之前同阿Ying提過想睇飄流教室, 噚晚阿Ying攞咗比我, 今朝開隻dvd嚟睇, 發覺除咗有飄流教室, 仲有木村做既Hero special版, 好開心, 因為依個special 版想睇好耐, 而我無同阿Ying講過, 佢都知我心意, 哈哈.

提到Hero special, 令我諗起, 其實好耐之前已同另外一個朋友提過想睇, 這位朋友答應幫我搵, 但到依家一直石浸大海, 其實佢仲應承過其他嘢, 有d甚至係佢自己提出, 但無一樣實現過.

我一直以為同這位朋友好friend, 因為這位朋友經常搵我傾計, 但從這些瑣碎事就發覺, 原來我同佢既交情仲不及同普通朋友阿Ying, 可能由始至終, 這位朋友只不過當我係水泡, 有事先搵我, 又或者係我一廂情願將佢當成好friend既朋友, 慶幸的是從今日起, 我知道這位朋友原來只屬於泛泛之交.