今日無意睇到依個web page, 個名”我們的天空”, 看似沒有特別, 但繼續睇落去, 發覺係一班Beyond Fans為咗家駒而作咗依首歌, 好感動, 試問有邊位歌手既fans可以作番首歌嚟答謝……

順帶一提, 唱依首歌既人, 把聲勁似家駒.

http://www.6rooms.com/watch/6057.html

噚晚睇番2月14日錄起既問題娛樂圈, 嘉賓之一係阿Paul, 發覺阿Paul好勁, 點解? 因為我條條都唔識答, 反而阿Paul就答中好多題, 你話勁唔勁, 雖然阿Paul最後輸咗, 因為現場觀眾都偏幫家燕姐, 但阿Paul, 你好叻呀!

今日要幫2個學生去通利買考試琴書, 點知沽清, 個店員幫我打電話去其他分店問, 答案都係一樣, 突然間本考試書又會咁好買, 打亂咗我教既schedule, 冇辦法, 惟有留名book 定2本書, 有嗰時個店員話會通知我, 希望下星期六有啦!

跟住落咗銅鑼灣Regal Hotel 食tea buffet, 因為個friend比咗張coupon, 2位同行, 1位免費, 但嗰度d嘢食得好少款, 若唔係有coupon, 我都唔會幫襯,  埋單總共 $151.8, 以食物質數嚟講, 唔係咁抵, 若間酒店想有人光顧, 應該從食物質數著手.

今日教琴, 個學生非常唔聽話, 叫咗幾個星期背2個scales, 點知今個星期依然未背, 正在好勞氣咁話佢嗰時, 突然傳來家駒既歌聲: “今天我, 寒夜裏看雪飄過….”, 雖然明知係附近有人播緊海闊天空, 但仍然諗係咪家駒叫我唔好咁勞氣呢, 果然聽到依隻歌, 氣都消了!

噚晚細妹係東京旅遊完返來, 托佢買隻Smap舊年出既CD, 今日終於係我手上面, 期待咗好耐, 唔知d歌好唔好聽呢!  其他手信, 遲d影咗相先post上嚟.

今日要幫各方好友解決問題, 為了防止漏咗其中一個item, 都係記低好d:

• 幫朋友打去hosting 公司攞番login information, 打咗, 不過當中過程複雜, 仍未能得到login information, 要再跟進.
• 話番比friend聽邊d鞋鋪有減價, 依個task 最易, 所以梗係做咗啦.
• 要幫個friend打比另外個friend 留Janice演唱會飛, 依個task 較麻煩, 因為要搭上搭, 不過應該無問題既.
• 要幫friend買USB cable.

一日裏面幫人做咁多嘢, 咁有乜嘢係為我自己做既呢!