最新消息﹗《Hello Kitty愛漫遊》第三、四輯光碟現已上市﹗售賣點包括位於香港的各大影碟店，還有HMV的網上商店﹗無論是居於本地或海外的你，也可以在網上購買《Hello Kitty愛漫遊》光碟﹗請按此到HMV網上商店查看詳情。

第三輯故事包括：

第七集 - 神秘花瓶事件
Keroppi意外地將花瓶摔破後，因害怕承認過錯，竟讓XO成為代罪羔羊。幸好最後Keroppi承認過錯，並學會說真話的重要性。

第八集 - 分享是福
誰願意與別人分享玩具？XO發現自私的行為會帶來惡果。

第九集 - 失去笑容的Melody
沒有人知道為什麼Melody心情低落，大家一起找出原因吧﹗

第四輯故事包括：

第十集 - 超級新星
渴望成名的Pochacco雖然沒有才華，但他也會全力以赴，努力演出。

第十一集 - 失控飛車
大家為了尋找Keroppi及他那輛失控的汽車，踏上驚險的旅途，弄出不少笑話。

第十二集 - 迷失太空
Kitty與朋友們在娜娜與奇奇的協助下，展開外太空的探險之旅。

以下圖像來自《Hello Kitty愛漫遊》第二季 - 9至16集，希望各位喜歡這一份小禮物，預祝各位聖誕快樂﹗

以下的圖像來自《Hello Kitty愛漫遊》第27至34集，筆者特意在此分享一下，希望大家喜歡﹗

這齣以Hello Kitty為主題的3D動畫現正於全球多個國家播放，大家絕對不容錯過﹗動畫當然比圖像更加好看啦﹗

Hello Kitty的餅店在黑白片時代的概念下，仍然保留其可愛感覺，而PC狗在其一集故事中將扮演偵探角色，大家對他的辦公室又感覺如何呢？以下刊登PC狗辦公室的圖片，讓大家先睹為快﹗

上星期刊登的黑白圖片，其實就是初稿，目的是把初部概念變得具體化。之後，設計師便會把圖填上彩色和設計燈光效果。如有需要，設計師亦會製作平面圖，把整個場景更清晰地呈現出來。最後，個別道具和傢俱都會再仔細畫出和填色，令到動畫畫面的背景更為細緻。

其實，要製作出一套動畫真是不容易呢﹗只是其中一個背景，便要包含如此繁複的工序，大家同意嗎？

Copyright 2008 Sanrio Digital (Hong Kong) Ltd. All rights reserved

大家好﹗上次介紹過《Hello Kitty愛漫遊》的概念主題 - 黑白片時代，今次我們會繼續解說背景設計。以黑白片時代為概念，意思不是把《Hello Kitty愛漫遊》變成黑白片，而是以該時代的風格，例如傢俱、燈飾、擺設的風格等等，融入《Hello Kitty愛漫遊》的背景之中。

以下的一幅背景圖看似簡單，但其實每一件傢俱都是逐一精心設計的，而且每件都充滿50年代的感覺。大家覺得Hello Kitty的餅店好看嗎？

Copyright 2008 Sanrio Digital (Hong Kong) Ltd. All rights reserved

50年代是黑白片時代 (à la Film Noir era)，以下的圖片，包括Hello Kitty的餅店與及Pochacco的辦公室，都是以這個時代為背景的。

Copyright 2008 Sanrio Digital (Hong Kong) Ltd. All rights reserved

當定出故事大綱後，我們便會開始搜集時代背景的資料，研究需要什麼故事場景，以及開始設計草圖及增加草圖細節，想知道這些草圖如何變成往後的彩色3D，就要繼續留意《Hello Kitty愛漫遊》官方網誌啦﹗

每個團體入面都會有個麻煩人 – 即係淘氣、鐘意惡作劇又喜歡「搞搞陣」果種呢！響Hello Kitty o既群體入面都唔會例外，就等我同大家介紹哩位小名叫XO ，亦即係全名叫Badtz-Maru 既小壞蛋o既生平事跡啦。

Badtz-Maru係一隻來自Gorgeoustown，非常調皮o既小企鵝，非常之自負鐘意貪靚又鐘意梳頭。成日覺得自己係大英雄但係佢竟然有不可告人o既嗜好，就係收集電影入面果o的大壞蛋角色o既poster！（有無搞錯？）雖然Badtz-Maru成日都覺得自己好醒於是當人o地豬頭炳，不過佢除o左梳頭果陣時果樣好得戚之外，其實份人就無乜野o既，不過……

原來佢成日都諗住做大佬！仲要係佢話哂事果隻添！（咁都得？）

如果你曾經想知道點解佢會被叫做XO？不如我話俾你聽啦！響日文入面，「badtz」(batsu)係代表「X」或者錯咁解。而「Maru」呢？就係O或者正確咁o既意思。所以Badtz Maru唔單之解做「壞企鵝」，仲有「錯-對」o既意味，所以錯同對就被叫做XO啦。

咁我o地o既Badtz-Maru XO究竟係做錯定做對呢？就要留番俾你o地自己去想啦。

p.s. 今日4月1日係Badtz-Maru生日，o係度同佢講聲生日兼愚人節快樂﹗

Copyright 2008 Sanrio Digital (Hong Kong) Ltd. All rights reserved

Copyright 2008 Sanrio Digital (Hong Kong) Ltd. All rights reserved

殊！唔好嘈啊…….我響度避緊Keroppi啊。哩一集Hello Kitty同朋友響學校度玩緊捉迷藏啊！睇住佢o地用盡方法去避過捉佢o地o既Keroppi真係好好笑傢。不過Keroppi都唔係弱者，睇住佢逐個捉你就知道佢幾犀利傢啦！大家仲要留意成日搞搞陣o既Badtz喎……佢隨時隨地都可能會出現傢，因為佢黑嘛嘛丫嘛！不過都係Pochacco最醒目，佢搵到最佳位置去躲藏呢。想知道Pochacco搵到個乜野地方？就記得睇《Hello Kitty愛漫遊》啦！

copyright 2008 Sanrio Digital (Hong Kong) Ltd. All rights reserved

Copyright 2008 Sanrio Digital (Hong Kong) Ltd. All rights reserved

《Hello Kitty愛漫遊》繼續帶最開心的電視節目俾大家，而今次終於到Pochacco出場表演啦。當Pochacco見到其他角色得到千千萬萬o既掌聲，佢亦想得到同樣o既注意啊！於是就開始想o下自己有乜野殺食o既技能可以贏得其他人o既認同啦。不過佢好似做o左錯誤o既選擇呢……..幸好Dear Daniel同其他朋友仔支持佢，哩o的先至係真正朋友啊嘛！響今集我o地學懂o左真相可能會hurt到人傢，而且太直接咁樣講就更加可能會使人反感……都係唔好講咁多啦……搞到一鑊泡就弊啦，總之如果你想知道Pochacco點樣成為巨星，就留意我o地o既節目啦。

Copyright 2008 Sanrio Digital (Hong Kong) Ltd. All rights reserved

Copyright 2008 Sanrio Digital (Hong Kong) Ltd. All rights reserved

超人？蜘蛛俠？無論你點叻點聰明都好，你一定曾經想過要搵英雄打救！今集我就等我o地介紹最厲害o既大英雄……XO MAN!  XO Man 響今輯節目基本上係擔正大旗，獨挑大樑，故此你成日都會見到佢傢。「有XO Man無驚青！」你準備好未？

Copyright 2007 Sanrio Digital (Hong Kong) Ltd. All rights reserved.