農曆新年話咁快已經過了4 日, 快樂的日子真是容易過呢!

年三十晚
去了行年宵, 只不過是下午五點幾, 點解都咁多人架……

初一
家姐和細舅父2家人來拜年, 由於我屋企細小, 8個大人+2個小朋友屈係個客廳度, 寸步難行, 但都玩得好開心, 可惜忘記影相!

初二
在朗豪坊買cake去家姐家拜年, 三姜師傅crossover 其他人design 的獅頭.

入林村, 許願樹有好多人, 今年設置有好多比小朋友玩的攤位, 不過, 好貴, 吹氣彈床要$20, 只可玩3分鐘.  跟住同個林村既fd拜年順便借廁所, 家姐個女逗到既利是比我還多呢.

初三
入馬灣拜年, 抱起7個月的bb, 感覺很迷你, bb 好得意; 跟住朋友教了我影鬱金香, 可惜, 未如理想, 要再練練!

第一次過咁充實的新年 ^_^

農曆新年臨近, 總想買新既衫褲鞋襪嚟迎接, 今年郤多了幾樣嘢想買, 例如: 五月天同Muse既cd, lens……

可惜, 錢沒有多到, 只可以抽其中一, 二嚟買, 很難決定呢!

噚晚右手打開櫃門, 不小心甩手, 左手縮唔切, 食指被夾住, 很痛, 以為過一陣會沒事, 點知, 手指越嚟越紅, 細妹建議用冰敷, 好咗少少, 以為瞓醒會沒事.

今朝起身, 依然很痛, 練琴時只可勉強練習少少; 返到公司, 發覺手指黑咗, 以為污糟, 博命洗手, 點知沒變, 先知道手指開始變瘀.

點解次次都會係左手食指遭殃, 記得幾年前, 唔小心cut 到佢, 搞到幾日練唔到琴, 今次又嚟一次, 至衰既係, 今個星期要練習既曲目我還未應付到, 星期日點去上堂呀!

眼見噚晚老細遂個同事叫入meeting room, 原來傾計之外, 仲發放一年一次bonus, 作為一個freelancer的我, 當然沒有此福利啦; 我相信很多人在這個情況下, 都會羡慕其他同事, 但我郤連沒半點兒也沒有, 隨心工作, 總好過被人牽着鼻子走, 唔知e d算不算藝術家性格呢! XD

無意中在 YouTube 首頁中發現成立了一個樂團, 現正招募團員, 看了第一小提琴既譜, 講真, 不難, 但我現今郤欠一份勇氣, 很高興YouTube提供了一個渠道比音樂人, 令我有機會見識其他人的技術!

 http://hk.youtube.com/symphonyhk

e期居然會同時追看幾套劇集:
- Heroes (Season 3)
- Triangle
- Love shuffle

第一套是美劇, 到了season 3, 仍相當吸引.

另外2套是今季日劇, Triangle 懸疑片, Love shuffle 睇劇名已知同愛情有關.

3套都各有吸引力, 好耐都無試過同時追幾套了!

年近歲晚, 每年這個時候都會強迫自己執屋, 用以提醒自己已經擁有很多無謂的東西, 不要再花錢再買; 但要清潔現有的雜物, 都花了很多時間, 兼令到雙手酸軟, 疼痛……

唉, 不可以再買無謂嘢了, 但仍想買衫褲鞋襪呢

2006年年尾, 公司比錢去韓國滑雪, 為咗能一去到就開始滑雪, 成班人去北角上堂學ski, 還記得學既時候, 還未對此運動產生興趣; 直到實戰後才開始喜愛!

這2年幾裏, 一直再沒有ski 的機會, 在facebook 看見朋友玩snowboard, 很想學, 朋友邀請農曆新年期間一齊去韓國滑, 可惜無假, 很高興這位很久沒見的朋友邀請, 年尾我實會找你, 看看能否跟你學習snowboard呢! ^^

記得還是十幾歲已擁有第1部2手既單反, 全manual, 只懂得用基本的operation, 加上身邊沒有朋友對攝影有興趣, 漸漸凋淡, 搬屋後更遺失了……

早幾年開始, DC流行, 多了人影相, 近年, 身邊漸漸很多朋友轉玩單反, 令我重拾當日的興趣, 上星期四(8 Jan)決定買了Canon 450D, 齋body, $4380, 暫借用同事支kit 鏡, 玩熟後才決定買邊支鏡頭.

買後, 即在飯宴影了第一張相.

1月11日, 約了朋友試機, 早上馬灣, 晏晝赤柱, 晚上尖沙咀碼頭, 好耐都無試過一日去咁多地方, 但完全唔覺攰, 只覺力不從心, 仍需要努力練習.

各位朋友, 歡迎約我一齊去影相, 我要多多練習同埋多多指教!

PS. 感謝同事Donald無限期借出的kit 鏡和幫我試機; Felix 昨天全日的相陪, 教導及借其他鏡給我試玩 ^_^

今日終於抽空搵番勁爆頒比家駒的殿堂歌手奬既video, 雖然這個奬只是錦上添花, 但十五年後仍有人尊重佢, 仍感開心.

香港歌手成日話係concert度d聽眾無反應, 從段片當中, e d歌手自己都係坐係張椅到, 仲想聽眾有反應, 是否痴人說夢話呢!

慶幸 MR 不是這郡歌手的一員, 亦慶幸我沒有欣賞錯誤這隊樂隊!