噚日係好朋友Kelvin的朋友, 恭喜哂!  能夠係一晚見返咁多舊朋友, 很開心呢!
是夜收到Michael從東京帶回來的手信, 多謝哂!

e包嘢勁辣, 我比我d fd 已較為食得辣, 但食咗幾粒已頂唔順.

e罐未飲, 正在冷凍中!

根據天文台的預測, 海高斯星期六最接近本港, 但個風暴咁90度行, 真係第一次見!

By the way, 星期六係識咗好耐的朋友Kelvin結婚, 若真的打風, 去唔去好呢…..

噚日下晝Red Bull係旺角行人天橋免費派發, 我攞咗一罐嚟試, 雖然冰凍, 但感覺好似飲緊藥水咁, 後尾行落地鐵站, 發現7仔買緊$15.9一罐, 咁貴! 原本想將剩下的丟掉, 即時飲盡了, 免得浪費嘛……

一位識咗好耐的K朋友結婚了，噚晚搵埋幾位舊同事出來派帖．上到酒樓，為咗唔想o徒時間逐道餸揀，所以點了一個６人套餐．

食到最後，待應問”不如e＋上埋壽包”，全枱人都好奇怪，一個普通既套餐為何會有壽包，跟住k朋友成勢再祝我生日快樂，上個月生日，一個月後居然被全枱人祝生日快樂，感覺都幾搞笑，多謝K朋友的這餐飯!

中秋節又到, 今年仍可以收到學生送的月餅, 非常開心呢, 多謝徐太!

生日又嚟喇, 多謝阿慧, 熊貓, 阿強, Bryan, Ian同Kelvin 記得我的生日.  You all are my best friend!

打8號風球呀, 原本好開心, 因為有一日假, 即刻同細妹走去奧海城睇Mummy早場, 見未夠鐘開場, 走去一期嗰邊行吓, 點知發覺原來D小輪停泊在此避風塘.

臨入場睇戲, 阿head打嚟要我standby係電腦旁做嘢, 我當然睇埋套戲先會咁做, 最後, 等到7點先可以開以做嘢, 仲要不斷比個sales 同阿head 電話轟炸, 放假仲衰過返工, 我第一次有寧願唔放假而返工的感覺!

星期六, 一如往常要入屯門教琴, 首先往屯門碼頭, 跟住再去錦輝, 然後回家放低D嘢, 再入珀麗灣睇舊老闆的BB, 之後再去沙灘陪家姐個女玩沙, 從未有過如此充實的一天.

星期日, 收多了一個學生, 她的家在漣山, 無諗過會如此隔涉, 地圖都show唔到巴士站位置, 惟有見步行步, 落車後, 四野無人, 只有憑直覺嚟行, 點知行錯路, 在烈日當空下行走, 滋味不好受, 幾經轉折, 去到學生屋企, 不過已經遲了15分鐘.  教完之後, 再出返葵芳學琴.

  2日來的不斷搭車, 令我覺得好疲倦, 可能因為係車度瞓唔著, 加上在酷熱警告下在街上行走, 真想快D有個長假期休息吓……

6月頭訂了家駒figure, 原本只想訂樂與怒的那款, 但為了能參加信用卡的積分抽獎, 所以訂了2款.

終於係8月1日攞到手了, 只想講, 唔捨得拆, E+ 2盒都係原封不動的放在家中一角, 要搵位安置呢!

由於好難影得好, 所以若想睇有關figure既相, 請到offical site.