心內心外
(http://blog.hellokitty.com/edon)
過去與今天的一齊

Archive for December, 2006

旅遊過後

Thursday, December 28th, 2006

返到屋企, 已經係零晨40分, 用極快速度洗澡, 跟住瞓覺, 因為旅程嗰幾日都無覺好瞓.

原來台灣地震, 搞到有光纖斷咗, 咁怪得之打唔到電話返香港啦.

韓國, 若得我自己, 我諗我唔會再嚟, 四周環境極似大陸, 而d人又冇禮貌, 唔幫人不得止, 仲嫌你阻住佢哋, 同日本或德國人比, 簡直一個天一個地, 都唔明d人點解會揀去韓國.

韓國之旅 (五)

Wednesday, December 27th, 2006

今日走lu, 去到機場check-in, 架機delay咗, 諗住打電話通知屋企人, 打咗好多次都打唔到, 於是最後衝刺, 買手信比friend, 但最終都係搵唔到Missha, 幫唔到個friend買唇膏.

韓國之旅 (四)

Tuesday, December 26th, 2006

尋日買定今日出首爾既車飛, 今日可以出首爾啦. 冇咗尋日一日, 今日行程好緊密, 要行快d先得.

首站去東大門, d衫都幾好, 可惜冇得試, 唔買, 費事著落身之後, 唔啱心水. 見到街邊好多小食買, 求其買2串, 其中1串係肉丸, 另1串係薯條包住條腸, d薯條仲係脆,好味.

下一站去明洞, 行錯路, 但比我哋發現Fiorucci, 依度買d嘢同香港好唔同, d衫好靚, 但好貴, 買唔落手, 最後我哋決定買個布袋同禮物boxset 比大家姐, 佢肯定開心到死.

跟住, 想去 the Amore 買Laneige, 跟住地圖, 但搵極都搵唔到, 問人, d人睇都唔睇就推開, 韓國人真係無禮貌, 同德國人比簡直無得比, 最後都搵到, 嗰間d sales 好好人, 送好多sample, 比香港抵好多!

 

憑感覺, 由明洞行到去首爾火車站, 行啱咗, 真係覺得自己好勁, 途中經過南大門,有好多街邊小食, 可惜太飽, 食唔落, 時間緊迫, 只有15分鐘可以留係首爾火車站.

諗住搭5點嗰間巴士返渡假村, 點知去到已經5點2, 巴士走了, 惟有等8點嗰間.  知道附近有個teddy bear exhibition, 入去睇吓, 入場費要15000韓幣, 但物有所值.

10點3終於返到渡假村, 今日收穫豐富.

韓國之旅 (三)

Monday, December 25th, 2006

由於同行既人想滑雪, 所以得我同細妹會出首爾玩, 點知搭出去嗰架車fully book, 冇得出去, 細妹又唔想再滑雪, 惟有陪佢係渡假村周圍行.

依個渡假村係藍色生死戀之秋天的童話拍攝場地, 所以我哋搵番嗰d拍攝地點出嚟影相, 可惜好多積雪, 搞到有d地方去唔到.

 

韓國之旅 (二)

Sunday, December 24th, 2006

今日滑雪, 除了雪具, 仲租埋雪褸同雪褲; 雪褸裏面只係著咗件短袖T, 初頭都驚凍, 開始滑雪後, 就覺得依個決定明智, 因為真係好熱, even 只係著短袖T, 都汗流浹背!

還未熟習個場, 就比人拉咗上山.  坐滑雪吊車, 原來要找緊時機, 因為架吊車係唔停, 都幾好玩. 

上到山, 死啦, 望番落去, 好驚, 好彩, Bonnie同強陪我, 否則唔知點落山.  落到山, 發覺Evan比我更早落山, 佢應該睇住我細妹, 但不見我細妹踪影, 問佢之後, 原來佢丟低我細妹自己落咗山, 我又唔夠力扶我細妹, 就算我再上山, 都幫唔到佢, 最後用wakie takie 同細妹對話, 佢真係坐係山上面, 起唔到身, 最後阿輝同Kelvin知道, 立即上去救佢落嚟, 唔該哂!

玩完, 由於條褲係間房度, 要上去番房換褲先可以還, 仲要幫MM攞埋佢條褲同褸落嚟, 等佢換番, 咁啱Anita想上房洗澡, 同佢一齊上番房, 見到有人係度執緊房, 唔理, 換完走人, 點知搵唔到d行李, 問執房嗰個人, 佢用韓文同我唔知講乜東東, 入其餘2間房睇, 發覺佢哋d行李都唔見埋, 大劑, 係執房阿嬸間車度發覺有我哋d物品, 於是Anita叫我留係度唔好比嗰3個執房阿嬸同佢哋間車走, 佢落去理論.

其中1個阿嬸打電話唔知比邊個, 無幾耐, 多咗3個人上嚟, 1個人要攔3個人已經好難, 仲要走多3個人嚟, 圍住我一個, 雞同鴨講, 冇辦法, 我惟有係走廊大聲問”Can anyone speak english”, 點知d人打開門望吓, 眼住閉埋度門, 我未去過一個國家d人咁唔helpful, 嗰6個阿嬸越講d語氣越惡, 我諗佢哋縑我阻住佢哋, 咁大個人, 第一次叫天不應, 叫地不聞, 擾攘成半個鐘, 終於見到阿輝同Bonnie 上嚟, 救星到, 原來佢哋見我咁耐都未落去, 上嚟睇吓咩事, 跟住阿輝叫我落lobby, 等佢哋handle.

最後發覺原來間渡假村overbook, 我哋今晚無房, 解決方案係, 渡假村願意負責今晚平安夜晚餐 + 1晚鄰近五星級酒店 + 第二朝早餐同埋日常用品(因為比佢哋丟哂), 總算解決.

韓國之旅 (一)

Saturday, December 23rd, 2006

凌晨4點幾到逹仁川機場, 跟住搭車再轉車到鳳凰城渡假村, 全程夾埋都瞓唔到1個鐘, 好攰, 見到其他同行既人可以瞓得著, 真係羨慕!

Check-in後, 渡假村方面安排咗3間4人房, 由於得10個人, 所以我同細妹2個人住1間4人房, 好嘢, 想點就點, 可惜開心唔夠半個鐘, 因為Anita唔想同另外2個男仔同房, 問我哋介唔介意同佢and Kelvin一齊住 , 其實我想答介意, 但又唔好意思, 惟有答應, 做咗一件口不對心既事.

由於太攰, 放棄滑雪, 四周參觀算數, 見到好多小朋友都滑得好功勁, 犀利! 見到地下d雪好污糟, 同我上次係德國見, 相差好遠, 都係歐洲d雪靚d.

準備出發啦!

Friday, December 22nd, 2006

仲有15小時就開始5天韓國滑雪之旅, 希望今晚係架機能瞓到1個鐘, 否則, 一落機就即玩, 都唔知點頂呀………

 尋晚同個friend睇咗”Déjà vu”, 之前睇trailer, 都幾有睇頭, 點知睇完之後, 好多地方都唔明, 而且套戲拖得太長, 2個字 - 失望!

未能忘記?!

Monday, December 18th, 2006

今日係屋企無意睇到一篇新聞關於Paco講番對家駒的感覺, 已經過咗咁多年, 但斷斷續續仍然有人提起佢, 証明佢對大家既影響有幾深遠, 我深信even 大明星都未必可以影響到咁多人.

Paco﹕家駒離世令我終身遺憾﹗
其實樂隊才是我的靈魂,我一定要讓《頭條日報》的讀者知道,樂隊推動音樂文化、帶領潮流的重要性,在我過去的音樂歷史上,太極和Beyond是最有代表性的樂隊,雖然Beyond沒有接受正統的音樂訓練,但他們能憑感覺去彈奏音樂、表達內心世界﹔我記得當年曾苦心勸阻黃家駒到日本發展的理念,可惜最終未能成功﹔那次意外,令我失去一個天才橫溢的歌手,這絕對是我的終身遺憾。
多年來,在樂隊文化薰陶下,讓我明白樂隊的重要性,他們能帶出Rock & Roll的文化,任何音樂組合都需要樂隊的支持和襯托,在我來說,樂隊能夠推動音樂文化、帶領潮流,雖然深明此理,但同時我並不知道應怎樣才能推動中文歌曲的樂隊精神,過去多年,大家可見到我的音樂歷史上,太極和Beyond是最有代表性的樂隊。

跟Beyond合作是我的光榮

在此之前,我曾提及太極是從正統音樂訓練出來的樂隊,是整整齊齊的﹔而Beyond則是突破傳統、突破音樂創作的樂隊,我要大家知道,Beyond是從未受過任何正統音樂訓練的,他們一直憑感應去彈奏、去表達內心世界,以自己的意念去演繹,結果成功造就出今天的成就。

兩者比較下,雖然大家取向一致,但製作及創作的觀念卻有很大分別,大家覺得守規矩便能得到認同和接受,不過,是否好聽則留待歌迷自行決定,對我來說,亂來的音樂反而能顯示出生命的動力,Beyond就是這樣,所以我在所不惜都要跟Beyond合作,我覺得這次合作是一個光榮,更是我音樂歷史上最有代表性的一頁。

曾勸阻家駒到日發展

跟Beyond合作的三年裏,我們造就到很多如《海闊天空》的代表性作品,黃家駒的演繹方式有別任何一個歌手,無論在創作上或個人表現上,他絕對能獨當一面,而整體音樂方面,他能發揮出Rock & Roll的力量,讓一眾年青歌迷能宣洩心態、情懷﹔我記得在黃家駒到日本發展前,我曾在他的生日派對上苦心勸他說﹕「其實你再三考慮啦,因為一個以講廣東話的藝人,是很難在日本立足的。」基於當時他簽了日本經理人公司「Amuse」的關係,以為對方可以提供一個發展機會,但事實上,對方提供只是一個製作機會,雖然他們的製作水準是超乎香港能力範圍所限,但若然你不是以日文去表達,根本很難在日本立足。

作為他唱片公司的負責人,我苦心勸他不要浪費時間,盡力讓他明白當中的利弊,但同時我亦明白作為一個藝人,如果能在日本發展、製作是一個機會,所以他無論如何都去試﹔很可惜,那次意外,令我失去一個天才橫天溢的歌手,這是我終身遺憾,因為我無大力勸阻他到日本的意念,是我終身遺憾。

  

  

  

截錄: 頭條新聞

聖誕新年阿Paul行踪大披露

Friday, December 15th, 2006

作為阿Paul既fans, 點可以唔知佢既行踪呢, 今年聖誕同新年, 佢比較活躍, 以下是佢嚟緊3個星期既行踪… 

1. 「狂人電玩夜 Live Concert」
    日期: 2006年12月15日至17日
    地點:香港會議展覽中心

    12月15日 首晚: 三國無雙夜
    4th part 21:30 - Paul表演

    12月16日 次晚: Final Fantasy 夜
    4th part 21:30 - Paul表演

    12月17日 尾晚: 春麗之夜
    4th part 21:30 - Paul表演
2. 溫拿Love廣東道Street Party
    演出嘉賓:黃貫中
    (可惜要換領入場劵)
3. 2006-2007 Nokia跨年演唱會
    日期:2006年12月31日
    地點: 香港尖沙咀海運大廈露天停車場
    演出嘉賓: 黃貫中

Hello Kitty

Wednesday, December 13th, 2006

今日去7-11買嘢, 為咗換到Hello Kitty祝賀吊飾, 特登買多一條冰棒, 對於所得到既Hello Kitty是什麼款式, 沒有什麼期望, 點知比我攞到2個2007年新年特別版, hee hee, 運氣不錯.

hello_kitty_1.jpg