個個星期六教琴都由早教到晚, 難得今個復活節好多學生請假, 所以只是教上午; 返屋企放低個琴, 媽咪睇緊電視, 電視剛好播出Beyond 25th Anniversary CD 廣告, 記得上次睇是年初一, 夾埋今次, 睇過2 次, 相隔咁耐, 都仍可以睇到依個廣告, 很開心, 不過, 唔知係咪因為我未買, 所以提提我呢?

復活節的第一天, 去咗大尾篤bbq, 2 點去到, 已經好多人燒緊, 排隊比錢都要等成半個鐘, 真係慢, 搞得嚟, 都成3點先有得燒, 原本6點學琴, 惟有取消. 

未試過係大尾篤bbq, 嗰度原來仲有個海灘, 好多小朋友在那裏摸蠔, 捉蟹, 由於乜都無帶, 只可以旁觀呢!

最後都燒到6點幾先走, 唔知點解, bbq後勁攰……

前晚本來睇緊 Kidnapped, 廣告時間轉去其他台睇吓, 點知係亞視本港台見到阿榮, 原來他客串了一個短劇, 分2日播放, 阿榮的演技有時覺得幾搞笑, 係無預期情況下見到my idol, 很高興呢!

一向都有收聽有耳喱民的節目, 尤其鍾意Leo的喪do男的環節, 不過, 現在這個環節已經沒有了, 換來是搵嘢嚟做, 最終Leo揀咗做紋身師傅, 而整個過程會紀錄在他的blog裏.

我在忙裏偷閒的時候, 看了他做紋身師傅的第一天既網誌, 他去了尖沙咀拜師, 那處原來去年4月時我亦都去過, 不過唔記得去幾樓了; 還記得那次就是為了買Let’s fight 既product, 等了成個鐘, 原因是間鋪遲了開門, 但上那條樓梯, 真的感到很溫馨, 因為貼滿了阿Paul同其他band 既poster, 那次, 還得到店員送的Let’s fight poster, 回想都覺得開心!

最近工作很忙, 假期有空都會上返公司server做嘢, 希望盡快完咗個project, 不想再被人監視/管束, 自問沒有試過deadline前交唔到貨, 最憎被人check 住哂.

噚日學琴, 練咗好耐既跳弓, 原以為可以過關, 點知比阿sir話到體無完膚, 差點想哭…….

近期為什麼樣樣事都不如意, 希望順境快d嚟啦!