其實香港人製作動畫，絕對可以媲美日本，《Hello Kitty愛漫遊》就係一個好例子。《Hello Kitty愛漫遊》的動畫師，大部份都係來自香港各院校，亦有一些來自外地。Howard話好榮幸可以同《Hello Kitty愛漫遊》o既班底合作，因為佢o地全都才華洋溢。

好多人喜歡睇動畫，更有人想成為動畫師，究竟做動畫師有什麼條件呢？據Howard講，最重要係要對動畫充滿熱誠。而且，要配合日積月累o既練習和觀察，絕對不可以一步登天。所以，要成為動畫師，必須有耐性同勤奮。如果你有興趣，不妨在互聯網上睇多些有關資料﹗

以下這幅照片，就係《Hello Kitty愛漫遊》o既製作班底了，大家仲認唔認得邊個係Howard呀？

Copyright 2007 Sanrio Digital (Hong Kong) Ltd. All rights reserved.

今次訪問《Hello Kitty愛漫遊》動畫師Howard，報導已經完畢了，不過，大家都要繼續留意《Hello Kitty愛漫遊》官方部落格，收看其他最新消息呀﹗

在Part One，Howard介紹過製作《Hello Kitty愛漫遊》o既工序，而今次，佢會講下工序中最困難o既部份。原來，造角色動作係比造角色建模困難o架。意思是，要令到Hello Kitty活動自如，係比造出一個漂亮的Kitty外貌困難。Howard話，有些問題在開始製作的第一天就已經遇到，例如人物手和腳太短，面部表情很有限，甚至當有瘋狂構思時，又要得到Sanrio批准。不過，製作隊伍o既努力係值得的，因為3D Kitty真係造得好靚呢﹗

角色建模

角色動作

我們通常只會見到2D的Hello Kitty，所以很難想像到有3D動作的Kitty呢﹗Howard就話覺得3D Kitty仲可愛啦﹗

2D版Hello Kitty動畫 圖片來源︰iVideo

3D版Hello Kitty動畫

第二季《Hello Kitty愛漫遊》已經推出，大家而家必定好期待第三季呢，SanrioTown特別為大家準備了《Hello Kitty愛漫遊》其中一位動畫繪圖員(Howard)o既專訪，讓大家等待第三季的同時，亦了解多一點幕後工作人員的辛勞。

這位就是我們的繪圖員Howard了，係咪好靚仔呢？仲整到d咁cutie o既卡通添﹗

Howard話，製作一集「Hello Kitty愛漫遊」都要用個半至兩個月o架。雖然只不過係短短15分鐘o既卡通，但係工序就有成10幾個，包括劇本、角色建模、故事草圖、燈光、翻譯、音樂、配音等等。所以，我o地真係要好感謝繪圖員o既努力，令我o地可以睇到咁精彩o既3D動畫。

copyright 2008 Sanrio Digital (Hong Kong) Ltd. All rights reserved

大家記住密切留意《Hello Kitty愛漫遊》網誌，Howard在下一part會講更多關於幕後工作o架﹗

Technorati Tags: Howard,Animation,Animator,《Hello Kitty愛漫遊》,Hello Kitty,Sanrio,SanrioTown

今集Hello Kitty同朋友著森林度蕩失路，你估o下邊會要負責任？……咪又係XO囉！！！ 你都估到傢啦，成日都係佢搞搞震！今次XO搞出個大頭佛，當然要負責搵路返屋企啦！咁你估佢會唔會成功呢？當然要留番俾電視機旁邊o既你搵個答案出黎啦。記得留意播出日期啦，千祈唔好走寶，否則同朋友會無話題傢！

喂喂,大家好呀! 又係時候寫blog哪!
我記得初初做依套卡通o既時候…有好多限制!
因為我地係代表sanrio o既第一套官方3D動畫,所以sanrio approval o既程序好嚴謹,好多野都ban晒! 為左安全起見,我地要盡量keep住Hello Kitty同佢d朋友保持原狀,唔可以轉換佢o既外表同比例~

其中一樣我地好想轉換的是角色的衣服,好想設計多d不同款式o既衫俾佢地著,唔洗咁悶丫ma~ 可惜你地而家睇緊o既集數都爭取唔到~

但係唔緊要,o黎緊新一輯o既Hello Kitty,將會有好多革命性的創新!
你地不單止見到佢地有唔同o既靚衫著,仲有好多你地估唔到o既瘋狂事件發生!
仲有一個天大o既喜訊!!! 就係大口仔有可能出場哪~~~ 我本身都非常喜愛大口仔,相信大口仔o既fans會好期待哪^~^ 詳細o既野我唔想講太多,暫時俾d新衫你地過下目啦!

請繼續支持”HelloKitty愛漫遊”^_^

Copyright 2008 Sanrio Digital (Hong Kong) Ltd. All rights reserved

Technorati Tags: 最新消息, HelloKitty愛漫遊, Hello Kitty愛漫遊, Hello Kitty, 新衫, 新角色, 新一輯的變化, 革命性的創新

大家好，又係響度同大家分享劇情簡介o既時候啦。我個人認為響今輯節目入面最有趣最搞笑o既角色就係Badtz Maru（XO）啦。不過Badtz Maru最差勁o既野就係……自私！於是響今集Badtz Maru終於受到教訓啦！希望佢「受了教訓，得了書經的指引」之後會懂得乖乖地做隻企鵝啦。我信你都會同我一都會一樣睇得咁肉緊，記得收睇啦！

Copyright 2008 Sanrio Digital (Hong Kong) Ltd. All rights reserved

播哪播哪播哪！
各位香港o既市民，Hello Kitty愛漫遊終於在上星期正式首播哪！由2月16號開始，逢星期六日，下午4點-4點半，於無線電視翡翠台播映！星期六我一直坐在電視機旁等待，當我聽到耳熟能詳的開場音樂，心裡有萬分的感動！我地個仔出世哪，睇住我地做o既作品在電視出現，真係有好大o既滿足感，那是金錢不能所媲美。光是這份滿足感，已令我忘記晒之前所有o既辛苦，這大概是我們選擇依個行業o既原因。我們做卡通片，付出左好多心機同努力，心願是希望有人欣賞，只要有人欣賞，無論幾辛苦也是值得的！每一個支持，都會帶俾我們動力，將來做得更好。

Hello Kitty我只睇過英文版，TVB的粵語配音版本還是第一次睇！我覺得廣東話版好親切，除左基本對白外，仲加插了一些地道的爆肚，絕對是屬於香港人o既卡通片～ 我講過配音員o既角色好重要，個人尤喜愛TVB的配音，選角好好。多謝配音員們出色的聲演^_^ 如果你地錯過左16號17號，唔緊要，o黎緊這星期唔好再錯過哪！因為往後的集數會一集比一集好睇～

Copyright 2008 Sanrio Digital (Hong Kong) Ltd. All rights reserved

各位朋友，記得去SanrioTown玩o下o的新遊戲同寄o下賀卡喎，哈哈……（唔記得自己講緊o的乜野添）……其實今日係一個特別o既日子，因為……

今日新年到啊！恭喜發財啊各位！

Hello Kitty and Friends當然會同大家一齊過年賀新歲啦，仲一定要睇煙花同舞龍添啊！記住去睇煙花o既時候要跟實大人先至好啊，最緊要安全啊嘛。不過好肯定就算你無得出街睇煙花，Hello Kitty媽媽都會整定o的年糕俾你嘆傢。嗯……據聞Keroppi好鐘意食年糕傢，仲要偷食埋人o地果份添；其實都唔可以怪佢……年糕年年高啊嘛，佢咁矮就一定要食多o的增高傢啦，哈哈哈！！！

希望新o既一年大家都好似Keroppi咁keep住有新希望，矮o既就變高，靚女o既就越變越靚女，大家都越變越好，變得更精彩！

再次講句：新年快樂喲！

WOW WOW WOW~~我地得獎呀!
我地拎左今年o既ICT AWARD 2007
香港資訊及通訊科技獎: 最佳數碼娛樂獎
電腦動畫優異證書
最佳電視劇集

好開心呀~~
我地套動畫終於有第一張成績表, 對我們一班動畫師o黎講, 係好大o既鼓舞!
證明我地o既實力得到別人認同^_^
HelloKitty TV要出世係唔容易架~
她3年前開始製作, 當時我們大部份o既班底都係生手…而且好少人~
眼看我地team由幾個人, 慢慢變成十個, 再變幾個, 到而家十幾個…
當中有人退出, 有人加入, 經歷過好幾次改朝換代呢~
回想起, 從前我地一齊並肩作戰o既日子, 係美麗o既回憶!
由season1到season2, 質素不斷地進步, 無論係故事定係場景, 都生動豐富好多!
而且我地o既故事唔低B, 大人細路都咁o岩睇, 你都不妨試下睇, 話唔定你會愛上^.^
片集就o黎出街了~好緊張呀!
唔知反應點呢?

Copyright 2007 Sanrio Digital (Hong Kong) Ltd. All rights reserved.

超人？蜘蛛俠？無論你點叻點聰明都好，你一定曾經想過要搵英雄打救！今集我就等我o地介紹最厲害o既大英雄……XO MAN!  XO Man 響今輯節目基本上係擔正大旗，獨挑大樑，故此你成日都會見到佢傢。「有XO Man無驚青！」你準備好未？

Copyright 2007 Sanrio Digital (Hong Kong) Ltd. All rights reserved.