這張明信片可能環遊了世界一圈才落入我手呢! ^o^

11月一位TI同學send email 通知我哋蝴蝶邨ling 場重開, 之前因為去旅行未能出席, 難得23日再搞, 梗係要出席吓啦.

太耐無打, 梗係差到無人有, 當然之前亦不見得好好多, 但打到連手指皮都甩埋, 真係少見, 只能怪個波既窿位不好呢; 依家碌ling, 有得睇埋波既速度, 我的速度居然比隔鄰的小朋友還要低, 比人叫站長, 我都唔想架, 但唔知點解咁慢……

感謝搞手, 令我們一眾舊同事能重溫昔日歡樂!

最後一天在華沙, 當然最後衝刺買手信, 早上在hostel食早餐, 有個伯伯和我們閒聊, 他亦以為我們是exchange student (我們真的似嗎?), 他原來來自加拿大, 今次旅遊為期半年, 真羡慕呢! 和伯伯道別後, 開始往市中心出發.

今年第一個見到的聖誕燈飾

影了一張霧裏的文化宮

閒逛商場, 發覺有food court, 裏面我最鍾意的甜品 - apple pie, 買了來試, 好好味, 因為蘋果夠酸, 臨走前終於食到, 很開心呢!

返到香港已是11月16日, 今次旅程多了幾分驚險, 但最終都能化險為夷, 非常感謝沿途幫助的波蘭人, 有機會我會再去!

旅程的最後一個景點, 今日很冷, 已經著夠衫, 但都不斷打顫呢!

首先梗係要去睇著名的蕭邦像啦.

Kosciol Sw. Krzyza, 教堂的石柱下埋著蕭邦的心臟

跟住, 原來想去蕭邦博物館, 但搵唔到, 惟有落皇者之路, 由於實在太凍, 係大學附近的一間餐廳食咗少少熱嘢.

再落往舊城區拍照, 舊城區不太, 兼且我個friend 對睇風景無乜興趣, 所以很快就睇完.

晚餐在舊城一間餐廳食, 我覺得是全個旅程最好味的一餐.

餐廳有website 架: http://www.podwale25.pl/

有酸菜及酸瓜附送, 免費

Tyskie beer

Roasted duck served with apple and red beet

Pork Knuckle Hungarian style served with barley

埋單時, waitor 送來了2杯酒, 好濃的藥水味, 當然無飲到啦!

另一個期待之日, 因為今日會去薑餅博物館, 有得自己整薑餅呀, 仲要唔係好貴, 每人只需比大約港幣30就可以了!

除了薑餅, 依個鎮另一出名既地方, 就係天文學家 Kopernika 的出生地, 所以就算是平日, 都有不少遊人.

想影 Kopernika 既雕像, 有個波蘭靚仔點都唔肯走開, 直到影埋佢為止, 既然咁鍾意上鏡, 咁擺埋上嚟任人觀賞啦!

遊完後, 進軍薑餅博物館, 可惜, 由於我哋得2個人, 而負責人話要5個人才可以整, 搞到我哋只可以睇望門輕嘆!

嗰晚我個friend先諗到我們應該付5人價錢, 咁就唔使失望而回, 可惜太遲了!

PS: 今日家強生日, 點知唔記得, 係依度補祝家強生日快上!

今日搭火車落華沙, 差不多到旅程的尾聲了.

波蘭火車就好似Harry Porter裏面的火車, 一個車廂坐6人, 由於我和朋友的2個大行李篋佔了不少空間, 於是我們合力將我的那一個抬上車頂的行李架, 隔了2站後, 有一個男仔坐到我們的車廂; 到達華沙前, 那位男生很好人, 主動幫我們取下架上的行李篋, 非常感謝他呢!

在 hostel settle down哂, 雖然是下午4點幾, 但於當地就等於傍晚, 趁天未全黑, 幫文化宮影番張相先!

搵餐廳期間, 發覺一間找換店貼了1Eur = 3.8X Pln, 相當吸引, 入去換50Eur, 發覺1 Eur 只等於3.0Pln, 個rate 比機場還低, 心有不甘, 同店員理論, 可惜店員只識講數字既英文, 其他會都是波蘭語, 剛好, 有一位女子進入, 佢主動幫我們同店員理論, 原來個店員話由於我哋換少過4000Eur, 所以個rate 就係3.0, 好彩能夠refund, 否則白白被騙了, 在此, 亦要感謝那位主動幫我們的女仔!

晚餐求其在一間餐廳用膳, 依餐是我們整個旅程最貴的一餐, 差不多等於hkd$250, 但份量郤最少.

依餐最特別既係試到Grill tuna salad, not bad.

在歐洲, 我最鍾意食apple pie, 但這間餐廳的apple pie不夠酸, 唔啱我胃口!

Malbork
純粹睇吓城堡, 不過要付費入內, 而我和朋友都唔係幾識欣賞, 所以只在外圍影相算了.

Sopot
另一個期待的遊點, 網友提到這裏可以看到一望無際的波羅的海. 到達後, 發覺人山人海, 原來忘記了今天是獨立日, 波蘭的公眾假期, 所以這裏充滿人潮.

雖然有太陽, 但太大風, 只感到寒風刺骨, 沒有停留太耐就往窩夫檔排隊去, 因為那檔人龍非常長, 應該係最好味的一檔; 排了將近30分鐘, 終於輪到我們, 我要了cherry 窩夫, 走cream, 大約hkd $13, 好味兼有好多cherry, 香港我諗都買唔到.

想早d返回住處, 可惜沒有火車直至16:30, 惟有坐在車站內等, 因為出面實在太冷了. 火車遲來, 搞到不知到達時間, 問同一車廂的女孩子, 她好nice, 仲開始傾談起來, 佢以為我哋係exchange student (哈, 多謝, 我都想有咁後生呀), 佢原來上年去了挪威做exchange student, 又其怪我們為何選擇以波蘭作為旅遊地點; 落車後, 各有各散了.

由於個friend 要上網, 所以搵咗間有wifi 既餐廳, 今次這間餐廳的waitress 好好人, 首先奉上麵包, 在其他歐洲國家, 這籃麵包是要收錢的, 後來埋單, 先發覺是免費的, 完全覺得抵食!

原本諗住今朝04:15起床梳洗, 點知3點幾有人撞門, 我被嚇醒, 那人撞了2下後, 走開了, 諗住再瞓, 但過了不久, 那人又撞門, 今次大聲到連我的朋友也被嘈醒, 我哋2個當聽唔到, 維持了數分鐘, 我想reception 那位小姐聽到, 上來帶那位人兄回房間, 搞到我再不能進入夢鄉, 眼光光等04:15來臨.

Check-out 後往火車站去, 寒冬兼冷清, 看到Krakow的另一面, 上到火車, 顯示氣溫得4度咋. 搭早車有好處, 就係可以睇到靚靚的日出!

去旅行, 都不忘帶埋你去!

今明2晚, book 咗個apartment, 原先book 嗰間apartment有問題, agent 轉了另一間給我們, 新的那間很舒適, 就算貴了少少, 但都覺值.

欣賞完房子後, 趕快往舊城拍照, 免得天黑什麼也拍不到.

留意獅子的頭頂 ^o^

大約五點幾, 我個friend 提議回住所坐陣, 再出街晚膳, 但我寧願早點晚膳, 之後回住所休息; 入到餐廳, 沒有人理我們, 後來一位侍應不客氣地說這裏是self-service, 自己出bar 枱order, 付錢及攞飲品, 而食品他會奉上, 怎知有這樣規矩喎, 食物一般, 但勝在平!

回到住所樓下, 有個男人剛好返回那所大廈, 一齊上樓梯, 一齊停在2樓, 開門後, 原來那位男人是屋主的仔仔, 佢原本想來整屋, 但agent 無通知佢有人入住, 搞到佢白行1趟了! 好彩決定晚膳完返住宿, 否則有人入屋都唔知……”

今日閒遊 Krakow, 可惜大霧, 影唔到靚相.

晏晝食波蘭傳統食物: 餃子, 決定去網友介紹嗰間, 點知原來只開星期一至五, 失望而回, 倒而求其次, 食第二間網友推介既pizza店.

pizza 個底不錯

Pierogi Mix 好似中國餃子; 有一種餡好味, 另一種就麻麻, 但從外表, 很難分辨.

由於晏晝食得太飽, 加上明早要搭05:55火車, 所以晚餐只求其食了點東西, 早早上床睡覺了.

Birkenau, Oswiecim
好耐之前睇過舒特拉的名單, 電影內容已經唔係好記得, 大約只記得要救係集中營裏面的猶太人, 免被希特拉無辜屠殺. 當時睇, 沒有特別深刻印象; 今日有機會親自看看歷史遺留下來的傷痕……

一入Oswiecim, 就看見字句 “Arbeit Macht Frei”, 意思是”工作換取自由”, 真諷刺的字句, 入去其實只有死路一條; 事件發生在194x年, 一個不算太遠的年份, 郤發生這樣可佈的事情, 很難想像. 營入面看到猶太人居住及被迫害的環境情況, “恐怖”, “毛骨悚然”都不足以形容當時的心情, 一個歷史傷痕, 完全不收入場費, 值得現今的人反思!

之後步行往Birkenau, 2營相距大約30分鐘路程, 到達後發覺, 原本覺得Oswiecim很大, 但原來不及這裏的十分一, 証明當年有幾多人受到迫害……

回程乘搭13:50 小巴, 返回Krakow 已是15:40, 之前問過hostel 既staff, 知道前往鹽壙只需大約30分鐘車程, 趕得及17:00參觀既tour, 於是搵小巴前往.

小巴等客, 到16:10先開車, 到司機提示我們下車時, 已是16:48, 落車地點完全不知身在何方, 路人指了一個方向, 我們趕緊跑往, 因為害怕趕不上, 白行一趟; 跑了一段路, 發覺指示牌指示還有650m, 再問路人, 指了往公園方向, 和指示牌不同, 不過, 照跟啦, 入到公園, 由於已天黑, 大霧加上無乜路燈, 見有一個途人, 即刻再問路, 問完之後跑幾步, 想回頭問清楚確認, 但已不見那位途人, 當時身處的公園, 感覺就像拍鬼片的一樣; 最終係17:01到達鹽壙, 職員催我們入場, 好險呀, 差點不能趕上, 多謝路人們指點的捷徑呢!

Wieliczka Salt Mine
所有物件都係用鹽雕出來, 連地下都是由鹽組成, 只可以講一定要親身經歷才可以感受那種amazing, 非筆墨可形容, 因為之前我已看過陶傑”細說名城”節目裏的介紹及看過照片, 都不及親眼見到的震撼, 所以這裏是一個值得再Encore的地方.

回到Krakow, 隨便找間食肆醫肚, waitress 介紹蒜茸包, 我們揀了chicken salad及意粉, 全都好好味.