晴

由於今日是星期日, 歐洲很多商鋪會關門, 所以plan咗今日既行程會在城堡區和小區, 而我選擇以步行, 因為只有這樣, 才可以更加深入認識布拉格.

一早, 太陽伯伯已經打招呼, 諗住有太陽照射, 會非常溫暖, 所以無著羽絨, 這個想法, 令我整日都後悔……

9時起行, 看地圖, 中央火車站與Florenc巴士站距離不遠, 於是選擇步行過去購買明天往溫泉鎮的巴士票, 雖然不遠, 但沿路與行地盤沒有分別, 凹凸不平, 一來一回, 已經11時了, 趕快行去城堡區, 因為12時有衞兵交接儀式, 當然不能錯過. 

到逹城堡, 已經有一堆堆的人潮正在等待, 快手霸了個有利位置, 但太大風兼且只得幾度, 著不夠衫的我, 不斷打顫抖, 當時很懷念apartment件羽絨呢.

第一次看衞兵交接儀式, 感覺很新鮮, 每個衞兵都企得很直, 替他們辛苦呢……

布拉格很多教堂都不准進入, 難得Katedrála sv. Víta教堂對外開放, 兼且登上教堂頂亦都是免費, 所以很多人排隊.  登上頂層, 需要步行287階, 仲要每階都是旋轉樓梯(有圖為證), 很辛苦, 但辛苦換來的是美景, 很值得啊!

走出教堂, 實在抵受不住冷風, 拉埋個friend入一間coffee shop 飲熱朱古力, 之後繼續行往小區.

小區最出名的是Petrin Tower, 據說是巴黎鐵塔的複製品, 可付費登塔頂, 但由於今天步行實在太多, 所以我們放棄了.

由小區返回Kampa Island, 已經是黃昏時候, 沖沖影了幾張相片就走, 因為我實在抵受不住寒風, 這日還算充實呢!

晴

下車站: Praha hl.n.

今日將會到布拉格, 由於為免搬運行李的煩惱, 所以選擇將布拉格定為中間站, 其後的七天, 將會住在此.

由於前幾天已睇中七彩筆, 所以今朝10點等商鋪開門, 立即掃貨, 總共買了12枝, 根據幾天的格價, 發覺Telč買的七彩筆最便宜, 可惜當時沒有把握機會, 其次是Ceske Budejovice.

網上的人推薦搭巴士, 但我選擇乘火車回布拉格, 因為我不能忍受幾個鐘的車程而沒有廁所可上, 到逹布拉格已是下午.

出火車站, 拖住行李搵我之前book咗既apartment, 不需要五分鐘, 已來到apartment位置的街上, 但搵極都搵唔到門牌, 幸好, 原來apartment的負責人早己企在街上等待, 主動問我們是否book咗他們的房.  之後, 他帶我們到apartment, 在一樓, 沒有電梯可乘, 要拎著沉重的行李, 都算是一件苦差.

這間apartment非常大, 每人每晚只需港幣230元, 近火車站及各大景點, 所以覺得物超所值.

放下行李, 第一時間, 將相機電放入雪櫃, 希望明天拎出來再差會好番.  今天, 惟有用另一”舊”電”就”住影.

根據以往遊歐洲的經驗, 很多商鋪在星期六和日關門, 所以, 我們第一時間搵超市入貨, 免得缺糧缺水.

我發覺我是一個非常大意的人, 在一個好似便利店的store買完後, 一踏出鋪頭, 就發覺左手邊有一間很大的超市, 激死!

回程諗住行返原路回apartment, 我個friend話其實另一條街亦應該可通往, 所以跟佢行, 點知行了很久, 亦找不到, 經過 Marriott hotel, 於是我學amacing race裏面d參賽者咁, 走入去問路, 那位reception的女仔, 很nice, 還給了一張地圖給我們, 其後的幾天, 我都是用那一張地圖, 因為那張地圖將我需要的都列了出來.

搞完一輪, 已經黃昏, 要快步往Vaclavske namesti, 因為我想影黃昏相呀!
最終, 只能捕捉入黑的瓦次拉夫新城廣場!

晴

下車站: Ceský Krumlov, Špicák

下車後過天橋, 很快就可以到逹彩繪塔.

彩繪塔就是這個鎮的象徵, 遊客可以付費登上這座塔上遠眺整個小鎮的風光, 當然, 我們亦有登上這座塔觀看.

這個鎮其實很細, 大半天時間就可以逛完, 由於只得幾度, 所以連划艇的活動也沒有.

這裏的遊客明顯比之前遊覽的小鎮多, 所以, 感覺有點美中不足!

晴

今日早上出發到Hluboka Castle, 這個鹿頭陣城堡, 非常罕見, 所以一定要見識吓, 城堡位於山上, 步行上山尚算輕鬆.

到逹後, 發覺相機電有問題, 不能拍照, 所以只有friend影, 無癮! 當癮起時, 問friend無佢部相機影咗幾張……

 原定乘搭中午12時的巴士回Ceske Budejovice (CB), 再轉車到Jindrichuv Hradec (JH), 但等了又等, 看不見巴士的蹤影, 終於等了一個半小時, 巴士才來, 回到CB, 已經是下午2時, 由於JH是小鎮, 來往的巴士只得一、二班, 錯過了, 只能留在CB.

CB的information center 有2台電腦給遊客免費上網, 於是立即msn搵friend問相機電的解決方法, 由於時差關係, d friend都無online, 惟有send email, 叫他們send 番sms比我.

最終, d friend比咗幾個方法我, 我全部都用了.
1. 用火酒抺相機和相機電的接觸位
2. 將相機電放在冰格雪一晚, 之後再差番
3. 用刀片括相機電鐵的部份
第二個方法要去到布拉格的apartment先有雪櫃試.

太陽還未落山, 而friend要回覆email, 所以問佢借了部相機影了CB既市廣場, 當然不會錯過黃昏影相的好時機, 黃昏的CB, 比朝早更美!

陰天, 間中有太陽

還記得上年X’Mas去韓國, 當地只得-5度, 一件羽絨加一件短袖tee已足夠, 捷克的十月, 比我想像中更冷, 相同既裝束, 令我不斷打冷震……

Telč一個寧靜的小鎮, 物價與其他城市相比, 自然低人一截.
這裏, 風光如畫, 只得這點, 已經可以消磨整天, 可惜, 當天湖水非常混濁, 攝不到靚相.

由於是小鎮, 接駁交通亦非常疏落, 兼且早收, 所以下午4時已經要打道回府.

晴

搭了十幾個鐘頭既飛機, 大約中午十二時抵達布拉格機場, 捷克入境非常簡單, 連入境紙都不用填寫, 原定13:30之後才可以離開機場, 誰知12:45已經可以離開機場, 買了20kc既車票搭出市區.

第一次搭捷克既巴士同地鐵, 非常緊張, 因為網上多人提及這裏的公共交通工具有很多扒手出現, 幸好, 没有遇上!

到逹布拉格中央車站, 立即找information center訽問下班往Ceske Budejovice的火車時間, 但那位staff郤非常不友善, 由於捷克文”Ceske Budejovice”我不會讀, 惟有寫紙條給她看, 誰知她很兇的回答:”Which city? I can’t see.”, 天呀, 若我曉得怎樣讀, 還需要寫紙條嗎.  那位staff始終不肯看我寫的紙條, 於是我和我的朋友惟有找途人幫助, 幸得一位好心的老婆婆幫忙, 否則連在那裏買車票也不知道, 很後悔没有攝下那位staff的樣貌, 讓人認清楚她!

原定的直逹列車改為轉巴士再轉另一輛火車, 兼且轉車時間只有1, 2分鐘, 人生路不熟之下, 很害怕搭不上接駁的交通工具, 幸得火車上的staff和乘客既幫助, 終於在大約17:30到逹”Ceske Budejovice”這個小鎮.

Settle down 之後, 走去搵嘢食, 第一日就這樣過了.

其後的4日, 都會在這小鎮上居住.

返咗嚟差不多2個星期了, 但一直忙於工作上, 依家會好努力update番之前發生過既事同埋個遊記.

阿Paul係奧海城個攝展, 我只有10月8號一日係香港, 所以就算再忙, 都要抽空出席.

到逹時間大約18:30, 參選人數寥寥可數, 和上次一樣, 欣賞之餘, 亦盡了一點綿力……