今日整日都充滿了Beyond的氣息:

• 一早, 有誰共鳴節目就播了”真的愛你”
• 返到公司, 收到阿Paul完成咗隻國語碟, 同成班工作人員去嘉年華玩, 仲嬴咗隻大公仔的消息
• 瘋show快活人節目播咗”海闊天空”
• 都市閒情節目裏面, 家強帶埋佢隻金毛尋回犬上去

你話係咪整日都是Beyond…..

今日有2個學生cancel 咗lesson, 所以有空餘時間, 諗住係農曆新年前剪頭髮, 但又唔知點剪好, 正當預豫不決時, 個friend 打嚟, 佢帶我去咗佢平時剪開嗰間.

入到去, 好多人排隊, 等咗好耐先輪到, 髮型師問點剪, 我完全無頭緒, 所以由髮型師發板,  剪緊嗰時, 都好擔心, 因為有d都剪到好短, 剪完後, 完全不敢相信, 因為成個髮型改變咗, 第一次留”蔭”, 不過, 出嚟効果唔錯, 但我驚自己keep 唔到依個型……

果然實現咗我既願望, 新年新型象!

終於追埋交響情人夢既結局, 估唔到結局用嗰首Beethoven - Symphony No. 7 會感動到我, 睇到一班musician為咗最後一場concert而付出100%既努力, 令我記得番這份曾經有過的感覺……

睇完這套劇,我終於明白點解我鍾意拉琴, 當拉琴嗰時, 可以將所有煩惱拋之腦後, 唔使諗其他事, 專心演繹, 原來我就係喜歡依種感覺, 一套劇可以recall番久違了既感覺, 值得推薦, 不過我諗唔係個個人都啱胃口.

噚晚放工, 未行到東京銀座, 已傳來熟識的結他旋律, 行到門口, 正播到:

無冕的身軀　忘我的思想　還有顯赫的破牆
誰也沖不開　誰也拋不低　誰要一生流離浪蕩……

一首咁舊既歌, 依然有商場播放, Beyond 始終係Beyond, 無人可以取代.

今日睇咗第二集, 今集主要focus係Beethoven既Violin sonata no.5 in F major - Op 24 ‘Spring’, 唔知我可唔可以拉得好呢……

噚日睇咗交響情人夢第一集, 好羡慕日本有間專修讀music既大學, 裏面學生可以隨處練習, 場面令我諗起有d似演藝, 不過演藝細好多好多倍.  若果對古典音樂不太熟識的朋友, 我誠意推薦這套劇, 因為劇中所揀選既曲目, 都比較容易接受.

而第一集後令我最印象深刻既係Mozart - Sonata in D for 2 pianos, 本來想upload 依首歌, 可惜sanrio 限咗file size.

噚晚睇”Engine”, 劇中小明同次郎講:”我哋(小朋友)只係期待大人能夠守信用, 兌現所講過承諾.”.  原來我同小明一樣, 每次當有人對我作出承諾時, 我都會係度期待, 但好多時, 都是無止境的在等待……

點解人要信口開河? 為什麼要比希望其他人呢? 可幸的是我是一個會兌現的人, 而我亦正在學緊將人哋比我既承諾當作為耳邊風, 冇希望就等於冇失望, right?

係尋晚既Roadshow 至尊頒獎典禮裏面, 阿Paul攞咗2個奬:

1. Roadshow 至尊歌曲 - 阿博二世
2.  Roadshow 至尊創作歌手

係攞至尊創作歌手嗰時, 阿Paul講咗幾句:

“我要多謝我既歌迷, 佢哋唔會拎嗰d咁既牌既, 但係我知佢哋係度….” (因為現場有其他歌手既歌迷攞牌)

聽完覺得好感動!  阿Paul, 新一年比心機呀, 期待再次超越……

話咁快又過咗一年, 我唔會好似其他人咁回顧過往一年所做過既嘢, 亦都唔期望嚟緊依一年會做到d乜嘢, 雖然好似好無大志, 但費事回顧時, 發覺做唔到, 令自己唔開心啦.  

用 “New Year’s Day”做title, 係因為阿Paul係一個除夕派對上唱咗依首歌, 又幾貼題, 你是否認同呢?

By the way, 以下係阿Paul出席該派對的一些照片, 好型, 所以擺咗係度.