心內心外
(http://blog.hellokitty.com/edon)
過去與今天的一齊

Archive for the '波蘭' Category

波蘭 - Warsaw [2008年11月15日]

Tuesday, November 25th, 2008

陰, 霧

最後一天在華沙, 當然最後衝刺買手信, 早上在hostel食早餐, 有個伯伯和我們閒聊, 他亦以為我們是exchange student (我們真的似嗎?), 他原來來自加拿大, 今次旅遊為期半年, 真羡慕呢! 和伯伯道別後, 開始往市中心出發.

20081115_2.jpg
今年第一個見到的聖誕燈飾

20081115_1.jpg
影了一張霧裏的文化宮

閒逛商場, 發覺有food court, 裏面我最鍾意的甜品 - apple pie, 買了來試, 好好味, 因為蘋果夠酸, 臨走前終於食到, 很開心呢!
20081115_f1.jpg

返到香港已是11月16日, 今次旅程多了幾分驚險, 但最終都能化險為夷, 非常感謝沿途幫助的波蘭人, 有機會我會再去!

波蘭 - Warsaw [2008年11月14日]

Monday, November 24th, 2008

陰, 霧

旅程的最後一個景點, 今日很冷, 已經著夠衫, 但都不斷打顫呢!

20081114_1.jpg
首先梗係要去睇著名的蕭邦像啦.

20081114_2.jpg

20081114_3.jpg20081114_4.jpg
Kosciol Sw. Krzyza, 教堂的石柱下埋著蕭邦的心臟

跟住, 原來想去蕭邦博物館, 但搵唔到, 惟有落皇者之路, 由於實在太凍, 係大學附近的一間餐廳食咗少少熱嘢.

20081114_5.jpg
再落往舊城區拍照, 舊城區不太, 兼且我個friend 對睇風景無乜興趣, 所以很快就睇完.

晚餐在舊城一間餐廳食, 我覺得是全個旅程最好味的一餐.

餐廳有website 架: http://www.podwale25.pl/

20081114_f1.jpg 有酸菜及酸瓜附送, 免費

20081114_f2.jpg Tyskie beer

20081114_f3.jpg Roasted duck served with apple and red beet

20081114_f4.jpg Pork Knuckle Hungarian style served with barley

埋單時, waitor 送來了2杯酒, 好濃的藥水味, 當然無飲到啦!

波蘭 - Torun [2008年11月13日]

Monday, November 24th, 2008

另一個期待之日, 因為今日會去薑餅博物館, 有得自己整薑餅呀, 仲要唔係好貴, 每人只需比大約港幣30就可以了!

除了薑餅, 依個鎮另一出名既地方, 就係天文學家 Kopernika 的出生地, 所以就算是平日, 都有不少遊人.

20081113_1.jpg
想影 Kopernika 既雕像, 有個波蘭靚仔點都唔肯走開, 直到影埋佢為止, 既然咁鍾意上鏡, 咁擺埋上嚟任人觀賞啦!

20081113_2.jpg20081113_3.jpg

遊完後, 進軍薑餅博物館, 可惜, 由於我哋得2個人, 而負責人話要5個人才可以整, 搞到我哋只可以睇望門輕嘆!

嗰晚我個friend先諗到我們應該付5人價錢, 咁就唔使失望而回, 可惜太遲了!

PS: 今日家強生日, 點知唔記得, 係依度補祝家強生日快上!

波蘭 - Warsaw [2008年11月12日]

Friday, November 21st, 2008

今日搭火車落華沙, 差不多到旅程的尾聲了.

波蘭火車就好似Harry Porter裏面的火車, 一個車廂坐6人, 由於我和朋友的2個大行李篋佔了不少空間, 於是我們合力將我的那一個抬上車頂的行李架, 隔了2站後, 有一個男仔坐到我們的車廂; 到達華沙前, 那位男生很好人, 主動幫我們取下架上的行李篋, 非常感謝他呢!

在 hostel settle down哂, 雖然是下午4點幾, 但於當地就等於傍晚, 趁天未全黑, 幫文化宮影番張相先!
20081112_1.jpg

搵餐廳期間, 發覺一間找換店貼了1Eur = 3.8X Pln, 相當吸引, 入去換50Eur, 發覺1 Eur 只等於3.0Pln, 個rate 比機場還低, 心有不甘, 同店員理論, 可惜店員只識講數字既英文, 其他會都是波蘭語, 剛好, 有一位女子進入, 佢主動幫我們同店員理論, 原來個店員話由於我哋換少過4000Eur, 所以個rate 就係3.0, 好彩能夠refund, 否則白白被騙了, 在此, 亦要感謝那位主動幫我們的女仔!

晚餐求其在一間餐廳用膳, 依餐是我們整個旅程最貴的一餐, 差不多等於hkd$250, 但份量郤最少.
20081112_f1.jpg

20081112_f2.jpg
依餐最特別既係試到Grill tuna salad, not bad.

在歐洲, 我最鍾意食apple pie, 但這間餐廳的apple pie不夠酸, 唔啱我胃口!
20081112_f3.jpg

波蘭 - Malbork & Sopot [2008年11月11日]

Friday, November 21st, 2008

晴, 霧

Malbork
純粹睇吓城堡, 不過要付費入內, 而我和朋友都唔係幾識欣賞, 所以只在外圍影相算了.
20081111_1.jpg20081111_2.jpg

Sopot
另一個期待的遊點, 網友提到這裏可以看到一望無際的波羅的海. 到達後, 發覺人山人海, 原來忘記了今天是獨立日, 波蘭的公眾假期, 所以這裏充滿人潮.
20081111_3.jpg20081111_4.jpg20081111_5.jpg

雖然有太陽, 但太大風, 只感到寒風刺骨, 沒有停留太耐就往窩夫檔排隊去, 因為那檔人龍非常長, 應該係最好味的一檔; 排了將近30分鐘, 終於輪到我們, 我要了cherry 窩夫, 走cream, 大約hkd $13, 好味兼有好多cherry, 香港我諗都買唔到.
20081111_f1.jpg

想早d返回住處, 可惜沒有火車直至16:30, 惟有坐在車站內等, 因為出面實在太冷了. 火車遲來, 搞到不知到達時間, 問同一車廂的女孩子, 她好nice, 仲開始傾談起來, 佢以為我哋係exchange student (哈, 多謝, 我都想有咁後生呀), 佢原來上年去了挪威做exchange student, 又其怪我們為何選擇以波蘭作為旅遊地點; 落車後, 各有各散了.

由於個friend 要上網, 所以搵咗間有wifi 既餐廳, 今次這間餐廳的waitress 好好人, 首先奉上麵包, 在其他歐洲國家, 這籃麵包是要收錢的, 後來埋單, 先發覺是免費的, 完全覺得抵食!
20081111_f2.jpg20081111_f3.jpg20081111_f4.jpg

波蘭 - Krakow [2008年11月9日]

Friday, November 21st, 2008

晴, 霧

今日閒遊 Krakow, 可惜大霧, 影唔到靚相.
20081109_1.jpg20081109_2.jpg20081109_3.jpg

晏晝食波蘭傳統食物: 餃子, 決定去網友介紹嗰間, 點知原來只開星期一至五, 失望而回, 倒而求其次, 食第二間網友推介既pizza店.

20081109_f2.jpg
pizza 個底不錯

20081109_f1.jpg
Pierogi Mix 好似中國餃子; 有一種餡好味, 另一種就麻麻, 但從外表, 很難分辨.

由於晏晝食得太飽, 加上明早要搭05:55火車, 所以晚餐只求其食了點東西, 早早上床睡覺了.

波蘭 - 集中營 & 鹽壙[2008年11月8日]

Wednesday, November 19th, 2008

晴, 大霧

Birkenau, Oswiecim
好耐之前睇過舒特拉的名單, 電影內容已經唔係好記得, 大約只記得要救係集中營裏面的猶太人, 免被希特拉無辜屠殺. 當時睇, 沒有特別深刻印象; 今日有機會親自看看歷史遺留下來的傷痕……

一入Oswiecim, 就看見字句 “Arbeit Macht Frei”, 意思是”工作換取自由”, 真諷刺的字句, 入去其實只有死路一條; 事件發生在194x年, 一個不算太遠的年份, 郤發生這樣可佈的事情, 很難想像. 營入面看到猶太人居住及被迫害的環境情況, “恐怖”, “毛骨悚然”都不足以形容當時的心情, 一個歷史傷痕, 完全不收入場費, 值得現今的人反思!
20081108_1.jpg20081108_2.jpg20081108_3.jpg

之後步行往Birkenau, 2營相距大約30分鐘路程, 到達後發覺, 原本覺得Oswiecim很大, 但原來不及這裏的十分一, 証明當年有幾多人受到迫害……
20081108_4.jpg

回程乘搭13:50 小巴, 返回Krakow 已是15:40, 之前問過hostel 既staff, 知道前往鹽壙只需大約30分鐘車程, 趕得及17:00參觀既tour, 於是搵小巴前往.

小巴等客, 到16:10先開車, 到司機提示我們下車時, 已是16:48, 落車地點完全不知身在何方, 路人指了一個方向, 我們趕緊跑往, 因為害怕趕不上, 白行一趟; 跑了一段路, 發覺指示牌指示還有650m, 再問路人, 指了往公園方向, 和指示牌不同, 不過, 照跟啦, 入到公園, 由於已天黑, 大霧加上無乜路燈, 見有一個途人, 即刻再問路, 問完之後跑幾步, 想回頭問清楚確認, 但已不見那位途人, 當時身處的公園, 感覺就像拍鬼片的一樣; 最終係17:01到達鹽壙, 職員催我們入場, 好險呀, 差點不能趕上, 多謝路人們指點的捷徑呢!

Wieliczka Salt Mine
所有物件都係用鹽雕出來, 連地下都是由鹽組成, 只可以講一定要親身經歷才可以感受那種amazing, 非筆墨可形容, 因為之前我已看過陶傑”細說名城”節目裏的介紹及看過照片, 都不及親眼見到的震撼, 所以這裏是一個值得再Encore的地方.
20081108_6.jpg20081108_7.jpg

回到Krakow, 隨便找間食肆醫肚, waitress 介紹蒜茸包, 我們揀了chicken salad及意粉, 全都好好味.
20081108_f1.jpg20081108_f2.jpg20081108_f3.jpg

波蘭 - Zakopane [2008年11月7日]

Wednesday, November 19th, 2008

去Zakopane既主要原因, 是因為可以上 Mt. Kasprowy Wierch, 全波蘭最高既山, 嘗試一腳踏波蘭一腳踏斯洛伐克的滋味.

由於不是旅遊旺季, 所以排隊搭cable car 既人唔多, 原本諗住搭到上山的最高點, 再步行下山, 但由於太早天黑, 打消此念頭, 買round trip ticket (30zl) 算了; 乘cable car 途中, 已聽到很大的風聲, 估唔到上到山之後……

上到山, 很興奮, 看見遠處已經有積雪, 飛快跑過去, 行到一半, 一陣烈風吹過, 我肯定風速比香港十球風球還要犀利百倍, 因為我都被吹郁, 由於身處地段沒有欄杆, 而我見我個fd 都勉強企到, 再吹, 我驚跌落山, 情急之下, 惟有坐係地下度, 這個方法果然收効, 之後我個fd 很快影咗幾張相, 然後佢話回室內等我, 因為實在太危險; 雖然我當時都好驚, 但比咗錢, 點都要留多陣.
20081107_1.jpg20081107_2.jpg20081107_3.jpg

返到town center, 趕緊行市集, 因為驚d攤檔會早收, 看見很多攤檔都賣以下的東西, 你又猜到這是什麼嗎?
20081107_4.jpg

波蘭 - Krakow [2008年11月6日]

Tuesday, November 18th, 2008

陰天, 有霧

每次搭夜機都瞓唔到, 今次諗咗新方法, 就係戴頂cap 帽再將張被蓋過頭, 希望瞓得著.
由於我個fd一定要坐window seat, 而我一定要坐走廊位, 所以中間位被一位西洋女人坐了, 但那位女人非常唔識做, 每次我去斟水或去廁水, 佢都唔跟住, 到我坐低之後, 就要求要出去, 有次想我唔使起身, 自行想辦法出去, 但佢既身軀實在太大, 根本無可能, 所以, 12個鐘的機程, 無瞓過, 攰死了, 真想發牌氣.

零晨5點幾到了Heathrow airport, 有3個鐘時間才轉機, 閒逛duty free shop, 發覺Marc Jacob 出咗X’Mas box set. 即刻send sms 比細妹, 因為佢同家姐都鍾意MJ; 3個鐘都幾難捱, 尤其係無得瞓.

終於上了去Warsaw的機了, 坐低無幾耐, 即刻瞓著, 但空姐派餐嗰時, 被嘈醒, 總共都瞓唔到45分鐘……

Around 11:30, 到了Warsaw, 搭車出town center, 唔識落車, 好彩有個男人提我哋落車; 去中央火車站開火車証, 排長龍, 差不多排了半個鐘, 輪到我哋嗰時, 突然猛流眼水及鼻水, 而我個fd 無諗住開口問, 我惟有一路抺眼及鼻, 一路問staff 嘢, 我諗當時個staff 好奇怪點解e個人會一路喊一路問問題.

搞點後, 要等到15:05才有火車搭去Krakow, 預計到達時間為18:00, 在火車上睡了一陣, 醒來才不過16:30, 但發覺天已全黑了, 真快日落呢!

由於天黑, 搵路去hostel都有問題, 幸好有商場的管理員指路, settle down 已經過了19:00, 咁就無咗一日, 求其係food court 搞點晚餐, 返hostel 沖涼瞓覺, 因為實在太攰了!