網上搜索高尾山, 發覺有點像香港的家樂徑, 加上有得坐吊車上山腰, 於是決定是日登山影風景.

吊車像ski的那種, 坐在上面, 很有快感, 不消30分鐘, 就已到達山腰; 再往上行, 沿途都有很多值得拍下的照片, 看見這麼好的天色, 於是第一次試用新買的cpl filter, 但効果未如理想, 要再練練!

上到山頂, 可以看到遠處的富士山, 第六次去東京, 今天才是第一次看到, 之前因為天色不好, 與它緣慳一臉, 今次看到, 把握機會, 影多幾張相先.  山頂上, 有直昇機不斷徘徊, 不知是什麼用意呢?

是時候下山, 我決定選取另一路線, 這樣可以看到更多景色; 山頂地圖指示不清晰, 請教當地人, 鷄同鴨講, 幸好, 他們都很熱心, 見我們行錯方向, 追過來指給我們正確方向; 這條下山路線很崎嶇, 不單很多碎石, 還很濕滑, 對於只是著converse 的我, 對腳完全受罪, 還要拎相機, 有幾次差點兒滑倒, 幸好, 有途人幫助.

下到山, 腳已經很痛, 但要往新宿買明天往箱根的車票, 惟有橕下去! 買了票後, 陪朋友購物一陣.

之後往東京站的大黑屋幫前老細買dv, 去到大黑屋已過了18:00, 沒有想要的顏色及不能即席試機, 我不能下決定, 要致電回港請示, 眼看還有20分鐘, 店舖便關門, 惟有在街上跑來跑去找電話, 找到電話後, 郤記不起前老細的電話, 惟有找兄長幫助問前老細, (後來發覺原來他也不在香港), 他沒有托手踭幫我問, 回覆是一定買那部dv, 可惜跑回店子, 已關門了, 門口寫著星期日開09:15-16:00, 惟有星期日再來.

行完山加跑了幾轉, 當晚我是一拐一拐的步行回民宿.

第一次乘搭凌晨機往東京, 全程也睡不着, 落機過關領回行李都很順利, 大約早上七時已抵達民宿放下行李.
在極度疲倦的狀態下, 前往橫濱 Bayside-outlet, 那裏有我喜歡的品牌 Levis & X-girl, 可惜今次沒有收獲!

這是在outlet 還未開門時隨拍的花

下午往麵包超人博物館, 這個館之前已到過, 今次純粹陪朋友來, 她是超級麵包超人迷, 郤嫌入場費貴, 只在shop 裏買東西當做朝拜.

回上野買零食及晚餐, 早早上床瞓了

東京櫻花之旅即將展開, 旅程剛剛定好, 希望今次順順利利, 同埋同行之友人滿意啦!

第一日: 凌晨機, 橫濱 (Outlet, 麵包超人博物館), 上野
第二日: 高尾山, 新宿, 再落東京站幫前老闆買dv 機
第三日: 箱根
第四日: 原宿, 裏原宿, 涉谷
第五日: 銀座, 參觀ANA整備工場, 台場
第六日: 恩賜公園/新宿御苑睇櫻花

自一個地球 - 南極篇播出後, 很多傳媒找阿Paul做訪問, 訪問中, 阿Paul說相機不能記下當前見到的景色, 所以所有畫面他都用腦海記住, 相機在心中……

他這幾句話, 令我當頭棒喝, 以往去旅行, 很介懷補足不到當下的靚景, 其實所有靚景已被我補捉, 只是別人看不到吧了!

4月將再次到東京, 今次旅行, 我會多用眼睛觀看, 用腦海記下那刻可遇不可求的情景, 至於拍攝, 還是隨意吧!

東京, 之前已去過5次, 最初心態和其他香港人一樣, shopping 為主, 漸漸對shopping 失去興趣, 開始發掘旅客少去的景點; 2008年答應了好友的請求, 陪她遊東京一轉, 因為她未去過, 在日元高企下, 都沒有辦法, 今年4月將會是我第6次再次到訪.

今次, 最傷腦筋的是, 我要選一些熱門遊門景點, 但自己已沒有興趣, 所以中途加插冷門景點, 在搜索期間, 被我發現可以參觀 ANA 工場, 原本想等個friend 同意先book, 但搵佢唔到, 兼發覺好多場次已full, 今朝我立機當斷, 擅自apply; 全日文的website, 在亂估下填form, 申請人名稱嗰欄搞了好耐都說我輸入的名字不正確, 最後, 還是要識日文既fd 幫我, 煩了你成朝, 有少少不好意思呢! :p

現在要等是否批准我的申請, 很期待呢!

陰, 霧

最後一天在華沙, 當然最後衝刺買手信, 早上在hostel食早餐, 有個伯伯和我們閒聊, 他亦以為我們是exchange student (我們真的似嗎?), 他原來來自加拿大, 今次旅遊為期半年, 真羡慕呢! 和伯伯道別後, 開始往市中心出發.

今年第一個見到的聖誕燈飾

影了一張霧裏的文化宮

閒逛商場, 發覺有food court, 裏面我最鍾意的甜品 - apple pie, 買了來試, 好好味, 因為蘋果夠酸, 臨走前終於食到, 很開心呢!

返到香港已是11月16日, 今次旅程多了幾分驚險, 但最終都能化險為夷, 非常感謝沿途幫助的波蘭人, 有機會我會再去!

陰, 霧

旅程的最後一個景點, 今日很冷, 已經著夠衫, 但都不斷打顫呢!

首先梗係要去睇著名的蕭邦像啦.

Kosciol Sw. Krzyza, 教堂的石柱下埋著蕭邦的心臟

跟住, 原來想去蕭邦博物館, 但搵唔到, 惟有落皇者之路, 由於實在太凍, 係大學附近的一間餐廳食咗少少熱嘢.

再落往舊城區拍照, 舊城區不太, 兼且我個friend 對睇風景無乜興趣, 所以很快就睇完.

晚餐在舊城一間餐廳食, 我覺得是全個旅程最好味的一餐.

餐廳有website 架: http://www.podwale25.pl/

有酸菜及酸瓜附送, 免費

Tyskie beer

Roasted duck served with apple and red beet

Pork Knuckle Hungarian style served with barley

埋單時, waitor 送來了2杯酒, 好濃的藥水味, 當然無飲到啦!

晴

另一個期待之日, 因為今日會去薑餅博物館, 有得自己整薑餅呀, 仲要唔係好貴, 每人只需比大約港幣30就可以了!

除了薑餅, 依個鎮另一出名既地方, 就係天文學家 Kopernika 的出生地, 所以就算是平日, 都有不少遊人.

想影 Kopernika 既雕像, 有個波蘭靚仔點都唔肯走開, 直到影埋佢為止, 既然咁鍾意上鏡, 咁擺埋上嚟任人觀賞啦!

遊完後, 進軍薑餅博物館, 可惜, 由於我哋得2個人, 而負責人話要5個人才可以整, 搞到我哋只可以睇望門輕嘆!

嗰晚我個friend先諗到我們應該付5人價錢, 咁就唔使失望而回, 可惜太遲了!

PS: 今日家強生日, 點知唔記得, 係依度補祝家強生日快上!

陰

今日搭火車落華沙, 差不多到旅程的尾聲了.

波蘭火車就好似Harry Porter裏面的火車, 一個車廂坐6人, 由於我和朋友的2個大行李篋佔了不少空間, 於是我們合力將我的那一個抬上車頂的行李架, 隔了2站後, 有一個男仔坐到我們的車廂; 到達華沙前, 那位男生很好人, 主動幫我們取下架上的行李篋, 非常感謝他呢!

在 hostel settle down哂, 雖然是下午4點幾, 但於當地就等於傍晚, 趁天未全黑, 幫文化宮影番張相先!

搵餐廳期間, 發覺一間找換店貼了1Eur = 3.8X Pln, 相當吸引, 入去換50Eur, 發覺1 Eur 只等於3.0Pln, 個rate 比機場還低, 心有不甘, 同店員理論, 可惜店員只識講數字既英文, 其他會都是波蘭語, 剛好, 有一位女子進入, 佢主動幫我們同店員理論, 原來個店員話由於我哋換少過4000Eur, 所以個rate 就係3.0, 好彩能夠refund, 否則白白被騙了, 在此, 亦要感謝那位主動幫我們的女仔!

晚餐求其在一間餐廳用膳, 依餐是我們整個旅程最貴的一餐, 差不多等於hkd$250, 但份量郤最少.

依餐最特別既係試到Grill tuna salad, not bad.

在歐洲, 我最鍾意食apple pie, 但這間餐廳的apple pie不夠酸, 唔啱我胃口!

晴, 霧

Malbork
純粹睇吓城堡, 不過要付費入內, 而我和朋友都唔係幾識欣賞, 所以只在外圍影相算了.

Sopot
另一個期待的遊點, 網友提到這裏可以看到一望無際的波羅的海. 到達後, 發覺人山人海, 原來忘記了今天是獨立日, 波蘭的公眾假期, 所以這裏充滿人潮.

雖然有太陽, 但太大風, 只感到寒風刺骨, 沒有停留太耐就往窩夫檔排隊去, 因為那檔人龍非常長, 應該係最好味的一檔; 排了將近30分鐘, 終於輪到我們, 我要了cherry 窩夫, 走cream, 大約hkd $13, 好味兼有好多cherry, 香港我諗都買唔到.

想早d返回住處, 可惜沒有火車直至16:30, 惟有坐在車站內等, 因為出面實在太冷了. 火車遲來, 搞到不知到達時間, 問同一車廂的女孩子, 她好nice, 仲開始傾談起來, 佢以為我哋係exchange student (哈, 多謝, 我都想有咁後生呀), 佢原來上年去了挪威做exchange student, 又其怪我們為何選擇以波蘭作為旅遊地點; 落車後, 各有各散了.

由於個friend 要上網, 所以搵咗間有wifi 既餐廳, 今次這間餐廳的waitress 好好人, 首先奉上麵包, 在其他歐洲國家, 這籃麵包是要收錢的, 後來埋單, 先發覺是免費的, 完全覺得抵食!