Happy Brithday to me~~~~~~~~~~~~

今日係我生日，當然心情靚靚啦！今晚仲會去玩tim！要盡興啊！

上星期六返教會開組，班好姊妹同我預早慶祝。事前我好期待咖，唔知她們會預備些什麼驚喜給我，但是我又怕唔知會唔會好求其咁慶祝了就算，又唔話我知會送些什麼俾我，攪到我個心成日都唔知點！

當然，夠鐘食飯就好快就到啦！看下有無驚喜野嘛！點知個個都忙自己野或同其他人傾計！好似無乜人知道我生日咁，舊小組組員都無人同我講生日快樂！心情當然差啦！唔同組就唔記得生日…

到了分組時候，習慣性都會去一去洗手間，飲杯水再抖抖，收拾心情…………去洗手間的時候，見到班姊妹在另一間房好齊人咁，心想難道轉了房開組，間房仲好似要脫鞋玩「塔塔米」好似幾好玩咁！初時以為生日有咁特別的開組形式，好鬼得意！！但係又唔俾我入去仲叫我去埋洗手間。之後又帶我去開組間房度等，心裡都知道她們來跟我慶祝生日，真係又開心又緊張……………………….

最大的意外就是，她們為我預備的，真的超越了我所想的，真係好開心咖!!!!!我本身想要一個External Harddisc來用，方便嘛！一向都知道這些東西一點也不便宜，好鬼貴咖！我都有想過如果真的送的話，就算無蛋糕和生日咭，我都會好開心，無理由要我班姊妹為我用咁多錢咖嘛！但班姊妹除了送份厚禮給我之外，還有一個很大很美味的生日蛋糕和很有意思的生日咭，咭上面的蝴蝶代表著小組裡的姊妹，不多不少，一個都不能少！之後還帶了半個蛋糕返屋企，同家人分享！

而最厲害的金句就係，當Iris解釋External Harddisc的寓意那兩個 ————「個Harddisc本身係無野咖嘛，就好似我們要掏空我們自己個心，去接受耶穌進入我們的心一樣」「個Harddisc的容量很大，可以俾你放下所有有用的聖經金句，咁就可以在有需要的時候拿出來用！咁聖靈就可以時刻充滿！」當時心裡只覺得「勁！咁都俾你想到！」Iris仲話要留意下我個驚喜樣，我本身不是一個容易流淚的人，但有時也會有少少！我心裡的開心和驚喜未必會放哂在面上！何況我很多時會因為感觸，悲傷才會流淚，開心的時候就只會笑，笑得失控！臉上五官都走在一起唔見了咁，很難看啊！希望不要把這些難看的相放到Facebook便好！

第二日起身返教會時，一起身便想擁抱我的姊妹，覺得她們對我好好，好愛我~~~~~~~
但是完了崇拜後，她們都各自和其他人傾計！念頭便消了！似乎我都係慢熱了些！之後又有其他人祝我生日快樂，高興啊！有很多人都記得我生日，以前在沙福的時候，真的沒有人跟我慶祝，只跟另一個跟我同月同日生日的姊妹慶祝，或許是他們不懂得，還是忘記了，一句祝福的說話也欠奉。事後竟有人同我講記得我和那姊妹同日生日，因沒有為我準備而不慶祝，多傷我心啊！

生日當天又收到很多姊妹給我的祝賀短訊，好開心呀！因為舊小組都沒有忘記我的生日。雖然覺得不是什麼大日子，但會覺得她們也記得我！放工之後去了銅鑼灣，一邊食飯一邊坐wheel chair，好好玩！（記得要book位呀，唔係又無咖啦！邊個叫你遲，等死我啦！）然後去世貿打機，發覺有些機貴了好多，無法啦！玩了一陣，再返屋企睡覺…………….

今晚看〔森之愛情〕，當中提及有人認為首先提出分手往往會自以為是勝利者，但我個人認為分手這兩個字不易講出來，除非對對方徹底失望。

對於我來講，甚少說出這兩個字，但這陣子總會出現在我的腦海中，因為我已經不懂得如何跟這個人相處，甚至想放棄………

因有太多問題，很無奈

今日上光明之子,講約翰福音—提及耶穌基督的一生和八個神蹟,

神是我的牧者,明白我心中所想所求,我深深的愛你,就如你愛我一樣….

感謝祢賜給我的一切,我要讚美祢．．．．．．．．．．．

我要高聲讚美神！！！神的恩典是無處不在的．．．．．

今晚返完小組後，便覺得神一直都保守著我，上星期日神藉祟拜來鼓勵我多些禱告，Amen~~~

我自覺自己不懂得禱告，更怕在人前禱告，往往未敢出聲，只可在心裡黙黙禱告，我知道自己在屬靈上的信心不足，神便讓我知道，有神便不用怕．．．．．．．．．

今晚Christy送了個很美的Hello Kitty 精品給我，我很喜歡！！這也是下午在反斗城見過並喜歡的，真奇妙的是Christy知道我喜歡什麼，就似是神特別為我去預備一樣…………..

為了在屬靈上有進步，我一定要努力些！明天便是光明之子的第一天，要努力呀！

有聽過令人感到害怕的有毒的免洗竹快子嗎？為了響應環保和減少吸食有毒物質，我打算買套不綉綱環保餐具來用，因為大量購買會有批發價，所以有興趣可以通知我，售價約HKD30 ~ HKD40 (Original Price : HKD50/set)………………………….

不經不覺………原來已有足足三個月沒寫Blog了！

雖然常說有很多東西要做，但真的連寫Blog的時間也沒有嗎？

也許是我太累，太懶惰的緣故吧！

今晚要測驗呢，真不知會否應付得來！

有很多東西想寫，不過，還是寫到這裡吧！

我的頭今天很痛，不想用腦，遲些再補吧！

今晚要測驗呀，個腦實哂！點算呀？

今晚要Test呀，仲未溫好哂=.=”"
我都看過一次，應該可以應付得來的！
原本打算今日請半日假溫書，不過算啦………………..

Jess send 短訊給我，為我打氣。好開心呀!!
FEEL SO WARM~~~~~^o^”

今日成日都好似好累，似乎要好好休息下@_@”"
明天要返工喎！咁咪又無得休息T_T”

很久都沒有寫Blog了，因為工作實在太忙了，過幾天又有個很緊要的Test…….慘慘呀T_T”
現在已經比之前好多了，幾坐山都給攻陷了^o^”
我做了個靚靚的video
http://video.sanriotown.com/engine/flaon/player?idcode=4446&v=1&rnd=722491&
有時間可以看看呀…………給些意見吧！ [#.

今日下午同同事一齊去公司隔離間酒店食Buffet，好開心呀！^o^~~不過我們今次都無乜點食魚生or刺身，可能怕不衛生啦，都只係食了很少。我只食一兩片都覺得不好食，想嘔！浪費了少少食物。（好彩拿得少）@﹏@”就連平時有好多的生蠔都消失得無哂形，青口都仲有…………………………

唔緊要啦！反正都有好多熟食，仲有我好鍾意食的駝鳥扒……YEAH~~食了好多野好飽喲^u^

晚上返學就好笑啦！遲了三分鐘左右，唸住第一堂應該無咁快開始啦，點知在課室門外已見到裡面講緊書，仲好如火如荼！當然入去上堂啦！好不容易找到個位坐低，開始覺得唔妥了……

課室同時間都對…………..點知個course要遲多個月才開始…………..
咁點解另外Subject唔等埋同一個月開始呢，果然係掠水學校呀！=.=”

今晚返小組，相信呢次都算幾齊人！起碼平時好忙少返的人都有來。完了之後再問她們拿讀經進度表，多謝Amy提我咋，唔係又唔記得啦！都唔知點解成日無記性=o=“

哇！唔看唔知，原來佢地已經出了埃及，我仲末到埃及呀！點算呀？要努力啦！追番佢地呀！唔知有無人同我一樣呢？我咁懶咖！好唔應該咖！要改、改、改呀…….

今晚收到個Hello Kitty公仔，好可愛呀！仲好鍾意添^o^”……………. 有樣嘢唔記得講既，就係「多謝你呀！」如果個蘋果係綠色就好了，青蘋果嘛！嘻嘻……..

今日依然好多野做，我那坐山（我通常叫 Hill of Work）已經好快咁又多了一坐了！相信唔攪好佢的話，它的繁殖速度會更快 T_T”~~~~~它而家已經高過我個頭啦！亞頭仲要我聽日攪好它=_=”…….死啦！我好似仲未入哂D單，點趕起給人呢？

今日用了點時間來執單，好彩之前分了類同做了記號。唔係就有排攪啦！今次都係用了點點時間啦！都好過無=o=”面對眼前那些Hills of Work，聽日真的要攪好呀，要罰錢啦！要快點入埋啲單同Voucher，再…………. （放低所有唔趕的工作，攻陷那幾坐山呀！我又要做愚公的工作啦）

要返小組呀！好忙呀！

放工之後返屋企，跟住就有有趣的事發生…………..

在我等車的時候，有個男孩走來問我「你係咪等車?」，我被佢咁問嚇了一跳！唔係等車就唔會企係站度啦！我當時的態度真係好唔友善咖~~>_<”…..我唔答佢，淨係斜視佢。之後他話「我驚走左架車。」之前又未見過佢等車，咪問他「你日日都等呢架車？」佢又話唔係！仲無端端話我知佢住邊，同我都好近咖！不過我無話佢知我住邊，架車就到了。

上車之後，唸住後面咁多位，又無乜人，就坐前些啦！因為唔想見到佢嘛！又唔知點解覺得佢望我眼神很曖昧！寧願佢在後面望我，好過我望到佢，感覺怪怪咁（如果佢望我）！點知…………佢竟然坐最前，仲打側身坐，然後時不時偷望我（我估就係啦）！後來落車又望多我兩眼，佢在我前一個站落車。佢一點都不靚仔，但就好似好傻好可愛咁~~~~

我之後同男朋友講，等佢緊張下、呷下醋！咪以為我無人要呀~~~~跟住就覺得自己好衰！見好就收啦！唔係咁既話，嬲起來咪好無辜=_=”又唔知點哄啦！哈哈~~~

不過，如果再見番那男孩，又唔知會有些什麼有趣的事發生呢？