昨日爸爸同媽媽去左機場, 因為係Sky Plaza買張Summer Fun Pass, 可以玩4個entertainment zones.   原本有個Jurassic Flight既4D show, 亦係我最想睇既show, 點知去到先話close左無得睇, 幾掃興ar

其實機場都幾好行, 地方又大, 人又少, 又開左好多餐廳. 下次諗唔到去邊可以帶埋你去行下

8月29日係媽媽公司一年一度既 family day!!! 有得食有得玩, 內容非常豐富.  不過其實大部份都唔岩你玩  婆婆3.30pm左右就帶左你過黎, 初初都驚你見到咁大班陌生人你會唔likey, 不過原來你係”馮人跟”.  無論男女你都岩玩, 又笑得好開心.  因為媽媽公司有+700人, 媽媽因為咁識左好多唔同既同事.  好開心係個個行過見到你都話”呢個bb好得意” 又有好多人同你take photo (大部份都係人地部機, 我要攞返先), 今季newsletter一定有你張相.

玩完呢幾個鐘, 唔好話你用晒所有engry, 連媽媽都好似虛脫咁, 好彩一路都有好多唔同既人抱你.  我而家對手臂仲係好痛

完左我地去左Mega Box既California Pizza Kitchen eat dinner, 你睇下你幾 tried…

After Olympic, 我好鬼空虛, 感覺好似過完一個大節之後好平靜咁, 所以應該患左” 京奧後群症”為免 失落感持續, 我要搵多d節目填補下.  Wyan你都係時候”放監”, 除左阿公生日有你份出街,  呢16日都係閉關.  不過今個weekend爸爸媽媽自己去拍下拖, 又留底你係度陪下婆婆同阿公

早兩日我地去左IKEA買左個櫃, 呢…..就係之前爸爸諗住design比你既玩具櫃呢. 但係你爸爸個design勁得濟, 問左幾間傢俬舖就算有discount都out晒我地既budget 所以最後都係放棄.  買開個櫃, 見到有張小型餐枱又幾岩洗, 所以最後都買埋.  你睇下而家間屋整齊左幾多.

話比你知, 張枱係媽媽自己砌ga, 係咪好勁呢
 

我發覺除左國歌勁draw你attention之外, 你仲好中意睇樂基兒個廣告 有次你訓到想醒與未醒之間, 你一聽到佢唔鹹唔淡既廣東話, 你成個彈起身, 牛咁眼去睇個廣告.  你咁中意Gaile, 我係咪應該叫你做Leon呢

隨住奧運閉幕, 你”放題式”睇電視既生活會馬上告一段落.  媽媽唔想你成日只係望住個電視, 我地又要開始過一個無電視睇既生活lu

 呢個question係你爸爸問既….. 事原係每次同你去Toys度玩, 你都超開心.  你睇下你坐架車車幾興奮, 又玩到O晒咀, 媽媽每次去到都好想買玩具比你.  但你爸爸話你玩具實在極多, 連你阿公都問我係咪買玩具有折 因為佢都估唔我買咁多野比你玩.  所以爸爸黎緊唔係唔帶你去Toys度玩, 而係唔帶媽媽去, 因為佢怕我會又失控

我同你爸爸講好左, 等你一歲生日我地會買份大禮物比你, 你等下啦

你阿公last Friday係正日生日, 不過因為媽媽約左同事去州際酒店食dinner buffet, 所以postpone到今個Saturday先去, 真抵打

你阿公好想食韓國BBQ, 其實我地都好耐無食過. 去到你好開心, 因為太有新鮮感.  本來想比張high chair你坐, 但個waiter話都係抱住你安全d, 所以我地最後都係排排坐係張sofa到. 

當佢地出晒去攞野食, 得媽媽同你兩個人坐係度, 我都驚你四圍爬, 好鬼危險ga但你非常乖, 媽媽用一隻手夾野去燒, 一隻手拖住你隻手仔, 你全程都無四圍走, 好合作咁坐定定睇住媽媽整野食. 全程兩個鐘你係差唔多埋單先嘈, 抵錫

星期六去上左一堂”激發幼兒潛能”, 我發覺現今做父母真係要”十項全能’. 當中教授教左好多理論, 例如咩”五行思考法”, 六感思考法”etc… 其實真係好有用, 不過要實踐就唔係咁易.  完左個class, 我同你爸爸都有坐底discuss左一陣 (你睇我地幾認真)  因為有部份我地已經做緊, 有部份要plan下點樣去做.  其實媽媽最開心唔係上堂既得著, 而係好感激你爸爸願意同媽媽有同一個standard去教你.   我知唔係好多爸爸願意咁做, 因為我見好多都係媽媽一個人去上class, 好少一對coupon去.

成個class聽左好多野, 不過我地最贊同係教授話: “而家出世既bb在條件上已比以前好好多, 一出世就係一個金牌寶寶, 至於將來能否成大器, 就要睇父母造化”

星期四MonMon姨婆報料話聽日有機會打風我真係開心到不得了.  當時爸爸媽媽都1516唔知好唔好帶你返屋企. 如果打唔成風,  又要辛苦你婆婆晨早帶你走, 不過我地見講到咁行, 一於博一博啦

今朝起身聽到真係打風, 勁開心無端端可以有long weekend, 又可以係屋企睇olympic, 岩晒.  加上有多一日同你玩, 幾開心

我諗除左我鐘意睇olympic, 你唔多唔少都有遺傳.  我發覺你好鐘意聽國歌, 餵你食食下糊仔, 你明明已經背住個TV, 但國歌一奏起, 你就好似上左身咁, 飯都唔食, 成個人90+度轉去後面睇.  一唱完, 你就記得自己食緊飯, 又轉返過黎望住我.  我都係頂你唔順  唔知國歌對BB係咪咁有吸引力, 浩浩哥哥都同你一樣ga

爸爸媽媽星期三晚去左聽個seminar, 叫做”一歲就領先” 內容都幾豐富ga. 講下如果幫助嬰兒全腦開發既攻略, 媽媽好好心機drop底d notes, 因為記唔到咁多, 我地會盡量係生活上apply出黎ga la.   另一part係我最like ge, 係教 “Baby Yoga”, 媽媽以後都會同你做, 一來可以對身體好d, 二來又係一個好好既親子活動, 一舉兩得.  我會教埋婆婆, 因為反正佢平時都有同你做早操.  

今個Saturday我地又去聽另一個seminar, 真係仲忙過返工呀.  有人都問過我點解咁好心機去聽, 因為媽媽真係好希望用我所知所識既方法去教你.  錫你, 唔係得把口ge, 點都要花心機時間去做下功課ga