HelloKitty TV，努力製作左兩年，終於來到Season 2 o既煞科哪！好快就可以同大家見面 剩餘最後兩集，是講關於聖誕節。由於依集需要大量場景大量物件，而家我地努力build model中…
Copyright 2007 Sanrio Digital (Hong Kong) Ltd. All rights reserved.
有聖誕老人屋，鹿車，禮物工場，冰天雪地等等
完左頭兩個Season之後，就會交俾電視台配音，準備全球播放。
而我地就會繼續開始Season 3 & Season 4。
全部一共有52集，對於HELLOKITTY迷係一個大喜訊。
Technorati Tags: 工作感想, 每集花絮, 製作過程, 最新消息, HelloKitty, Christmas, 聖誕節, 煞科, christmas model, 有聖誕老人屋, 鹿車, 禮物工場, 全球播放
今日講下建模(modeling)
平時你地見到果d立體model，好多人會以為我地係用電腦畫出o黎，但係嚴格o黎講，唔係叫畫，係建立／塑造先o岩。
任何立體o既野，都係由點(vertex)﹑線(edge)﹑面(face)組成。
軟件入面有一d已經set好左o既野俾我地用,最基本例如有Box,Sphere,Cone…等等。
Copyright 2007 Sanrio Digital (Hong Kong) Ltd. All rights reserved.
Copyright 2007 Sanrio Digital (Hong Kong) Ltd. All rights reserved.
Copyright 2007 Sanrio Digital (Hong Kong) Ltd. All rights reserved.
方法有好多種，我唔詳細講哪，因為依度唔係Tutorial。只係想概括話俾大家知我地係點製作動畫。
點生線，線生面，我地會利用基本野先建立一個外形，然後我地會靠translation﹑rotation﹑scale來慢慢微調。
可參考下圖，我地透過translation及scale塑造他的外形，即係好似你地玩泥膠咁，將佢搓揉成你要的外形。整好之後都未夠靚，你見到仲起晒角，但係Smooth埋就搞掂哪～
一個可愛的Kitty頭誕生了。
Copyright 2007 Sanrio Digital (Hong Kong) Ltd. All rights reserved.
若然大家對3D Modeling仲想了解多d，我樂意為大家解答架，歡迎提問，或者俾d意見。
你地o既支持對我地好重要架～
Technorati Tags: 工作感想, 每集花絮, 製作過程, 最新消息, HelloKitty, modeling, 建模, vertex, edge, face
上回講到Bind骨, 今日我地講key animation
我地行內人成日話key野key野, 其實咩係key野呢?
key野o既意思係…我地在每一段時間為model設定動作, 落一個key
例如一秒30格, 我地分別在0,7,14,21,28格key佢地o既main poses
Copyright 2007 Sanrio Digital (Hong Kong) Ltd. All rights reserved
之後一play, 就會見到一個行路o既動作
Copyright 2007 Sanrio Digital (Hong Kong) Ltd. All rights reserved
簡單d講就好似在書角畫上不同動作的公仔, 翻動的時候就看見動畫, 道理其實一樣
不過看似好容易, 要key得生動流暢唔係咁易架
因為就似一個簡單行路的動作, 其實唔係剩係對腳郁,
每一個動作都會帶動身體每一吋肌肉
所以我地除左key主要關節之外…都要顧及其他細節位置, 例如頭部, 手部,
甚至耳仔, 尾巴等等
做左唔覺, 唔做就好覺, 唔好睇少這些部份, 佢會令到整個動作流暢好多好睇好多!
所以一個好o既 Animator, 應該都要係一個好o既 Actor,
咁就可以將生命完全灌注入character度!
唔知我咁解釋大家明唔明白呢?
如果當中有咩唔明白o既地方, 又或者你想知多d有關3d animation o既野, 不妨問架
或者你係Hellokitty fans, 想問Hellokitty TV o既野都可以
我地十分樂意為大家解答^_^
Technorati Tags: tag: 工作感想, 每集花絮, 製作過程, 最新消息, HelloKitty, key frame, animation, Moving, motion
電腦動畫大家聽得多, 但係好多人都唔知背後係點整出o黎o既~
今日, 我就講下俾大家知3D animation其實係點整出o黎
不過3D animation都包含好多part, 今日主要講下Bind骨
首先我地要用電腦build一個立體model, 但係model本身係冇生命o既, 好似公仔咁唔識郁 我地點先可以令佢郁呢? 秘密就係俾一副骨頭佢 好似人類咁, 我地皮膚本身係軟林林, 要靠骨頭才能支撐起成個人, 令我地可以活動
Copyright 2007 Sanrio Digital (Hong Kong ) Ltd. All rights reserved.
以Hellokitty為例, 我地有佢個model, 然後俾副同佢差唔多size o既骨佢,
透過software將佢地merge埋一齊, 完成後我地就靠佢d關節來控制佢
依個過程就係我地俗稱o既Bind骨
Bind好骨之後…我地先可以俾動作佢, 所以依個step好緊要架~
Technorati Tags: 工作感想, 每集花絮, 製作過程, 最新消息, HelloKitty, Bind骨, Skeleton
我地做電腦動畫依一行, 最重要唔係技術, 而係創意 而一套動畫的靈魂是故事, 唔知你有冇聽過 “Story is King” 依句說話? 世界級的動畫公司Pixar o既座右銘, 在各大小講座裡, 佢地都再三提及故事的重要性!! 因為無論你畫面做得幾靚都好, 如果故事沉悶非常…冇人會有興趣睇的! 正因為故事咁重要, HelloKitty TV入面每一集我地都構思一些有趣的故事, 每次開新一集之前, 我地都會圍埋開會, 一齊brain storming, 諗下如何加插一些有趣的情節令到故事更好睇! 故事版, 行內俗稱 Storyboard, 如果話Story係靈魂, 咁Storyboard就係大腦, 係製作過程不可缺少的一環! Storyboard入面提供了 分鏡, 鏡頭角度, 對白, 時間, 描述等等, 動畫師及剪接會根據Storyboard的資料來工作, 所以一個好的Storyboard係一個好的開始 以下是Storyboard的其中一頁:
Copyright 2007 Sanrio Digital (Hong Kong) Ltd. All rights reserved.
Tags: 工作感想, 每集花絮, 製作過程, 最新消息, HelloKitty, Story, Story is King, 故事版, Storyboard, making of
You are currently browsing the archives for the 製作過程 category.
