心內心外
(http://blog.hellokitty.com/edon)
過去與今天的一齊

Archive for July, 2007

電影週末

Monday, July 30th, 2007

啱啱過去的週未, 破咗我自己睇電影的紀錄, 星期六同日分別睇咗2套卡通片”五星級大鼠”同埋”Keroro 軍曹大電影2:決戰水著兵團”, 仲要2套都有免費飛, 唔使錢, hee hee.

首先星期六睇”五星級大鼠”既首映, 咁大個人, 第一次睇首映, 原來首映場有好多嘢送, 送爆谷, 裝爆谷嗰個膠筒都好靚, 但無帶大袋, 攞唔到走, 另外還有汔水同埋杯, 扇, 電話繩, 全部都有”味王”既踪影, 睇完後, 我覺得羅拔神奇家族好睇d, 不過第一次睇首映, 又加多d分落去.  首映分咗2場: 7:15 同埋9:30, 我睇7:15 嗰場, 出嚟見到梁漢文, Ana.R, 同埋唐寧, 原來唐寧比我矮……
               

噚日去埋AMC又一城睇Keroro, 因為得嗰間有日文版, 未入場前, 見到AMC set 咗Simpson個backdrop, 當然要幫佢哋成家影番張相先啦. 

Keroro大電影2比1好睇同好笑, 更發現了Kururu小時候是藍色的. 事綠Keroro亂按K隆球d 掣, 入咗K隆球裏面, 為了能出返嚟, 應承Kururu一世請佢食咖哩飯以作為救佢既條件. 出返嚟之後, Keroro用K隆球變咗碟咖哩飯出嚟, 唔知點解, 碟咖哩飯越嚟越大碟, 搞到Kurur浸咗係碟咖哩裏面, 最後被咖哩染到變咗黃色, 哈哈!

預告片, 啱啱就係播Simpson, 只是睇trailer, 已經覺得好好睇, 期待中!

我在存在 - 國語進口版

Friday, July 27th, 2007

一直只聞樓梯聲, 終於噚日買到喇, 講緊既梗係阿Paul既首張國語碟 - “我在存在”, 由扶手電梯上信和一樓, 已看到阿Paul這張專輯既poster, 幾乎有成個人咁高.

這張專輯, 可見阿Paul擺咗好多心機落去, 歌詞集裏包含咗好多阿Paul既感受, 只是看了那些文字, 已令我非常感動, 就算等咗咁多, 都值得的. 最令我感動的一段, 在此分享.

“我真的希望快點可以在現場, 在你面前為你唱歌, 為你彈吉他, 這會是快樂的事情!  我知道搖滾的路不好走, 但還是會走下去! 因為我早知道這是一條不歸路! 但我不孤獨, 因為我知道還有很多像你, 像我一樣的”人”在. 是音樂! 是你! 令我在存在.”

有誰共鳴

Wednesday, July 25th, 2007

商台朝早有個節目叫”有誰共鳴”, 每日會請一位嘉賓分享佢哋鍾意既歌, 令聽眾引起共鳴.

噚朝節目請了文字工作者陳慧, 原來佢係90年代係商台做過, 佢話:

若有回憶錄, 商台佔了一個很大既chapter, 而係依個chapter 裏面分章節, 家駒係一個好緊要既章節.  若果只能提幾件事, “八九民運”, “峰煙節目” (因為由佢開始), 然後跟住就係家駒, 雖然有好多其他嘢都好重要, 但係家駒既紅, 大家對Beyond既接受, 到家駒既離去, 成個過程, 都在電台工作歲月裏發生, 不需要細講, 家駒係我心目中就如佢係好多人心目中既感覺, 地位一樣.

佢揀咗”情人”依首歌.

好多時聽依個節目, 能引起我共鳴既, 只有係Beyond 既歌, 但今次不單首歌, 連嘉賓所講既嘢都引起咗我共鳴.

書展

Monday, July 23rd, 2007

書展都搞咗好多年, 但一次都未去過, 今年個friend 有贈券, 咁啱又想買旅遊書, 所以星期六下午去了一趙.

估唔到書展吸引力咁大, 咁多人, 水洩不通, 仲要好多人都拖埋個行李篋去, 好似d書唔使錢咁. 係旅遊書嗰個section度, d書堆到成個書山咁, 只係見到好多東京, 首爾, 北海道, 曼谷, 上海, 深圳旅遊書, 証明香港人都喜歡亞洲遊, 要搵其他地區既書, 尤如大海撈針, 幾經辛苦, 終於皇天不負有心人, 比我買到一本關於中歐既書, 但同其他人比, 簡直蚊比同牛比.

“總有一天我們會重組的”

Tuesday, July 17th, 2007

上網睇到一段news, 世榮講咗依句話, 期待這一日的來臨……