心內心外
(http://blog.hellokitty.com/edon)
過去與今天的一齊

Archive for August, 2007

買咗喇!

Friday, August 24th, 2007

家強終於推出新碟, 傳聞23號會出, 為咗避免好似上次買阿Paul隻碟咁, 今次遲一日先去買, 好彩噚日無去, 因為隻碟今日先出, 仲要食lunch去買, 批碟啱啱運到, 真係好彩.

返到公司想即刻聽, 但發覺家強原來上咗港台宣傳緊, 緊係聽咗radio先啦, 留番遲d先聽隻碟.

PS. 首批附送由家強設計既結他pick.

十年的朋友

Friday, August 24th, 2007

噚晚同班T.I既friend 食飯, 不經不覺, 原來識咗十年, 依十年裏面, 各人都無乜點變, 莫非個個都注顏有術?!

其中一位人兄, 十年裏面完全無轉過工, 最近接受咗肥鷄餐, 在眾人的推波助瀾下, 請咗我哋食甜品, 多謝老鼠.  另外, 估唔到噚晚都仲有人請我食台慶飯, 熊貓多謝哂!

攝足孟加拉 黃貫中想哭

Thursday, August 16th, 2007

之前係yahoo blog睇到阿Paul跟無國界醫生去咗孟加拉, 已經想喊, 今日蘋果日報, 阿Paul親自撰文, 講得更仔細, 未睇到一半, 眼淚已經不聽使喚, 多謝阿Paul, 將世界真實既一面, 帶給我們這群身在福中不知福的人……

攝足孟加拉  黃貫中想哭

Simpsons

Monday, August 13th, 2007

噚日睇咗Simpsons啦, 由於睇開電視都係英文版, 所以要揀番間有得做英文既嚟睇, 估唔到英文版得好少戲院有得做, 最後去咗AMC又一城, 好多西人一齊睇, 氣氛好好, 加埋套戲有劇情兼好好笑, 抵睇!

依家睇戲要求3D, 甚至4D, 又要電腦特別effect, Simpsons堅持2D, 覺得比好多 3D moive 好睇, 其實劇情最重要, 無劇情乜都唔好睇.

台慶日

Saturday, August 11th, 2007

星期六係台慶日, 由於前一日香港掛八號風球, 搞到成日都天陰陰兼下雨, 朝早到晏晝如常去教琴, 學生如常無練琴, 勞氣! 終於到咗五點有番私人時間, 約咗阿慧去老趙食嘢, 好多年前去過, 到依家d食物水準無變, 好好味.  跟住落海港城行街, 商場好多人, 想入Tommy Hilfiger睇, 都要排隊, 若得我自己, 我一定唔排, 但阿慧想買耳環, 所以只好乖乖排隊. 最後去埋麻布茶房食甜品, 我哋2人各自叫咗不夠$50既甜品, 但埋單, 個waitress話多謝$2xx, 我以為聽錯, 叫佢比張單嚟睇, 原來個waitress張另一枱既單比咗我哋, 咁都得?

台慶日咁就過咗, 都幾無謂!

PS. 多謝阿慧的晚餐, 熊貓和Fonia的SMS.

台慶午飯

Wednesday, August 8th, 2007

今日同事請食飯, 我提議去朗豪坊, 因為依家朗豪坊有個Simpson 活動, 可以得到Simpon 禮物, 但要消費滿$200.

最後去咗粵江春, 7個人都無乜點食嘢, 埋單$503, 有d貴, 可以拋東甩圈12次, 原來勁難, 一個都唔中, 但都有扇作為安慰奬, 原本我鍾意Bart嗰把, 即係圖中第三把(由左數起), 但嗰個staff 比咗2把(圖中第一把)相同既我, 我問佢有冇得唔同款, “無”, 我問佢有冇得只係換Bart嗰把, “無”, 真失望……

Anyway, 多謝哂各位同事!

台慶週

Monday, August 6th, 2007

啱啱過咗既週末好繁忙, 星期六教完琴, 要去friend 嗰度攞嘢, 咁就一日, 星期日要返Polyu幫家姐買notebook, 搞得嚟, 又無咗一日.
今朝先有時間係公司check 番email, 其中一封令我睇完之後, 覺得非常開心, 感動.

今年剛好與你相識10年, 10年裏面, 除咗頭一、兩年有互送生日禮物之外, 之後都無, 甚至連一句生日快樂都欠奉.  去年年底, 你決定辭去大公司既工作, 去澳洲遊玩兼做散工一年, 仲估唔到, 係遠方既你, 會係今年最早的一個同我講生日快樂, 睇到你封email, 覺得比收任何禮物更開心、珍貴……

P.S. 到依家都唔知Cairns係邊度嚟

你封email 提醒咗我, 我的台慶週又來了.

無國界

Monday, August 6th, 2007

阿Paul與無國界醫生一齊去咗孟加拉, 而他會係blog度分享整個旅程, 各位留意啦.