尋日買定今日出首爾既車飛, 今日可以出首爾啦. 冇咗尋日一日, 今日行程好緊密, 要行快d先得.

首站去東大門, d衫都幾好, 可惜冇得試, 唔買, 費事著落身之後, 唔啱心水. 見到街邊好多小食買, 求其買2串, 其中1串係肉丸, 另1串係薯條包住條腸, d薯條仲係脆,好味.

下一站去明洞, 行錯路, 但比我哋發現Fiorucci, 依度買d嘢同香港好唔同, d衫好靚, 但好貴, 買唔落手, 最後我哋決定買個布袋同禮物boxset 比大家姐, 佢肯定開心到死.

跟住, 想去 the Amore 買Laneige, 跟住地圖, 但搵極都搵唔到, 問人, d人睇都唔睇就推開, 韓國人真係無禮貌, 同德國人比簡直無得比, 最後都搵到, 嗰間d sales 好好人, 送好多sample, 比香港抵好多!

憑感覺, 由明洞行到去首爾火車站, 行啱咗, 真係覺得自己好勁, 途中經過南大門,有好多街邊小食, 可惜太飽, 食唔落, 時間緊迫, 只有15分鐘可以留係首爾火車站.

諗住搭5點嗰間巴士返渡假村, 點知去到已經5點2, 巴士走了, 惟有等8點嗰間.  知道附近有個teddy bear exhibition, 入去睇吓, 入場費要15000韓幣, 但物有所值.

10點3終於返到渡假村, 今日收穫豐富.