晴

去Zakopane既主要原因, 是因為可以上 Mt. Kasprowy Wierch, 全波蘭最高既山, 嘗試一腳踏波蘭一腳踏斯洛伐克的滋味.

由於不是旅遊旺季, 所以排隊搭cable car 既人唔多, 原本諗住搭到上山的最高點, 再步行下山, 但由於太早天黑, 打消此念頭, 買round trip ticket (30zl) 算了; 乘cable car 途中, 已聽到很大的風聲, 估唔到上到山之後……

上到山, 很興奮, 看見遠處已經有積雪, 飛快跑過去, 行到一半, 一陣烈風吹過, 我肯定風速比香港十球風球還要犀利百倍, 因為我都被吹郁, 由於身處地段沒有欄杆, 而我見我個fd 都勉強企到, 再吹, 我驚跌落山, 情急之下, 惟有坐係地下度, 這個方法果然收効, 之後我個fd 很快影咗幾張相, 然後佢話回室內等我, 因為實在太危險; 雖然我當時都好驚, 但比咗錢, 點都要留多陣.

返到town center, 趕緊行市集, 因為驚d攤檔會早收, 看見很多攤檔都賣以下的東西, 你又猜到這是什麼嗎?

陰天, 有霧

每次搭夜機都瞓唔到, 今次諗咗新方法, 就係戴頂cap 帽再將張被蓋過頭, 希望瞓得著.
由於我個fd一定要坐window seat, 而我一定要坐走廊位, 所以中間位被一位西洋女人坐了, 但那位女人非常唔識做, 每次我去斟水或去廁水, 佢都唔跟住, 到我坐低之後, 就要求要出去, 有次想我唔使起身, 自行想辦法出去, 但佢既身軀實在太大, 根本無可能, 所以, 12個鐘的機程, 無瞓過, 攰死了, 真想發牌氣.

零晨5點幾到了Heathrow airport, 有3個鐘時間才轉機, 閒逛duty free shop, 發覺Marc Jacob 出咗X’Mas box set. 即刻send sms 比細妹, 因為佢同家姐都鍾意MJ; 3個鐘都幾難捱, 尤其係無得瞓.

終於上了去Warsaw的機了, 坐低無幾耐, 即刻瞓著, 但空姐派餐嗰時, 被嘈醒, 總共都瞓唔到45分鐘……

Around 11:30, 到了Warsaw, 搭車出town center, 唔識落車, 好彩有個男人提我哋落車; 去中央火車站開火車証, 排長龍, 差不多排了半個鐘, 輪到我哋嗰時, 突然猛流眼水及鼻水, 而我個fd 無諗住開口問, 我惟有一路抺眼及鼻, 一路問staff 嘢, 我諗當時個staff 好奇怪點解e個人會一路喊一路問問題.

搞點後, 要等到15:05才有火車搭去Krakow, 預計到達時間為18:00, 在火車上睡了一陣, 醒來才不過16:30, 但發覺天已全黑了, 真快日落呢!

由於天黑, 搵路去hostel都有問題, 幸好有商場的管理員指路, settle down 已經過了19:00, 咁就無咗一日, 求其係food court 搞點晚餐, 返hostel 沖涼瞓覺, 因為實在太攰了!

準備多時的波蘭之旅, 終於來臨, 很期待呢!

仲有很多交通資料未能搜集, 惟有見步行步, 希望今晚搭夜機, 能夠改掉以往的惡習, 瞓到覺啦.

12日後再補番行程資料.

噚日係好朋友Kelvin的朋友, 恭喜哂!  能夠係一晚見返咁多舊朋友, 很開心呢!
是夜收到Michael從東京帶回來的手信, 多謝哂!

e包嘢勁辣, 我比我d fd 已較為食得辣, 但食咗幾粒已頂唔順.

e罐未飲, 正在冷凍中!

根據天文台的預測, 海高斯星期六最接近本港, 但個風暴咁90度行, 真係第一次見!

By the way, 星期六係識咗好耐的朋友Kelvin結婚, 若真的打風, 去唔去好呢…..

噚日下晝Red Bull係旺角行人天橋免費派發, 我攞咗一罐嚟試, 雖然冰凍, 但感覺好似飲緊藥水咁, 後尾行落地鐵站, 發現7仔買緊$15.9一罐, 咁貴! 原本想將剩下的丟掉, 即時飲盡了, 免得浪費嘛……

一位識咗好耐的K朋友結婚了，噚晚搵埋幾位舊同事出來派帖．上到酒樓，為咗唔想o徒時間逐道餸揀，所以點了一個６人套餐．

食到最後，待應問”不如e＋上埋壽包”，全枱人都好奇怪，一個普通既套餐為何會有壽包，跟住k朋友成勢再祝我生日快樂，上個月生日，一個月後居然被全枱人祝生日快樂，感覺都幾搞笑，多謝K朋友的這餐飯!

中秋節又到, 今年仍可以收到學生送的月餅, 非常開心呢, 多謝徐太!

生日又嚟喇, 多謝阿慧, 熊貓, 阿強, Bryan, Ian同Kelvin 記得我的生日.  You all are my best friend!