好耐無寫blog, 這2個星期轉變很大, 首先2月14日離開了做咗2年既公司, 好唔捨得, 但真係想嘗試新嘢, 所以決定出外闖闖!

2月18日去了disney玩, 因為有位學生家長係嗰度做, 有得免費入去玩, 今次已經第二次了, 新年有special performance, 所以仍然覺得好玩.

2月19日返新工, 第一日返工, 覺得無乜嘢, 到收工時間, 個個同事仍未走, 自己走先.  第二朝返工, 同事提醒我, 原來老細唔鍾意人7點前放工, 最好就做到9點, 某d同事連星期日都會工作, 無補水之下, 要人咁工作, 我諗衹有現在的同事會咁做, 而我是時候再另謀發展了……

星期六係寒冬之下睇了魔法奇緣的首映, 事原老細識得電影公司的人, 所以拎到首映的戲票, 咁凍天時, 有想過唔睇, 但由於首映場是慈善性質, 最平的票都要$500, 依家雖然唔使錢, 但都唔好o徒咗d飛, 所以都係過了會展睇; 那晚見到數位二, 三線的明星, 估唔到佢哋同我坐既位置差不多.

魔法奇緣講述童話故事裏的公主被巫婆推落許願池, 嚟到現實世界, 王子為了救公主, 跟了來, 在現實世界裏, 2人搞出許多笑話, 例如王子當巴士係怪物, 公主攞窗簾布嚟做衫, 成個場充滿了笑聲, 農曆年睇這套電影, 適合不過, 想有過開心的新年, 記得睇呀!