晴, 霧

今日閒遊 Krakow, 可惜大霧, 影唔到靚相.

晏晝食波蘭傳統食物: 餃子, 決定去網友介紹嗰間, 點知原來只開星期一至五, 失望而回, 倒而求其次, 食第二間網友推介既pizza店.

pizza 個底不錯

Pierogi Mix 好似中國餃子; 有一種餡好味, 另一種就麻麻, 但從外表, 很難分辨.

由於晏晝食得太飽, 加上明早要搭05:55火車, 所以晚餐只求其食了點東西, 早早上床睡覺了.

晴, 大霧

Birkenau, Oswiecim
好耐之前睇過舒特拉的名單, 電影內容已經唔係好記得, 大約只記得要救係集中營裏面的猶太人, 免被希特拉無辜屠殺. 當時睇, 沒有特別深刻印象; 今日有機會親自看看歷史遺留下來的傷痕……

一入Oswiecim, 就看見字句 “Arbeit Macht Frei”, 意思是”工作換取自由”, 真諷刺的字句, 入去其實只有死路一條; 事件發生在194x年, 一個不算太遠的年份, 郤發生這樣可佈的事情, 很難想像. 營入面看到猶太人居住及被迫害的環境情況, “恐怖”, “毛骨悚然”都不足以形容當時的心情, 一個歷史傷痕, 完全不收入場費, 值得現今的人反思!

之後步行往Birkenau, 2營相距大約30分鐘路程, 到達後發覺, 原本覺得Oswiecim很大, 但原來不及這裏的十分一, 証明當年有幾多人受到迫害……

回程乘搭13:50 小巴, 返回Krakow 已是15:40, 之前問過hostel 既staff, 知道前往鹽壙只需大約30分鐘車程, 趕得及17:00參觀既tour, 於是搵小巴前往.

小巴等客, 到16:10先開車, 到司機提示我們下車時, 已是16:48, 落車地點完全不知身在何方, 路人指了一個方向, 我們趕緊跑往, 因為害怕趕不上, 白行一趟; 跑了一段路, 發覺指示牌指示還有650m, 再問路人, 指了往公園方向, 和指示牌不同, 不過, 照跟啦, 入到公園, 由於已天黑, 大霧加上無乜路燈, 見有一個途人, 即刻再問路, 問完之後跑幾步, 想回頭問清楚確認, 但已不見那位途人, 當時身處的公園, 感覺就像拍鬼片的一樣; 最終係17:01到達鹽壙, 職員催我們入場, 好險呀, 差點不能趕上, 多謝路人們指點的捷徑呢!

Wieliczka Salt Mine
所有物件都係用鹽雕出來, 連地下都是由鹽組成, 只可以講一定要親身經歷才可以感受那種amazing, 非筆墨可形容, 因為之前我已看過陶傑”細說名城”節目裏的介紹及看過照片, 都不及親眼見到的震撼, 所以這裏是一個值得再Encore的地方.

回到Krakow, 隨便找間食肆醫肚, waitress 介紹蒜茸包, 我們揀了chicken salad及意粉, 全都好好味.

晴

去Zakopane既主要原因, 是因為可以上 Mt. Kasprowy Wierch, 全波蘭最高既山, 嘗試一腳踏波蘭一腳踏斯洛伐克的滋味.

由於不是旅遊旺季, 所以排隊搭cable car 既人唔多, 原本諗住搭到上山的最高點, 再步行下山, 但由於太早天黑, 打消此念頭, 買round trip ticket (30zl) 算了; 乘cable car 途中, 已聽到很大的風聲, 估唔到上到山之後……

上到山, 很興奮, 看見遠處已經有積雪, 飛快跑過去, 行到一半, 一陣烈風吹過, 我肯定風速比香港十球風球還要犀利百倍, 因為我都被吹郁, 由於身處地段沒有欄杆, 而我見我個fd 都勉強企到, 再吹, 我驚跌落山, 情急之下, 惟有坐係地下度, 這個方法果然收効, 之後我個fd 很快影咗幾張相, 然後佢話回室內等我, 因為實在太危險; 雖然我當時都好驚, 但比咗錢, 點都要留多陣.

返到town center, 趕緊行市集, 因為驚d攤檔會早收, 看見很多攤檔都賣以下的東西, 你又猜到這是什麼嗎?

陰天, 有霧

每次搭夜機都瞓唔到, 今次諗咗新方法, 就係戴頂cap 帽再將張被蓋過頭, 希望瞓得著.
由於我個fd一定要坐window seat, 而我一定要坐走廊位, 所以中間位被一位西洋女人坐了, 但那位女人非常唔識做, 每次我去斟水或去廁水, 佢都唔跟住, 到我坐低之後, 就要求要出去, 有次想我唔使起身, 自行想辦法出去, 但佢既身軀實在太大, 根本無可能, 所以, 12個鐘的機程, 無瞓過, 攰死了, 真想發牌氣.

零晨5點幾到了Heathrow airport, 有3個鐘時間才轉機, 閒逛duty free shop, 發覺Marc Jacob 出咗X’Mas box set. 即刻send sms 比細妹, 因為佢同家姐都鍾意MJ; 3個鐘都幾難捱, 尤其係無得瞓.

終於上了去Warsaw的機了, 坐低無幾耐, 即刻瞓著, 但空姐派餐嗰時, 被嘈醒, 總共都瞓唔到45分鐘……

Around 11:30, 到了Warsaw, 搭車出town center, 唔識落車, 好彩有個男人提我哋落車; 去中央火車站開火車証, 排長龍, 差不多排了半個鐘, 輪到我哋嗰時, 突然猛流眼水及鼻水, 而我個fd 無諗住開口問, 我惟有一路抺眼及鼻, 一路問staff 嘢, 我諗當時個staff 好奇怪點解e個人會一路喊一路問問題.

搞點後, 要等到15:05才有火車搭去Krakow, 預計到達時間為18:00, 在火車上睡了一陣, 醒來才不過16:30, 但發覺天已全黑了, 真快日落呢!

由於天黑, 搵路去hostel都有問題, 幸好有商場的管理員指路, settle down 已經過了19:00, 咁就無咗一日, 求其係food court 搞點晚餐, 返hostel 沖涼瞓覺, 因為實在太攰了!

準備多時的波蘭之旅, 終於來臨, 很期待呢!

仲有很多交通資料未能搜集, 惟有見步行步, 希望今晚搭夜機, 能夠改掉以往的惡習, 瞓到覺啦.

12日後再補番行程資料.

轉瞬間, 旅程去到最後一日, 一早去新宿御苑睇吓仲有冇櫻花, 入場費￥200, 還好, 仍有一小遍櫻花林.

跟住去了最後博殺, 買了一個Porter袋.
6日的旅程就此完結, 要努力搵錢, 去準備下次的旅程……

今日是shopping日, 目的地梗係原宿, 裏原宿, 表參道同埋涉谷.

因為之前已經嚟過幾次, 所以心中已有目標既商店, 當然有斬獲; 順便去埋Johnny 事務所開既shop, 發覺一大清早, 細小的舖已堆滿人, 沒有SMAP既特別商品, 空手而回.

今日要早d返民宿, 因為一嚟要執嘢, 二嚟, 今晚撞正Smap X Smap special, 梗係要睇啦!
今集Smap X Smap係名曲歌遙祭, 唔係玩遊戲, 有少少失望, 而Bistro Smap 嘉賓係蘇菲亞羅蘭, 最搞笑係大口仔扮佢, 最後由木村嗰組勝出.

之前一直係web度search, 睇吓邊度仲有櫻花睇, 發覺好多地方已經落哂, 唯一近東京而仲有既係櫻新町既JRA馬事公苑, 所以一早就會去這裏賞櫻, 前往途中,
很緊張, 因為可能去到已經凋落.

搵咗好耐, 同問咗2個人, 終於到逹; 果然如website所料, 所有櫻花正好滿開, 兼且有馬匹襯托, 加上第一次睇櫻花, 簡直不枉此行.

第二站是川越, 一個離東京非常近的城市, 但仍保全大江戶時代既屋, 當然要去睇睇啦.  去到那裏, 簡直覺得回到古代的日本一樣, 加上是日是星期天, 遊客
絡繹不絕, 這是唯一美中不足之處, 還幸的是, 那些全都是日本本土遊客, 若聽到有人講廣東話, 真是大殺風景呢!

網上很多的朋友都不提議步行, 所以我搭巴士去到時之鐘下車, 遊覽菓子橫丁和時之鐘的巷子, 跟住步行前往遊覽喜多院及中院, 最後步行回車站; 整段步行路程, 我不覺得辛苦, 沿途還可以欣賞人家屋前的攞設, 街上的裝飾, 所以若行得既話, 我反而提議用步行去感受.

今日最後一站是六本木, 沒有什麼特別的地方, 最特別既係依度d嘢好貴.

陰, 之後雨天

今日目的地係御殿場既outlet, 車程為1個半鐘, 預計早上10時到逹, 可惜, 事與願違, 遇上大塞車, 塞了一個鐘, 整個車程被前面及隔離的日本女人傾計聲騷
擾, 都唔知點解佢哋可以連續傾2個半鐘頭無停咀都得.

下車後, 居然係outlet見到Nikon, 即刻入去睇吓有咩平嘢執, 但原來同出面舖頭買既價錢一樣, 跟住發覺好多名牌e.g. Prada, Gucci 都其實和出面沒有分別
, 這裡唔應該叫outlet, 應該係一個shopping mall而已!

最終係Beams 及 Dog dept 買了件tee, 係franc franc 買了個蒸蛋器送給朋友, 兼買了2大枝蘋果汁和果jam.

返到東京, 又下雨了, 回上野買零食做手信, 之後落新宿逛.
基本上, 新宿好多店舖依舊無變.

雨天

今日行程非常豐富, 無番咁上下腳骨力都頂唔順.

第一站是橫濱的八景島樂園, 由於早上七點幾搭車, 碰上日本人返工時間, 個幾鐘頭的車程無位坐, 未玩已經很攰呢.
到達後, 由於下雨, 大風兼且四周空曠, 簡直好似打八號風球一様, 所以樂園無乜人到訪; 樂園可以看到很多海底動物, 由於唔識日文, 若果唔係, 還可以預約餵飼企鵝, 摸海豚呢!

第二站就梗係要去附近的Bayside marina outlet啦, 因為那裏除了有我至愛的Brand x-girl之外, 還有新加的Levi’s, 日本的Levi’s全是日本製, 所以一定要朝聖啦.
在Levi’s睇中了一條牛仔褲, 只需￥2900, 平時我都係著25或26腰, 見嗰條牛仔褲只得26腰, 立即試試, 但著唔落, 激死, 點解日本人個size咁細架; 好在, 在x-girl 買了件中袖的衫, 還可以當外套, 最梗要既係日本製, 雖然有少少貴, 但還是買了.

今日最後一站係麵包超人博物館, 由於是日下雨, 兼且還有2個鐘就關門, 所以人流非常少, 唔使同人迫兼可以玩埋一些原本只比小朋友玩的玩意, 好嘢!