係２月２１日果日見有ｄ時間原本係諗住去西貢嘅！點知攪攪吓ｄ濕碎嘢又晏咗，咁就同隻女去山頂玩啦！呢個公園我好細個果陣去過，因為果陣貓父王同貓王叔都有車，可以一家大細咁去玩！

果日我哋打的上山，原本都諗住上唔到架喇！因為星期日係封路架，不過位醒目司機都可以車到我哋上迥旋處！之後行咗少少路，就上到最頂個發射塔到！好大風呀！由最頂開始慢慢行返落公園，已經同細個果陣唔同晒樣lu！以前覺得條〔河仔〕好闊架，家陣變咗條坑lu！不過阿女有得跑，睇見都好開心！佢始終都係鍾意追ｄ金毛玩，人哋唔跑佢又唔跑，見到ｄ同佢差唔多size嘅就WOW人哋，俾佢激死！玩咗個零兩個鐘，見開始有ｄ雨咁就走嘞！不過都真係好開心！大嘅有得懷舊，細嘅有得跑，仲有北極熊有得影相！

見到有兩位〔龍友〕大叔，所以叫佢哋幫我哋影張相

好大風吹到傻，連阿咪都要帶返帽

就係呢個發射塔開始行返落去嘞

阿咪係呢個指南針到揀咗好耐

終於揀咗－向鯉魚門同金紫荊廣場出發

阿咪：大地在我腳下．．．

阿咪：做咩咁大風架？！吹到我咁有型

阿咪：喂傻狗黎追我吖！．．．女呀！人哋掛住個波唔追你呀！

滿足北極熊．．．．影相

自拍一家三口照

由於今晚樂Teen取消活動，所以得閒去攞返對結婚戒指，其實經過咗年幾時間左揀右揀最後係２月２７號已經買咗不過因為要刻名，所以要等！今日接咗佢哋返黎喇！！

老實講，大公司係有佢一套生存之道，就係．．．．用好靚嘅包裝同手工吸引你，但環保人士一定想殺死佢！！唔信你可以睇吓我哋對戒指有幾多包裝！！

先黎一個好靚面層包絹面嘅紙袋加絲帶

跟住送張出世紙俾你（連套），由於私隱關係，打咗格仔

再黎白色禮物出場

之後仲有一個好靚嘅盒（呢個主戒指盒係買唔買嘅考慮因素之一）

佢打開面層係仲有塊鏡嘅

再打開就係對戒指，而個底盤係可以用黎做戒指座放上祭壇

之後我再問佢攞咗個袋仔，方便打劍除咗可以放好佢

另外今日亦都度咗身做旗袍，好！！總算又做咗兩樣！！有進步！

今日收到七月新娘多多問我心情如何嘅貓！其實成日見我哋嘅都知〔都係咁啦〕〔攪enrollment咁之嘛〕〔加多個annual dinner囉〕！！所以除咗煩ｄ未攪嘅嘢都無咩緊張！！
好睇吓有ｄ咩做咗！咩未做先！？

教堂：等見神父，連彩排日期都有嘞
神父：未知，要等安排
歌詠：問緊，要拜託Amy
讀經：多謝Yoko
戒指：買咗Van Cleef等刻名，過幾日應該有得攞
酒席：訂咗，問咗佢話唔駛再俾訂
褂　：約咗２３號去度身
馬褂：未有，北極熊未動身
婚紗：有
男禮：有
晚裝：未睇啱！煩！！
男ｘ：未做！！唔知係咪堅持中山裝？！
女鞋：欠褂鞋
男鞋：有待研究
媽咪：一次過係BeQueen解決咗！爽呀！！
爸爸：佢話要做西裝，唔知租唔租埋禮服俾佢？
阿哥：係情願我哋買條GoreTex俾佢
阿咪：有婚紗，但未買晚裝
姊妹：約咗第二次，等．．．
兄弟：唔知！！河童想著到星戰咁！
餅卡：欠西餅
蛋糕：未揀款
帖　：要月尾前解決
禮物：無＄＄呀！！唔做呀！！！
相　：三輯都影晒嘞！等．．．．．！但未揀成長片段ｄ相
車　：book咗，送果支酒北極熊媽話好好飲

仲有ｄ咩未做呢？？唔該邊位係過去果幾年嫁咗嘅提呀我吖！！！

有！！！

花球：未定／未訂

上個星期六揀咗相嘞！今次無係高雄咁過份，亦都好快咁揀好相，之後仲有約咗河生河太加個細女去食炸豬扒！！

不過因為ｄ相個size細所以有ｄ唔太清楚，不過大家都睇住先啦！！

我哋影唔晒六條柱，得四條，呢條係第一條

呢條我由細見到大，好有感情架，不過以前係無呢條隧道架

呢條我細個一年都會見佢一兩次，因為爺爺好鍾意由呢到上山BBQ

淨係影我ｄ地方唔得嘅，都要影吓ｄ熊出沒地方先得

哈哈又係我要去嘅！以前讀design成日經過呢間花舖

呢條柱係最易搵果一條

呢條唔係柱，而係北極熊嘅生日禮物

唔覺唔覺咁就過咗一個月，記得果日下午易拎衝入黎要我即刻上網搵邊度倒塌，佢就即刻call政府部門！跟住我就開始安排人手同搵出臨時收容中心詳細地址！仲有係要話俾北極熊知我要出緊急果晚無街去，當然話得俾佢知即係我會買一送一啦！！哈哈！！佢第一個反應係去啦！幾點？跟住佢上網睇完ｄ文字都同我第一個反應一樣，塌牆之嘛！！我叫佢睇埋ｄ相，跟住係佢全公司震動，因為識佢嘅都知佢做邊行，所以佢ｄ同事個個都好支持佢早走去幫手！跟住我哋六點係HO出發去柴灣倉攞貨，由於人數唔少，而且又係冬天，真係一架車放唔晒，所以都叫多一架貨VAN！兩架車安全咁去到聖匠，我哋見到ｄ傳媒係見人就影，總知見我哋搬嘢佢就影，有ｄ角度．．．其實我都真係唔知佢影乜？？當然佢唔係影裙底，而係男同事佢低炒，女同事佢係正你前邊近距離影ｄ物資，雖然我唔得閒研究佢支鏡，但應該．．．．會out fo囉！！入到去有好多人係度，但佢哋都唔係最受害嘅災民，因為佢哋都係隔離果幾座嘅居民，有望返去自己屋企！！不過唔理佢哋住唔住同住幾耐，我哋都會派嘢俾佢哋先！而其他部門都一人有一張枱做唔同登記，不過因為佢哋係要係我哋到之前到，所以佢哋都做到七七八八，返而我哋就俾人圍！仲要係我哋手忙腳亂果陣，社處有位阿太不停埋黎搵嘢，而佢個look又似街坊多過官，攪到ｄ同事成日都同佢講〔太太有咩幫到你呀〕〔太太果邊排隊喎〕都唔知係佢瘀定我哋瘀？！

係一輪打衝鋒之後，我同北極熊都落咗去地下睇吓其他同事有咩要幫手，因為地下果班先係最受災嘅人！！佢哋係無得返屋企，有ｄ人仲要無埋親人！！落到去當然係有ｄ愁雲慘霧，好快咁就分別到邊ｄ係重災區，不過見有同事做緊，都唔特別埋去打攪佢哋，於是去咗一對夫婦身邊，男戶主好明顯係好攰，而女戶主不停飲泣，俾紙巾佢，佢話唔駛佢仲有，只係好攰！咁只好同佢講我係附近有事我可以搵我！之後同北極熊去咗一堆人身邊，佢哋好安靜咁排排坐，我哋問可唔可以同佢哋傾吓計，佢哋都好nice咁答我哋！最初我哋以為佢哋係一家人，因為有老有嫩，而小朋友同老人家關係好好，傾多陣先知佢哋係同一層嘅鄰居，但關係好好，事發時，正正係其中一位年青租戶發現問題，拍門叫婆婆及另一戶母女走，由於婆婆年紀大，仲慢慢攞手袋，所以走唔切，最後樓梯冧咗，青年同婆婆一齊係上面等消防救出黎，所以青年成位最後一位離開大廈嘅人！！係佢哋身上見到現今香港少有嘅鄰里關係，好感人，好溫情！

而母女亦好好彩，因為係媽媽拖住個女狂奔落樓之後兩秒，條樓梯冧咗，佢哋無事，只係咩財物都無晒，包括個女嘅書包同校服，媽媽為咁而煩，而我只可以同佢講〔可以聽日聯絡學校先，或者可以俾佢返住學先，遲ｄ再做校服，買返書〕，因為我相信政府嘅免費教育，係唔會唔俾佢返學嘅！

傾咗陣曾特首就黎，對佢我無咩要評價，都係咁啦！！但佢身邊ｄ狗．．．．，佢同我講〔su！特首同佢哋講緊！〕我靜咗三秒，之後繼續同婆婆講嘢。無錯！特首係同果位死咗阿爸嘅災戶傾緊計，不過我面前位婆婆一樣係災民，而我亦唔覺得佢哋講嘅嘢關我呢位災民事，做咩要全世界聽佢講嘢？？之後特首係咁咦同每位災民握手，就走咗，前後唔駛十分鐘！

我哋繼續同五樓住戶傾計，不過都知大家好攰想瞓，於是我同北極熊開始向社處同警察打聽吓瞓得未，因為我哋係上邊落去果陣已經set床，不過社處推警察，警察推社處，攪咗一輪都可以去瞓！！就係我安排大家上去嘅時候，有位大sir叫我埋去，〔你可唔可以搵多兩位社工落黎呀？〕〔吓？！我哋ｄ同事唔係社工黎噃！不過大家係心理急救員，可以點幫你？〕〔我哋啱啱搵到個男死者，應該係你後面位太太個仔（即係重災區），我哋要同佢返去認屍，見佢頭先都好激動，怕佢頂唔到，而且我哋係搵到身分證，證實係佢〕〔等陣，我問問有無人先〕，之後攪咗一輪，派多兩位受薪同事加社處警察，一大班人咁出發！為免要重災區再受騷擾，我截住咗佢哋唔俾行正門，由小路走咗！亦由於人太多，我勸阻阿姨媽一齊去，叫咗佢返去食藥先，所以我送咗佢去搭車！

而北極熊就執咗另一個女友生死未卜，當然大家預咗無，而第二朝一早亦都證實咗！

果晚我哋十二點收工，返到黎仲要約河生河太食消夜，因為應承咗借嘢俾河生，結果再攪到兩三點先有得瞓，第二日０７４０又去HO報到，因為要再過去！去到大家都食緊ｄ好簡單嘅早餐，就係蛋糕同紙包飲品！經過咗一晚，大家都係未驚完，婆婆同個媽媽仲有果位太太，成晚都瞓唔到一合埋眼就諗起事發情況，而已佢哋話ｄ風喉ｄ聲令佢哋覺得好似冧樓ｄ聲！

所以都係盡量同佢哋傾吓計，俾佢哋舒緩吓！另外有對老人家夫婦係住隔離果座，但因為伯伯要長期食藥，又唔知點聯絡醫院，所以我哋都要幫佢打去做登記！後來伯伯個外甥黎探佢，所以佢就出咗去，而學校ｄ校長亦都黎搵自己ｄ學生，所以有幾戶又走咗去！而且各慈善基金亦開始派應用錢俾災民，所以都好多戶出出入入去做自己嘢！而北極熊就執咗個新黎嘅大叔，阿叔話要去食煙，北極熊叫佢行小路，佢話唔駛，結果俾ｄ記者追住，返黎先話早知聽你講！

到差唔多十二點，佢哋話有位巴士迷住戶情緒激動要咗北極熊去，係傾傾吓知道佢有需要接受精神藥物治療，所以就安排佢去睇醫生，因為未有車，所以等到我哋食完飯返黎先出發，點知去到，個醫生要佢留醫，佢唔肯，所以連藥都攞唔到！只係俾止痛藥佢，係等藥果陣佢問我哋如果有人存心黎扮災民係咪好衰？？北極熊問佢點解，佢就話會有ｄ咁嘅人咁支吾以對！而我一直好奇怪，佢話佢之前果日係返工，但又要買過條黑色褲返工，咁．．．如果佢之前果日係返工咁就應該著住條黑色褲啦？！做咩我見到佢唔係呢？？但因為知佢精神背景唔敢問佢！！

果日結果又做到六點先走！

而過咗半個月度，我哋終於證實咗巴士迷，唔係災民，因為俾人拉咗，而另一位阿叔亦被懷疑唔係災民，可憐北極熊係同一日俾人欺騙咗兩次感情！！

呢排都真係好忙，攪到好內都無入黎寫吓嘢！早前１月２１日係北極熊生日,而我哋嘅節目係去影第三輯婚紗相!!一早九點鐘就要去到尖咀,不過因為真係太早,對於貓女王黎講都真係起唔切身,所以九點半先到,之但係去到都未有門口入,因為開門果個未到,所以我哋同化妝師阿Doll係門口傾咗陣!

入到去就開始改造工程,例牌問我哋想點,都係果句,似返我就得啦!!攪咗陣位攝錄師就到嘞,不過因為未有顏色,所以佢都只可以行黎行去!!跟住我同佢講唔怕架,同埋要影多d工作人員呀,阿Doll就慘叫嘞!因為佢無化妝嘛!!大約十二點幾就出發,第一站係西寧街公園條柱,因為我哋係想影四環九約果六條柱!!之後就上薄扶林道條柱,仲係隧道項玩咗好耐添!!換完衫就去魯班廟,可惜佢裝修,只可以係門外同山市街影!!影完又快快去寶雲道影！哎呀要上山添！！唔記得咗！！難為大家嘞！！之後趕去青年會同食江仔記！都好總算有得食！！跟住我哋去咗中環買花，我細細個就想係果度買札花架喇！！再黎就係去跑馬地！！不過都真係唔夠時間影晒六條柱，所以影埋跑馬地就要去PP因為我訂咗個蛋糕嘛！去到諗住兵分兩路，我去換衫，攝影師阿康同助手阿樂去攞蛋糕，點知北極熊跟實佢兩個！！！攪咗一大輪，我哋先去香港公園等蛋糕，仲要不停駛開北極熊！！！最後都俾咗個驚喜佢，真係麻煩晒咁多位嘞！！！

就係為咗條好有歷史嘅柱

仲趴高趴低

好開心係我細個成日出沒嘅地方影結婚相

北極熊嘅驚喜－I蛋糕

其實係好幾個禮拜前，已經到手，不過真係得閒死唔得閒病，所以無放上黎，家陣放住ｄ先，等有幾會再放多ｄ俾大家睇啦！！

呢條婚紗個拖尾係有好多Kitty頭架，可惜個攝影師，ｄ燈打得太勁

當日阿咪係搶晒我哋鏡嘅，因為個攝影師一叫佢叫就笑

其實係影呢張相果時，阿咪係〔哩埋〕咗係條婚紗入面

我哋好鍾意呢張梳化，可惜已經俾人拆散晒

我哋亦都好鍾意呢件婚紗，所以曾經問佢可唔可以賣咗俾我，可惜要送返去日本

好多朋友睇完都話鍾意個廚房

P.S.始終都係阿Jazzｄ技術好，不過做到Kitty婚紗相最後一pair客都算係咁啦！！

不知不覺咁又一年嘞！！今年都係同北極熊一齊返上head同一大班人一齊倒數，我哋仲帶埋隻女上去添，一上到去ｄ小朋友已經好開心咁走埋黎同佢玩，唔駛好耐，佢哋仲帶佢四維跑！！結果阿女攰到喊！！今年雖然少咗同事上黎，不過大家都一樣係家餐包，仲玩埋主持人－－美人，大家似乎覺得整蠱佢好過玩遊戲噃！！結果我係玩bingo時獲得匙羹碗一份，交換禮物時就獲得枱燈一盞，而北極熊所買嘅〔人氣男之道〕就俾ken sir抽到，所以我哋都叫佢〔型男〕！！而北極熊就抽返一隻熊，好襯呀！！

到大抽獎時我就抽到現金五十大元，而我送出去果份Jill Stuart就俾我位前區長抽到，好彩佢有個女唧！！

就係咁大家又過咗一年嘞！希望人人都身體健康事事順利啦！！

*PS:河童太，點解你連續兩年除夕都要睇醫生架？？下年唔好喇！！

HKID之寶．．．．．賴姐

仲有Vandy姐

名副其實嘅坐〔扁仔〕　　

美人好努力咁介紹遊戲，但我哋更努力攪事

原來大家都係好鍾意估嘢嘅！！

阿女都玩得好開心架

當晚好受歡迎嘅．．．．．阿咪

Judy都係時候結婚生仔喇！！！

北極熊抽到嘅聖誕禮物．．．．係咪好襯呢

我同Peter Ho都抽到現金獎，開心

Happy New Year ar!!

其實睇煙花係唔駛係街〔迫〕架

唔知幾時開始，因為都真係好細個，得幾歲果ｄ呢！！我就有兩個聖誕習慣，一、鍾意同聖誕老人影相，係要真人扮果隻喎！！二、要食士的糖！細個果陣一到聖誕節就會係某百貨公司度同聖誕老人影相，當然係要有幫襯，攞住張單埋去影啦！而又當然哋以我家族咁鍾意買嘢就一定會有單啦！！所以年年都會有張同貓王兄同聖誕老人一齊影嘅即影即有相，不過隔咗咁多年ｄ相都唔知去咗邊，就算搵返都可能甩晒色！後尾大大吓間公司嘅玩具部又無咗人又少咗行就無再影，亦都無得再影（間公司未執，係無請聖誕老人啫）！之後又大吓大吓，識咗北極熊，咁我哋又去咗一個大型商場度影嘞！所以今年都有影呀！！我仲摸咗聖誕老人ｄ鬍鬚添，好硬架，唔似ｄ假鬚咁軟！！嘻嘻！！

今年同我哋影相嘅就係呢位聖誕老人嘞

至於士的糖，都又真係唔記得幾時開始，係我表弟個生日會到食咗第一支士的糖（佢係１２月２７號生日嘅），之後貓母后每年係see’s candies買支士的糖俾我，就係咁食咗好多年，後尾大大吓，又無咗嘞！但今年好開心，因為除咗有同聖誕老人影相外，仲有士的糖，雖然唔係see’s candies買（都真係唔多就腳去買），但要多謝湯米sir同北極熊，因為湯米sir送咗支比我，而北極熊就買咗一盒細嘅俾我！！但湯米sir果支係神不知鬼不覺嘅情況下，俾我未來奶奶食咗！！嗚．．．．．．．．．．．．！！！！

而家陣仲有第三樣，就係去貢襯襯嘞！！今年有ｄ忙去唔到好多地方，都只係去咗PP，IFC同青衣城，而青衣城果個仲係一定要去呀！！！因為．．．．有Kitty囉！！

係PP除咗襯仲有表現睇

仲要係由呢位小妹妹做指揮

見到呢位阿太個post真係點可以唔影呀？？

是日北極熊繼續用貓女王試新鏡，可憐．．．．笑到硬晒

之後我哋入咗聖誕老人屋影

有我好鍾意嘅Nutcracker公仔

同好好攬嘅鹿

之後係同日２５號又去咗IFC

因為趕時間所以睇完表現就走咗嘞

睇佢哋表演果陣都真係擔心會唔會跌咗落黎架？

原來係IFC睇戲行街係好安全架，你睇佢哋有私家搜索犬架

跟住係一號終於可以去青衣城啦

係Kitty同Mimi呀，先黎張高炒

由於排咗成個鐘隊，所以排到北極熊．．．

再黎Daniel大頭

咩叫虛榮感？！呢位影緊相嘅男士見到北極熊支新鏡個流口水樣，完全滿足咗北極熊嘅虛榮感，咩肉赤都無晒！！

左擁Mimi右抱Kitty

搶郵車嘅貓女王

抱抱Melody,可惜影唔晒後面幅畫

好少見到咁大隻布丁狗

原本係搵人幫我哋影咗張相，但結果都係搖控自拍靚ｄ

影完相我哋去咗食MOS Burger

好耐無同北極熊四維去，但係係六號果日嘅星期日，我哋就去咗玩嘞！！一早就係港澳碼頭集合，為咗堅持瞓多陣呢個原則，所以係係老麥度買咗兩個芝扭粉上船食嘅！！我哋坐早咗一班船所以十一點四十五分就去到澳門！都差唔多年幾無去過，去到都發現有ｄ唔同咗，其中最快發現嘅係平時坐酒店車係行去天橋底，但今次係由隧道過對面！我哋book咗Hard Rock所以係坐新濠嘅車！不過佢哋架車係會先送你去賭場門口，荒死你賭唔切咁！！所以要用腳行返過去酒店果邊！去到都係做咗check in先，因為咁早未有房住，我哋攪咗一輪放低晒ｄ行李，就行過去Crown果邊搵嘢食嘞！因為之前睇過飲食節目介紹Crown有個brunch好正，所以就去試吓啦！！由於唔識路要問人，唔知係咪我哋個樣似窮學生無錢俾，定係佢哋想我哋去賭餐飽呢，佢哋個個都指我哋去賭場入面果個$168仲要買一送一嘅自助餐，結果我哋係都要去Crown果邊度問佢，初初佢哋都係叫我哋去賭場果邊，死唔服氣，係都要佢問，結果搵到係三樓間Horizons度有得食，仲要係十一點半開始食到三點，爽呀！！好耐無咁hea啦！！上到去有位唔算太靚嘅北方佳麗係門口度，雖然佢唔識講廣東話，但都好有禮貌咁答佢識聽！！入到去佢都俾咗張好大嘅圓枱我哋，跟住位哥仔埋黎巡例介紹吓呢個係Semi-brunch，主菜係落單其他可以自選或order！跟住我哋都係要佢俾杯暖水我俾杯凍嘅北極熊先！佢哋好有心思咁係俾一壺我嘅，隻玻璃杯仲要係兩層荒死我熱襯隻手！跟住我哋出去攞嘢食，正！！！最愛葡萄牙二十四個月大黑豚！！！事原我不嬲都鍾意食cold cut架嘞，咁啱星期四先係pizza express食咗個併盤，都有黑豚，但真係唔夠個brunch嘅好味！！！而且佢ｄ鬆餅都好得呀！！！食到我哋好飽先記得仲有兩個主菜，就係澳洲和牛同西班牙海鮮飯，救命呀！！我啱啱好開心咁攞咗甜品咋！！結果都好好彩俾北極熊食晒！！

海鮮盤，選擇唔算多，不過都唔少噃！！

原舊芝士，都真係第一次摸咁大舊芝士

最愛呢個cold cut，正！！！

一隻有為客人着想嘅暖水用玻璃杯

呢個係頭盤一

呢個係頭盤二，有北極熊最愛嘅鵝肝同egg benedict

就係攞咗呢兩杯甜品入黎之後．．．

先記得仲有兩個主菜，就係西班牙海鮮炒飯

同諗到溶嘅燉和牛

甜品枱

有餐牌為證俾大家睇，一ｄ都唔貴，絕對合理

食完都真係三點嘞，所以又行返去Hard Rock攞鎖匙！就係我哋係度排隊果陣有位bell boy用日文問我係咪日本人，結果北極熊用日文答返佢唔係，大家都係度笑，哈哈！！

房間size都ok架，係個廁同沖涼分開，奇怪ｄ啫

左邊係沖涼，右邊係廁廁

係酒店hea咗陣又出去威尼斯人襯襯貢，夜晚仲買咗飛睇Zaia，正！！好好睇，只係呻笨買咗$788位飛，因為個場好細，其實坐$588位都ok！！原本我去完廁廁返黎個小丑想整蠱我，但俾我發現咗，所以佢即刻整蠱我後面個人！逃過一難，哈哈！！由於我哋午餐太飽所以睇完Zaia先食飯，不過都差唔多十點，好多旅遊書介紹嘅地方都閂咗，而我哋又唔想食酒店ｄ嘢，所以就去問酒店ｄ哥哥仔！結果係佢介紹下，我哋去咗食〔肥仔文〕，佢哋主打竹昇麵，同生滾粥，不過我哋無食粥，叫咗蒸肉餅、三杯雞、XO醬炒麵同雲吞麵，四樣嘢之中最失望係個雲吞麵，炒麵對北極熊黎講有ｄ辣，但都好食嘅！

Hard Rock酒店的聖誕樹

我哋住果層走廊嘅貓王長樓

Zaia都真係好好睇，仲買咗隻sound track添

肥仔文消夜－XO醬海鮮炒麵

三杯雞

雲吞麵，但ｄ麵唔得呀

土魷蒸肉餅，幾好味架

返到酒店諗住都吹咗成日風就沖杯葛根湯飲吓啦，唔知係水土不服定係真係有菌係肚，結果就開始肚痾嘞！！雖然係咁，但瞓醒覺都一樣照去食早餐嘅！！個早餐唔多嘢揀，無Horizons咁好食，但都唔錯噃！最重要係食到十一點，唔駛咁早起身嘛！食飽飽就去攞睇天幕影院嘅節目嘅飛，跟住就返上房執嘢，check out同寄行李嘞！再慢慢行過去睇個低能天幕影院，其實都真係睇完都唔知為咩？！不過幾得意咁啦！！

呢張就係低能天幕影院嘅飛嘞

之後我哋又未肚餓咪係個賭場到貢襯襯睇吓囉！佢哋掛咗好多外國老牌歌手嘅相、結他、樂器又或者係遺物等做裝飾，正當北極熊好開心咁係度影相時，就有位護衛員埋黎嘞，佢俾Zaiaｄ職員好，因為無要我哋洗咗張相（之前果晚睇Zaia時前面個人影咗兩張相，佢哋要佢洗咗去），之後我哋咪諗住去葡韻行吓囉，就係經過lobby果陣，見到body zen位老闆同老闆娘，原來佢哋之前果晚係威尼斯人飲！但因為老闆病病哋無心情四維去，過咗黎Hard Rock個lobby度坐吓咁囉！之後我哋去到葡韻，但原來星期一休息，咁唯有行去官也街食麵啦！！中華麵館出名五色拉麵，我要咗碗牛肉芝麻麵，北極熊要咗碗金湯闊麵，不過因為個肚仲痾緊，只想食麵ｄ肉都俾晒北極熊，後尾叫多碟鹵水豆腐，都幾好食吖！仲有杯無花果蜜，好好飲噃！

無花果蜜，都幾好味架

北極熊嘅金湯闊麵

貓女王嘅芝麻麵

後加嘅鹵水豆腐

食飽飽都三四點嘞，就返去攞返ｄ行李去旅遊塔，點知去到佢哋ｄ精品店裝修緊，無Kitty賣，戲院又day off所以又睇唔到戲，不過都睇咗個相展！咁咪去夜呣街買杏仁餅囉，再係附近行吓咁啦！！

夜呣街買杏仁餅－最香餅家

一間好舊式嘅餅舖，有時ｄ嘢，除咗食味道仲要食歷史同回憶嘅

咪睇婆婆咁大年紀，佢手腳好快架

澳門中學生最潮追女地，入門有好多學生妹，亦有ｄ男仔陪女仔黎

到差唔多六點咪行去新葡京囉，因為book自助山食自助餐嘛，點知去到ｄbell boy同護衛同侍應全部都黑口黑面架喎！！！雖然我對何生ｄ員工係無咩期望過，但北極熊上晒火！！上到去餐廳，ｄ北姑（我唔覺得佢俾ｄ咁嘅態度，我仲要對佢好），個個黑口黑面，你book咗都仲要攞飛，攞咗飛，北極熊問佢，我哋咁多行李可唔可以入去坐低先，唔攞嘢食住吖？！佢繼續黑口黑面話唔得，其他人陸續黎到，好似一堆難民咁，等佢叫飛，俾咗飛佢都仲要欄住你唔俾行，到行到入去，帶位果位北姑又唔知你邊張飛係邊家人，又唔識講講廣東話，淨係攞張飛係度指指吓，攪咗成分鐘先知張枱係邊家人坐！北極熊見到果張超細嘅枱再次火都黎晒，話唔食，去返永利食，因為之前食過永利，所以知道一定好過呢度！！雖然呢度有我好鍾意食嘅macarons但都唔理嘞！！結果我哋坐都無坐底就走咗，行出去嘅時候，佢哋起碼有六位北姑企係門口，但佢哋係完全唔會理你！！

係新葡京嘅自助山－成班人好似難民咁等之後我哋行去永利，做接待嘅都係一位北方佳麗，但起碼我覺得自己係一個客人而唔係一個難民！！佢將我哋交咗俾一位男經理，我唔知佢係香港人定澳門人，但起碼佢安排咗一個闊落嘅卡位俾我哋，仲會關心吓我哋拎住咁多行李同一個攰樣！！我哋同佢講返我哋ｄ經歷佢都笑話果邊係咁！因為果邊賭場為主，唔重服務！！而我哋真係覺得除非你好想俾人黑口黑面同去受吓氣，否則我搵唔到理由要去新葡京幫襯！！三間比較，係Horzions食，星期日由十一點半食到三點，如果你飲酒收你$498（無限飲香檳或餐酒），我哋唔飲叫$298（都有新鮮果汁）！係永利，由六點食到十點，平日收二百幾，假日都係收三百幾！！但係自助山，平日都收二百幾，但時間係由六點食到八點，或八點半食到十點半！！當然你可以話邊食到咁耐呀？！但講緊嘅係生活同態度，做咩都係俾二百幾三百蚊但我要咁受氣同辛苦呀？！點解唔可以兩口子舒舒服服，慢慢食傾吓計呀？我哋又唔係趕住去賭錢！？所以我哋做唔到何生嘅客！！

係永利可以慢慢食嘅自助餐

食飽飽係永利四維行終於俾我哋見到棵金錢樹，所以都好低能咁影吓相，同睇吓係咩咩表演！？

金錢樹個天花板

等金錢樹破地球而出之後就返香港嘞！因為我已經痾到手軟腳軟，所以個背囊都俾咗北極熊，亦都因為咁，佢上的的時無留意個銀包，跌咗出黎，再加上落車係我俾錢，所以更加唔知！到落咗車先發現，所以一返到上屋企即刻打電話報失，之後再去警局備案，位阿sir同madam都好好人，佢哋都祝我哋好運！結果真係返到屋唔駛一個鐘佢哋就打黎話個司機送返個銀包去警局嘞，所以我哋又行返過去，而入面張一百蚊就無咗囉！！不過都好過補身分證同回鄉卡！！