今日我個妹生日…
所以成個下晝我都埋頭苦幹咁整年糕..
整完拎去蒸…洗哂d野之後先發覺倒瀉哂>3<心都碎埋
又要走多轉買材料…又要再整多次…
最後完成左…..雖然唔係好靚..但係話哂都係第一次…
好開心..好有滿足感呀..haha

夜晚同佢地去左食thai food…
之後去左行街街….
同sasa映相…好得意呀…

好耐冇打日記喇…
人氣網誌由第一,二位變到磅上無名了..
哈哈…大家也遺忘了我嗎?

轉眼間….返左黎香港已經有二個星期了
回港後,,我發燒..傷風感冒….離唔開睇醫生依三個字..
一直都以為自己只係鼻塞…
睇過普通醫生都只不過係話我有鼻敏感
而頸部既淋巴腺都腫了很久…
終於找到了原因喇….
原來我得到”"慢性咽喉炎”"  …
呀!!醫生話手尾好長….. :*(

返黎之後一直我都好抑鬱咁
我都唔知發生咩事淨係想係屋企…
除左睇醫生之外我都冇出過去….
連最愛既shopping…大減價我都變得冇興趣
亦都冇聯絡過我既朋友…
望住個電話響但係我又唔想聽..

直到今日…
dick起心肝約左個朋友出黎食飯..
同佢傾完計之後搵返果種真正由心發出黎既快樂
真係好多謝佢每次對我既關心
依段時間我又再一次迷失了..
差點遺忘了一直都支持我既屋企人同男朋友..
差點遺忘了關心我既朋友們…
我成日都收埋自己,,亂諗野..要你地擔心真係好對唔住…

一月六號係我同我隻狗suesse既一週年呀…
同佢相識於銅鑼灣花旗寵物店…價值萬幾蚊…
買左佢返黎果晚就有開始有唔妥…
帶佢睇醫生….原來佢有狗瘟
醫生叫我唔好擺咁多感情係佢身上…
依句說話我喊左好耐….
我周圍搵醫生醫佢….
最後朋友介紹我去跑馬地何大成醫生…
說他是唯一可以醫到狗瘟既醫生
可惜佢太難約…
變左做同一間醫院既Dr.Gillian..
不過Gillian都好好…好細心仲好錫suesse

suesse 細細過就要吊鹽水..打好多針..食好多藥….
有時仲會咳得好犀利…..
我好心痛…好擔心
job都冇接去照顧佢陪住佢搞到自己精神都好差

2個月黎我都不斷要帶佢去覆診..
每日4次餵藥… bb 唔識食藥要用針筒餵
d 藥臭到我都聞到…
佢唔中意所以餵佢食一次藥都會搞到我成身都係-3-
不過佢都好乖…
我覺得佢好堅強好叻女…

最後..佢終於都好返哂喇….
我個心就好似放下大石咁…  輕鬆哂…

依個係我同隻狗既故事
希望佢以後都健健康康….

返左黎香港…

訓左成日…覺得自己好似發左一場夢咁…

依個trip令我忘記左好多唔開心既野

希望黎緊既日子可以振作…堅強d..加油^o^

新既一年希望大家可以開開心心..

遲來的一句..

HAPPY NEW YEAR