.  今次你無上次咁happy, 可能你未訓醒 加上d水有少少凍 好彩有個”三溫暖池”, 我地即刻轉場. 

你好攪笑, 坐係池邊踢水, 之後爸爸同你玩左一陣.  今次你真係好似swimming, 因為玩到成個頭都濕晒

媽媽原本一早同你報左個爬行比賽, 點知人數太多, 抽籤抽唔中, 所以無得去玩, 幾失落呀

之前聽朋友講shenzhen個書城都幾正, 本來plan左10月尾先去, 但突然無節目, 所以我就同你爸爸兩個上去

唔好以為我地又留底你比婆婆阿公自己去玩呀, 我地上去, 主要係睇下有無書岩你. 因為之前你伯父係大陸買左d書仔比浩浩哥哥, 我地都覺得幾岩洗, 所以先自己上去睇下 (媽媽已有幾年無上大陸啦)

Shenzhen真係唔同左好多, 我地揀左少年官站果個書城, 因為有人報料話新d同埋有野食.  書城真係好鬼大, 只係睇你d野都用左成3個鐘, 最後買左story books 同學習卡 (原理有d似我之前買果套flash card)  d書好c重, 拎到你爸爸 c c 下 

買完書, 去左lok ma chau按摩2個鐘, 返到HK都成10點, 好累呀

爸爸話呢, 想同埋你一齊去macau, 我係時候check下點apply la

由last sunday開始, 知道nestle既milk powder有問題, 我已經好鬼worry  因為你都係食緊佢隻初生奶粉,  不過我見初生係”made in germany”, 加上食物安全中心再confirm話無事, 所以都繼續食用.

早兩日, 新聞又公報heinz米糊有問題, 我真係覺得好鬼煩, 究竟呢個世界有咩係食得ga 好彩你已經有 +9months, 可以食其他野. 由next monday, 我同婆婆講左你都係食多一餐飯仔, 食少餐奶安全d la

婆婆幫你排左期, 雙十節(10/10)你會去check kidney, 希望無事啦

今日係爸爸媽媽結婚兩周年啦 好彩星期六預先慶祝, 如果唔係而家打緊8號風, 咩節目都要cancel.

時間過得好快, 由結婚到陀住你到今日你已經九個月大, 呢兩年好似做左好多野咁. 不過都好既.  Everything under our expectation  早d有左你, 媽媽唔洗做高齡產婦, 而且湊你真係少d精力都唔掂, 如果年紀太大, 我地一定好辛苦

今年爸爸無送咩禮物比媽媽, 只係handmade張心意咭.  我好中意呀, 因為比起買禮物更有意義.  你第時大個會唔會親手做張card比媽媽呢

而我呢, 九個月前已經送份超大既禮物比你爸爸, 呢份gift係每年既生日啦, 情人節啦, x’mas etc都識用, 真係慳唔少呀

呢排你真係多左好多聲氣, 好多時同你傾計你都會應我地, 我真係覺得你d baby talk好得意  人人見到你, 無論識or唔識, 都話你個咀形似將來講野好叻.   Anyway, 叻唔叻都好, 唔該千祈唔好駁我咀就得勒

今日我地約左太婆同你一大班e婆去飲茶, 雖然見面唔係好多, 不過你唔怕生保, 個個都跟.  Mon Mon e 婆仲送左份禮物比你tim.  你個Jasmine表姨係咁幫你影相.  我地去旅行果幾日, 原來你有好多節目, 婆婆同阿公會同你去大埔探親戚.  之後Sue姨婆會接你去佢屋企同Jasmine表姨玩.  我地去完旅行, 返黎又會一齊去”拉尾e婆”屋企BBQ, 9月同10月真係好忙ar

Next Wednesday is our 2nd Wedding Anniversary, 爸爸媽媽plan左去J.W.Marriott Hotel 食dinner buffet原本諗住二人世界, 但係爸爸話十月頭我地去旅行唔陪你, 所以帶埋你去 

去到Pacific Place, 無咩地方好行, 仲有成個鐘, 我地坐係度同你傾下計, 玩下, 雖然無咩做, 不過我地好enjoy呢個時間.  我地仲有個驚人發現, 就係你識拍手啦  之前一路教你你都唔識, 但突然間你係咁拍.  不過呢, 你都係無意識去做, 因為我地話”好野, 拍手手啦” 你就呆左咁望住我

入到Marriott, 之前place booking 講明有個BB, 一去到已經知道邊張table係我地.  因為hotel特別set左個位比你  雖然你去到無得食野, 只係陪我地, 不過你都好開心, 因為隔離枱有人陪你玩.  反而我就辛苦啦, 全晚都要睇實你, 都好似無食過野咁

P.S. 件Sesame Street衫衫係姑媽送ga

其實係你九個月大果日, 我地送左好大份禮物比你, 就係”你係張床跌左落地” 事隔三日, 你就有少少fever, 跟住就咳 雖然doctor話唔關事, 不過我仲係好gulity

Wyan, 好對唔住呀. 媽媽寧願病十次都唔想你病一次, 我地以後真係會更加小心ga la, 你快d好番啦