今日媽媽係公司無野做, 所以copy左d 相返公司create magazine cover.  上一次create已經3個月前, 我發覺你個樣都係差唔多, 唯一唔同就係越來越得意, 越來越抵錫

媽媽之前post左你d相去huggies “擁抱BB Snap Shot比賽”, 你張靚post登左出黎啦  其實我好鐘意呢個比賽, 因為好有意思.  從媽媽1st 親手抱你到而家, 已經7個月有多, 真係時光飛逝.  由初初只係我抱你, 同而家我對住你嗌”抱抱”, 你會舉起雙手比媽媽, 我真係覺得好開心

Wyan, 媽媽每一次抱你, 感覺到你既體溫, 我都覺得好窩心. 尤其是你個頭仔伏係媽媽既身上, 我好enjoy呢種咁親蜜既接觸  Wyan, 媽媽真係好想時時刻刻, 每分每秒都抱住你唔放.

媽媽參加呢次比賽, 其實唔係想贏, 我只係想更多人睇到你既相, 同多d人分享.  因為你係媽媽既心目中, 永遠都係冠軍 I Love You BaBy 

http://www.huggies.com.hk/hug/photo_contest_popup.php?zoomLevel=100&pmID=262

媽媽今日好開心, 因為收到Fisher Price既email confirm你已成功入圍   

成個下午係公司既生產力 = 零 因為忙著要forward條link比所有朋友同事.  我仲叫埋係UK既舅父仔幫手fowrard.  你舅父仔d friend遍佈世界各地, 希望幫到手啦.

呢一張係你人生第一張certificate, 媽媽會幫你好好保存, 第時比返你自己保管啦.

今日我地帶左你去ocean park, 其實天氣真係好鬼hot, 我都有d struggle, 不過真係唔知有邊度好去, 所以最後都係去左ocean park.  

初初你去到功夫熊貓木人巷, 因為太多新奇野玩, 又有冷氣, 你都好開心.  跟住坐cable car 又好興奮, 不過媽媽知道你係好累, 加上天氣又熱, 見你玩左一陣都開始呆呆地   本身都諗住比你訓一陣, 不過可能太noisy, 一陣你就醒左, 係排隊玩摩天輪時, 雖然排左45mins, 但一路排一路有好多人同你玩, 我地都唔覺得耐 (其實我地好多年無玩摩天輪, 如果唔係帶埋你, 我地真係無咁好氣去排隊)

去到兒童王國 (亦係從未踏入之範圍), 你又想訓, 媽媽好衰呀, 因為天氣開始變差, 我驚落雨, 所以極速同你玩旋轉木馬, 呠呠火車同親子遊戲. 我知你用盡energy, 不過你一有得玩, 你隻眼又由一條線開始變大  

玩完同你即刻走, 一上車, 你又玩在一陣, 之後就瞓左2 hours…. 

媽媽今年過得好開心,  隨左有爸爸之外, 仲有你同我一齊慶祝 Wyan, 以後爸爸媽媽既生日都會預埋你一份, 好嗎?!

原本咁熱唔想出街, 不過見你實在太多玩具, 所以都係買個櫃比你放好佢, 第時媽媽陪你玩完亦會同你一齊放好D玩具, 培養你做一個有手尾既好孩子

行到咁上下, 你夠鐘食奶奶  於是去左Ikea canteen, 你食完奶我比張high chair你坐, 你好似好好奇, 四圍望, 仲同坐後面個姐姐傻笑, 你個樣好鬼可愛  

今日最後都無功而回, 你爸爸話佢design一個獨一無異既櫃比你. 其實你爸爸都好鍚你, 雖然佢比較少表達自己, 但係佢有時比我更加緊張你. 所以, Wyan, 雖然我地未必完全滿足到你物質上既需要, 但係你一定會係爸爸媽媽滿到瀉既愛裡面茁壯地成長

可能天氣真係太熱, 好似訓極都唔夠, 昨日已請左假訓左成日, 而家都鬼咁 

今日同你一齊, 見你訓到10.00am就係張床度look 來look去, 因為我未有起身既打算, 所以一手擁你入懷, 費時起身唔見左你 我以為你會想走佬, 點知你好乖, 仲用你既雙手捉住媽媽隻手, 對腳仔又蹺住媽媽隻腳,過左一陣, 你就訓左.

呢一刻, 我反而唔想訓, 我覺得同你好close好close, 媽媽可以感受到你每一下呼吸, 我好enjoy呢個moment

一路攬住你, 我會諗唔知你幾時唔再需要媽媽, 始終你會長大, 你會唔再依賴我, 不過點都好, 只要你需要媽媽, 我永遠都會係你身邊, 做你一世既守護天使.  囝囝, 我永遠愛你 

昨晚又返左婆婆屋企度食飯, 我地食完飯見你好似想訓覺, 就攞架車仔比你玩, 可惜你都係敵唔過睡魔.   媽媽無呃你, 有相為証ga, 自己睇啦 

昨晚返到婆婆屋企, 見你玩緊玩具, 發覺你大個左, 之前你只係訓係度玩, 而家可以坐定定, 幾隻公仔係你個頭貼住黎轉, 真係好攪笑.  好彩今日有帶相機返屋企.  因為我原來一直都無同你影過呢個玩具.  你再大少少, 就唔會再玩, 亦唔岩你玩, 你咁大力, 我諗你會拆晒個檔.
好掛住你呀Wyan, 好期待今晚見到你, 抱住你呀

你起左身無咩好做, 我突然間好想同你扮靚靚.  可能因為你越來越白, 出街竟然有人問你係咪女仔.  雖然媽媽真係好鍾意女, 但係你個樣咁男仔, 都唔知邊一part似女仔.

今日無咩玩, 我就同你扮下妹妹. 同你夾番隻夾仔, 比個手袋仔你攞住, 你又真係有d女仔樣.  你將來大個睇番, 肯定估唔到係自己, 哈哈!!

今日終於都帶左Wyan去club house 個 swimming pool游水啦!! 本來早幾個week都好想帶你落去玩, 不過天氣太唔stable, 唔係打風就係落雨, 所以今朝見天氣都ok, 就即刻同你去游水 (7.30am, 其實爸爸媽媽都好眼訓 zzzzzz)

Wyan玩得好開心, 一d都唔驚水, 除左著左衫, 你好似當左平時沖涼, 一落水就不斷踢晒腳, 坐係隻船仔度好興奮.  見你玩得咁開心, 我地早d起身都係值得既. 

你一定好累, 訓都而家都唔起身食奶奶, 不過由你啦, 等你訓醒先食, 食完我地一齊玩啦!!